¹ Ma’anouw tu’u aku toro melila-lila’ ampit em baya em baasa ne tou wo em baasa ne malaikat, ta’an sa aku reiy’ makapunya upus, niaku ku masuat tanu eng kolintang e malegu’ wo en tetengkoren e menaleideng. ² Ma’anouw tu’u aku makapunyala eng karunia kaa laa menti’ wo niaku ku mete’ula e reiy’ sa mina’asa em pengiro-ngirong wo makapunyala e minapekasa en tine’u; wo ma’anouw tu’u aku makapunya e neman e reiy’ siperoan kaa laa mesesoro’la eng kuntung, ta’an sa aku reiy’ makapunyala upus, niaku ku kasa reiy’ si ka’ara’an. ³ Wo ma’anouw tu’u aku memete-metengla e reiy’ sa mina’asa wo’o sapa em bia niaku, awes tare sumarakanla e nouwakeku kaa laa tunun, ta’an sa aku reiy’ makapunyala upus, ma’an toyo i te tu’u e reiy’la si penoronna i wee niaku. ⁴ E nupus i ti’i en sabaar; e nupus i ti’i e murah ate; nisia si reiy’ tetayuren. Nisia si reiy’ mesawa’la en tou wo si reiy’ tingkeiy. ⁵ Nisia si reiy’ matuanala e reiy’ siadat wo reiy’ masero eng kamang en tou nuesa. Nisia si reiy’ mengengupi’ wo reiy’ makirong eng kaselokan ne tou walina. ⁶ Nisia si reiy’ mepa’a-pa’ar karengan eng kareiy’adilan, ta’an eng karengan eng kaulitan. ⁷ Nisia si mapenetla e reiy’ sa mina’asa wo’o sapa, ma’eman e reiy’ sa mina’asa wo’o sapa, maarapla e reiy’ sa mina’asa wo’o sapa, sabaar tumanggong e reiy’ sa mina’asa wo’o sapa. ⁸ Upus e reiy’ siniakaran; wenti’ e laa kumawus; em baasa roh e laa mena’; en tine’u e laa mere’i. ⁹ Karengan en tine’u ta e reiy’ lekep wo e wenti’ ta e reiy’ reiy’ siperoan. ¹⁰ Ta’an sa si reiy’ siperoan i ka’ayomi, takar e reiy’ reiy’ siperoan i ti’i e laa mere’i. ¹¹ Eng katoroan niaku nu anakoki’, niaku ku mengila-ngila’ tanu si anakoki’, niaku ku mapedam tanu si anakoki’, niaku ku megheghenang tanu si anakoki’. En teakan niaku ku sela mouw, niaku ku timele’ula eng kenaramen ne anakoki’ i ti’i. ¹² Karengan en teakan ta limoo’ witu en sereming e nesa lumian kewur, ta’an ee sangari ta laa lumoo’ eng gio ampit eng gio. En teakan niaku ku makasine’u i te ampit e reiy’ reiy’ siperoan, ta’an ee sangali niaku ku laa sumine’u ampit e reiy’ siperoan, en tanu niaku nuesa nu sine’un. ¹³ Tuana mouw en timele’u en telu kapualitan i yi’i, nyi’a i ti’i e neman, em paarapen wo e nupus, wo eng kasa wangko’ witu e neletna nyi’a mouw e nupus.