¹ Tumondong niitu si Yesus pahalin ni Roh mako witu padang ² karukutan si pawaawaan ni Iblis. Wo nisia muasa epat ngapulu ngaendo wo epat ngapulu ngawengi, maapu mako niitu wo sia maharem. ³ Wo mangemai sia, mawawaawa, wo lumila tu si Yesus: "Sa kou oki ni Empung, lilaan nako watu-watu yaai mamuali roti." ⁴ Taan winingkot na temei lumila, "Nyai patik, 'ndaai te o roti se tou tumou taan sapate firman minondolei witusuma ni Empung.'" ⁵ Tumondong niitu si Iblis tiin mali si Yesus witu kota sia tampana moko witu natas mbait ni Empung wo lumila wia nisia, ⁶ sakou ulit oki ni Empung, nawuume nawakemu nambawa ka nyai patik: wia nikou si Empung si merenta mako se malaikat-malaikatena mangkatei nikou witu lawas nea rior naemu ndaai katumbi mbatu." ⁷ Yesus mingkot nisia: " Makasape kahai lila kume wia nikou nyai patik, tia nikou mawaawa si Empungemu!" ⁸ Makasape kahai, Iblis mali si Yesus witu kuntung rakek karengan wo mapaloho wia nisia pakasa karajaan wia kadatan kaampir karameana, wo lumila wia nisia, ⁹ "pakasaan nyaai mbeheku wia nikou, taan nikou mai kumundu wia nyaku." ¹⁰ Wo si Yesus lumila wia nisia: "Mange kou Iblis! nyai patik, nikau kau kumundu wia si Empungemu wo wiate nisia kau maibadah!" ¹¹ O si Iblis mange tumelaumako nisia, wo lohone se malaikat-malaikat mange mai mawehe kuman nisia. ¹² Wo kalingaanako ni Yesus ka si Yohanes si tinimboyan neamong sia sumingkir witu Galilea. ¹³ Sia tumelaaumako Nasaret wo kaayo mako mena'tu Kapernaum witu liilik lour tu kasupu Zebulon o Naftali, ¹⁴ rior malelekep sapa nyai lila tu si nabi Yesaya: ¹⁵ "Tana' ni Zebulon wo tana' ni Naftali, lalan lour sangaweka Yordan, Galilea, tana' taintu ne tou raai Yahudi, ¹⁶ se bangsa minena witu karimbunan se lumoho nterang karengan wo se tou mahawa witu mbanua wo witu qorem bayang-bayang kapatean nterang tiin minondolomei." ¹⁷ Tumuur nendo niitu si Yesus mahotbahmong wo maila: "Makiampungou ka karajaan surga tawi mong!" ¹⁸ Niitu si Yesus makela-kelang witu liilik lour Galilea, sia lumoito serua matuari, si simou pailaan Petrus wo si Andreas patuarina. Se malombo tulour, ka nisea se melour melombo sera. ¹⁹ Wo sia lumila wia nisea: ²⁰ "Maimong kumiit nyaku, kau pasisiwongku kaundua malombo tou." andua se mahete timelaau lolombonea, wo sea kumiit nisia. ²¹ Mangete sea witu tampa tarekan, sia lumoho mako se rua matuari walina Yakobus oki ni Zebedeus wo si Yohanes patuarina, seandua sewitu nggorem londei, mawali-wali osi Zebedeus papanea, se matuutul lolombo nea wo sia tumowa nisea ²² wo semehete timelaan londei osi papanea wo kumiit si Yesus. ²³ Tumondong niitu Yesus kumelang minutar witu pakasaan Galilea: Mahajar witu sinagoge-sinagoge nea, mahajar ninjil karajaan, wo si maleos pakasa sumakit wo pakasa se mapendam sakitan witu se laker tou. ²⁴ Wo pesiwo-siwon ni Yesus yaai kahabar witu pakasa sirya wo nisea malimei witu nisia pakasaan se tou sakitan se memendam wayawayaante sumakit wo rumara, se paselaran, se sakitan mati-mati ayang, seraai kakelang, wo sea waya se lineos ni Yesus. ²⁵ Nieruran ne laker tou, se tou laker minai. Sea se tou Galilea Dekapolis, Yerusalem, Yudea wo se witu sangaweka Yordan kumiit nisia.