¹ Maane si saulus meniwo - niwope pangancaman wo mawunu se murid - murid ni empung, mako sumaru witu se imam sela. ² Wo kumiwehe surat wia nisia wehe nitu sinagoge - sinagoge tu Damsyik, makar sasia lumoho tou si mapercaya lalan niitu, tuama kaapa wewene, se alin namei sea, ai waakesen tu Yerusalem. ³ Kaurean sia makelana, makatawimong damsyik, kasengeemei mange mai nterang na langit mai lumendang nisia. ⁴ Wo sia kanawa witu tana'o linga name wewehan si mailaamei wia nisia, saulus, saulus, kaakou mawati wia nyaku. ⁵ Saulus moi se kou wo sia lumilaamei: nyaku mong si Yesus, pawantianu. ⁶ Taan, tumooromei wo muntepou witu kota, wo kou, kou lilaanokan sasapa siwonnu. ⁷ Se tou - tou mengiit si saulus, se timoor se minenes luminga si maila tiin taan se raai limoho sapa - sapa. ⁸ Saulus tumoorei witu ntana, maan werenena wuka, taan raai lumoho sapa, wo setou witu tumimboi nisia, alin nea muntep witu damsyik. ⁹ Witu sia telu ngaendo, saulus si raai maloloho, wia si tia kuman kaapa numoonot. ¹⁰ Nendo niitu wewehan si murid tu damsyik, maka ngaran ananias, empung lumila wia nisia witu palolohoan, ananias, wo si ananias lumila: nyaai aku, empung. ¹¹ Wo si empung lumila wia nisia: tumoor, wo mange tu lalan pailaan lalan rendai, witu bale ni yudas, seron si tou tarsus si maka ngaran saulus, ka nisia, lohonako si tou tiin si samombayang. ¹² Wo sia silimohomong nesa palolohoan ka si esa tou maka ngaran ananias si mai, maweweta lawastu natas ena rior nisia toro maloloho sumaup. ¹³ Maane si ananias mingkot: empung, nyaku ku lumingamong witu se laker tou kumura si tou yaai, lakerou karengan kalewoan siniwona witu seumat emu tu yerusalem. ¹⁴ Wo wia sia si wenehan kuasa ne iman - iman kapala ma - wawaakes pakasaan se tou matuwa ngaran emu. ¹⁵ Taan si empung lumila wia nisia: mangemong kasi tou tiin si pakakas sinisir eku, tu sinaru ne bangsa - bangsa walina wo raja - raja kaampit se bangsa Israel. ¹⁶ Ka nyaku, ku matuturu wia nisea, sia si mendam kasusaan wo kapeendisan laker ka ngaran eku. ¹⁷ Wo si ananisa, mangkat omange muntep witu mbale tiin, wo kaweta na mako lawas ena tu natas ni saulus, sia lumila: patuari Saulus, si empung Yesus si minapaturu, nawak ena wia nikou witu lalan kou mahai, si rimeho mei nyaku rior kou toro maloloho sumaup wo kou wutan o Roh - Kudus. ¹⁸ Wo niitukan, wewehan tanu nerap ni sera manawuumei witu beren ena, wo sia malolohomong sumaup, wo sia tumoorei ako lendem.

Saulus Tumuur Mahabar Kumura Si Yesus

¹⁹ Maka kan nako si saulus si niente, nisia mawali wali se murid witu Damsyik se woo pira ngaendo. ²⁰ Wo sia tumuur mahabar si Yesus, witu sinagoge - sinagoge kaampit maila: Yesus tiin si anak ni empung. ²¹ Pakasaan se tou malinga nisia se maloor wo lumila: ndaai reen nisia mong si witu Yerusalem si mawunu se tou maila ngarantiin, wo si minaimong wia wo sia maali se tou wia wo waakesen, tusinaru ne imam - imam kapala. ²² Taan si Saulus si maka ente ete, wo malikokosetou Yahudi mahana witu Damsyik, kaampit ma paloloho, kasi Yesus tiin siamong si Kristus.

Saulus Nyai Ka Lempot Witu Sepira Tou Yahudi

²³ Mawutulako pira ngaendo, se tou - tou Yahudi maesaan mawali, mawuwunu si Saulus. ²⁴ Taan paesaan nea, kinai lekanong ni saulus, nisea se meloho - loho witu pepenet gerbang noat wombengi rior sea toro munu nisia. ²⁵ Taan se murid - murid ni Saulus timanger nisia witu bengi wo tumpa nea mako sia witu tembok sia tumpanea - mako, minake karangan.

Saulus Witu Yerusalem

²⁶ Kaayo mako si saulus tu yerusalem, si maawa mako magagabung o semurid - murid. Taan nisea waya se kinai ndean, wia nisia, ka ndaai mapercaya sasiatiin murid. ²⁷ Taan si barnabas kumampilei si Saulus wo sia alina witu se Rasul - Rasul, wo sumirita witu nisea, sakumura sia limoho si empung witu pakelangan wo si empung limilaamong wia nisia, wo kumura sia mapaimberani, si mailaamong tu gorem ngaran Yesus tu Damsyik. ²⁸ Wo si saulus si mawali - walimong nisea witu sea muntep wo mondolei tu yerusalem kaampit kaberanian masirita tung gorem ni empung. ²⁹ Nisia si maila wo maindoan o se tou helenis, taan sea maulit karengan mawuwunu nisia. ³⁰ Kailekanako nepatuari esa iman, sia alin nea tumumpa witu kaisarea, wo rumeho nisia mako witu tarsus. ³¹ Niitumong se jamaat tuwanu yudea, kaampit galilea wo samaria minakaindo kadamean, wo tumou, wo, tumou witu mainde si empung wo witu gorem pengiboran Roh - Kudus, nisea se hawes malaker.

Petrus Witu Kota Lida Wo Kota Yope

³² Niitu, si petrus si malendong pakasa wanua tiin, sia kahai mako maailek se tou - tou kudus mahana witu lida. ³³ Witume si mahilekan osi tou maka ngaran eneas, si nyai nong katekel witu tetekelan, uwalu mong ngata un kasi raaimong kakelang. ³⁴ Petrus lumila wia nisia: eneas, Kristus Yesus, si lumeos nikou, tumooromei, wangunen no mako patekelan nu niitukan si enenias si tumooromei. ³⁵ Wo pakasan se tou mahana witu lida o saron, limoho niitu simiwo nisea mareng witu si empung. ³⁶ Makasa, witu yope wewehan si murid wewene makarangan tabita, nartina dorkas, sia siwuta om paayangen leos wo si paar mawehe sasawangen. ³⁷ Tu nendo niitu minamuali, nisia sakitan wo mate se tou se limeleemong nisia, sia tekel nea witu pores atas. ³⁸ ka lida minatawian o yope, se murid - murid, luminga kasi petrus siwaname, sea rumeho se rua tou mako witu si petrus, makiupus wia nisia tia paesong, mako witu tampa nai. ³⁹ Wo tumoorei si petrus sia mange mawali nisea, kaayo mako sia, sea mali si petrus mako witu pores atas, pakasaan se tanda timoor witu ntawi ni petrus kaampit mahame, wo tumuru mako lambung gorem, wo lambung - lambung walina pasiwon ni dorkas, nisia minemali - mali peemei nisea. ⁴⁰ Taan si petrus rumeha nisea, sumeeng ketei witu wo sia kumundo masobayang, wo sia lumenge mako tu si tabita minate mong, wo lumila tabita tumooromei wo si wewene tiin muka amei beren ena wo kalolohona si petrus, sia nyai karuhumun. ⁴¹ Wo si petrus, mehe mako lawas ena wia nisia, sumawang nisia tumoorei tumondong niitu, sia tumowa mako se tou - tou kudus wo sejanda - janda, sia tu muru mako ka si tabita, si timou momei sumaup. ⁴² Wo sapa minamuali yaai kinalingaan ne pakasaan mbanua yope, wo laker tou mapercaya si empung. ⁴³ Wo si petrus si minena ure witu yope, maan si tou makangaran simon, si menguli - kuli.