Pasal 10

Petrus o si Kornelius
1 Makasa, witu kaisera, wehan si tou makangara Kornelius, sia si tou perwira witu se suraro Italia, 2 Sia sitou saleh, mainde si empung, taintukan kahai se tou - tou sangawalena, wo laker mawehe sasawangen witu se tou - tou, wo si menombayang - nombayangete wia si empung. 3 Makasa witu nendo makekerem, wo jam kasiou nendo niitu, sia lumoho karengan witu kalolohan, si esa malaikat ni empung, mai wo lumila wia nisia : "Korneliu", 4 Wo sia kaloho witu si malaikat tiin, kaampit ninde wo lumila : "sapa nyaai, tuan?" malaikat tiin lumila wia nisia : "sombayang - sombayangemu wo pemehe - mehemu, simeretou minamuali peringatan tu sinaru ni empung.

5 Tarekan, rehomomako se tou - tou mako witu Yope, wo towaanei si tou ngaran Simon si pailaangkan kahai Petrus. 6 Nisia mahana mawali - wali o si tou makuli kuli ngaran Simon, mbalena witu liilik tasik. 7 Kaangete ni malaikat masirita o nisia, wo si Kornelius tumowa mako serua maselewir kaperluana sandiri, 8 Wo tumerangako pakasaan wia nisea, sia rumeho nisea mako witu Yope. 9 Mawoodomei, se witu lalan makelang, se tumawimong kota tiin, Petrus sumeret tu natas naatepan, bale. niitu woo jaam kaenem ka si masosombayang. 10 Wo sia mapendam naharem, wo si paar maka - kan, taan witu se tou se mahator kakanen, Petrus lomoho, nyai papalohomei nisia, 11 Wo sia lumoho langit minawuka, wo tanuate roko' lempar karengan, timumpamei, meroimei makar sumampur ntana. 12 Witu gorem niitu, wewehan se tayapo - tayapo naeepat, wo se tayapo - tayapo raai si nae, kaampit se burung na natas. 13 Wo tulingane, si mailaamei wia nisia : "tumoorei, petrus, ketoren, wo seraan" 14 Taan, petrus lumila : ndaai, empung, ka nyaku kuraai minakakan nako sapa niitu haram wo najis. 15 Wo lumilaamei kahai wia nisia, witu karua : "sapa niitu tinahirow ni empung, tia nikou mailaape haram. 16 Nyaai minamuali makatelu, wo kasengeemei pakasaan niitu minangkat nalangit. 17 Niitu si Petrus tanuape si minalikoko, magenang sapa kaakoan nyai papaloho linoho tiin, kalohoane setou - tou nyai rehomei ni Kornelius, se menero - nero wisa bale ni Simon, setimoor witu pepenet gerbang. 18 Wo kaampit nisea matowa, sea kahai mawoi, si Simon patowaan Petrus sa sia minenamako witu. 19 Si Petrus, si megenang - genange linohona tiin, wo roh lumila wia nisia : "lohone wewehan se telu tuama menero nikou" 20 Tumooromei wo tumumpa momei, mangemong mawali nisea tia mainde - inde, ka nyaku si rimeho nisea.'' 21 Wo tumumpamei si Petrus mako witu se tou tiin, kaampit lumila : "lohon, nyakumong si peneron niu" sapa alasan niu masero nyaku?" 22 Sea lumila : "si Kornelius, si tou perwira, makiit nulit wo si mainde si empung. si kailekan karengan tou leos witu pakasa se bangsa Yahudi, si genangan nomei ne malaikat kudus, kai mai wo rumeho nikou, maiwitu balena, wo palilingana pailaamu. 23 Petrus tumowaamei nisea muntep, mehe wia nisea tampa pa - enaan witu. mawoondomei, sia mawongke wo mange mawali - wali nisea wo sepira patuari esa imam, witu Yope kumaapit nisia. 24 Tu nendo tumondong, sea muntep witu kaisarea, si Kornelius si mengena' ngena' mokan nisea, wo siminerurou sepatuari - patuarina wo se kaampit - kaampitena. 25 Kauntep temei ni Petrus, si Kornelius mako mahilekan o nisia, wo sia kumundu tu nae ni Petrus sumemba nisia. 26 Taan si Petrus sumawangei nisia tumoor. wo lumila : 'tumoorei! nyaku kahai ku toute." 27 Si Petrus si mailaape o si Kornelius, Petrus gumoremei, kailekan namako laker tou minerur witu mawali - wali. 28 Wo si Petrus lumila wia nisea. "kailekan niu ka minamuali raai geleos, witu se tou Yahudi, mahilekan kaapa mako witu se tou raai Yahudi, taan si empung timuruumong nyaku, ndai toro maila wia seitesia sitou, sapa niitu haram kaapa najis. 29 Niitumong, nyaku ku raai timolak, nikai rumeho nyaku mai, niitumong nyaku moi wia nikau, sasapa alasan nikau tumowa' nyaku? 30 Wo Kornelius lumila : "epat ngaendo limangkoi mako, makar jam yaai, witu jam ka siou, nyaku ku masombayang witu baleku, wo kalohoangku, sa wewehan tou timoor tu sinaruku, si limambung kumera - kerap. 31 Wo sia lumila : "Kornelius sombayangemu, liningamong, wo pemehe - mehemu gienangou tu sinaru ni empung." 32 Niitumong, reho mako tu Yope wo kiwehen si Simon patowaan Petrus mai. nisia si mena witu mbale ni Simon, si menguli, kuli witu lilik tasik, 33 Niitumong, nyaku mehete rimeho se tou - touku menge tu nikou, wo nikou kinawehanong ate leos, paar mai, tarekan, kita waya wia nyaai, tu sinaru ni empung, malilinga pakasaan nyai nong perenta ni empung wia nikou."
Petrus mahabar ninjil tumbale ni Kornelius
34 Wo, si Petrus mukaamei suma kaampit lumila : "tarekan, kumangartimong karengan, ka si empung, si raai menawa weka" 35 Taan witu se bangsa, se tou mainde nisia, wo masiwo kaulitan, se kapaare na. 36 Firman nyai wehe ni empung witu se tou Israel mahabar leos, damai sejahtra lumalan witu si Yesus Kristus, siamong si empung witu se pakasaan. 37 Kailekan niumong tare, sapa minamuali witu pakasaan Yudea, tumuurei tu Galilea, kawewehena lelendeman. pahabar ni Yohanes. 38 Kailekan niu si Yesus, tou Nasaret, kumura sia ni urap ni empung o roh kudus kaampit kuasa, sia mange malendong masiwo geleos, wo maleos pakasaan se tou pasiwo - siwon ni roh lewo, ka si empung mawali - wali nisia. 39 Nikai mong si menren witu pakasaan sapa siniwo ni Yesus. leos witu mbanua ne tou Yahudi kaapa witu Yerusalem. sea minunu'umong si Yesus. kaampit gumantong nisia witu kayu salib. 40 Taan si empung timoorei nisia witu katelu ngaendo wo lumoasako nisia mapaturu nawakena sandiri. 41 Ndaai witu pakasaan se tou, taan wia nikai, wewerenan sinisir ni empung, katare, se ma - kan, manoonot o nisia katotoor namei tu nantara netou minate. 42 Wo sia merenta wia nikai, mahabar wia se tou - tou, wo mawehe kasaksian nulit karengan ka nisiamong si tinetap ni empung mamuali hakim tu natas ne tou. matou - tou kaapa se minatemong. 43 Wia nisia, pakasaan se nabi masaksi, ka seitesia si tou mapercaya witu gorem nisia, si makaindo ampungan dosa lumalan witu ngaran ena.
Empung Timuru, Ka Nisia Si Tumerima Pakasaan Se Tou
44 Si mailaape waya niitu si Petrus, roh kudus timumpa momei tu natas setou witu seliminga firman tiin. 45 Wo se tou - tou percaya se sinunatou se minawali mei, si Petrus, maerang ka karunia Roh Kudus, nyainong palusei kahai witu se bangsa - bangsa walina. 46 Ka, sea malinga, se tou tou tiin semasiritamong minalae - laengan bahasa wo sea meloo - loor si empung, wo si Petrus lumila. 47 Ndai reen, ndaai wana si esa tou si toro mape ndano, malelendem se tou - tou timerimamong Roh Kudus, masuat nikita yaai? 48 Wo si Petrus merenta mako nisea, ako lendem tu ngaran ni kristus Yesus, tumondong niitu, se tou - tou kumiwehe si Petrus menapemako mawali - wali nisea pira ngaendo.