¹ Petrus Mareng Tu Yerusalem Niitu se rasul - rasul wo se patuari - patuari esa iman, witu yudea liminga ka setou - tou raai yahudi, se timerimamong firman ni empung. ² Niitumong, kaakote ni petrus tu yerusalem, setou - tou sinunat minaindoan o nisia. ³ Kaampit maila: nikau minange witu setou - tou raai sinunat wo makan mawali - wali. ⁴ Taan si petrus tumuur tumerangko pataasaan wia nisea, wo lumila. ⁵ Nyaku, ku masombayang witu kota yope, wo kuwitu maliko - likoko, ku lumoho nesa kalolohoan, wewehan nesa tanu roko lempar nyai tumpamei, nyai weroimei makar nepat tempokena sumaer tana, wana langit omai, wo roko tiin tumawimei nyaku. ⁶ Katutuuseku niitu, tu lohong ku mako maka leos, wewehan se tayapo tayapo epat nae, tayapo siru, tayapo raai si nae, wo se burung burus na natas. ⁷ Wo nyaku luminga wehan si mailaamei wia nyaku, tumoor, petrus, ketoren wo seraan ka nen. ⁸ Taan nyaku lumila: daai empung, ka ndaai wana si haram kaapa najis, minuntep witu suma ku. ⁹ Taan si mailaamei tiin mingkotei karuanamong wana langit: sapamong niitu tinahiru ni empung, tia pasisiwonu niitu haram. ¹⁰ Nyaai makatelu mamuali, wo tu kehorename niitu mareng na langit. ¹¹ Lohone, niitukan wewehan se telu tou nyai rehomei, mai wia nyaku tuntampa nienaangku tu kaisarea. ¹² Tumondong niitu Roh lumila wia nyaku, mange mawali nisea, ndaai toro mainde, se enem patuari esa iman minange mawali nyaku wo kai muntep witu bale ni tou tiin. ¹³ Wo sia lumila wia nikau, kumura sia limoho si malaikat timoor witu balena kaampit lumila: rehomako tou mako tu yope, wo kiwehen si simon, si patowaan petrus mai wia. ¹⁴ Wo sia si lumila nyai ngeenge wia nikou, wo witu nyai ngeengeemei tiin, nikou ka lempot, nikou wo sesangawale mahana witu balemu. ¹⁵ Ku mengila ngilaape, Roh Kudus tumumpamei tu natas nea, tanu minamuali katare - tare wia nikita. ¹⁶ Wo nyaku kagenang sapa nyai lila ni empung, sia lumila: Yohanes malendem on dano, taan nikou kau lendem kaampit Roh Kudus. ¹⁷ Niitu mong, sa si empung mahemei karunia masuat wia nisea, tanuakan kahai nyai wehemei wia nikita sa kita mapercaya tunggorem ni empung Yesus Kristus, sei reen nyaku, makar nyaku toro mape si empung?. ¹⁸ Kalilinga neate pakasaan nyaai, sea menes wo maloor si empung kaampit lumila, "sataintu, si empungekan kahai si kimarunya witu se tou - tou raai Yahudi, timobat matoro witu katotouan. ¹⁹ Niitu se tou - tou se nyainong kasera, ka se pemanti - mantian, niitu minamualimong tu si stefanus, kinalingaan makar fenesia, siprus wo antiokhia, kaampit ndaai mahabar firman ni empung, wia se tou wayate witu se tou - tou Yahudi. ²⁰ Taan wewehan setou witu nisea, nisea se tou - tou siprus wo kirene, seminako witu antiokhia wo lumila kahai witu se tou - tou helenis, kaampit mahabar kumura se empung Yesus. ²¹ Lawas ni empung mawali nisea, laker karengan tou minamuali mapercaya si minareng witu si empung. ²² Nahabar kumura sea, minako witu lunteng ne jamaat tu yerusalem, wo sea rumehomako barnabas mako tu antiokhia. ²³ Kaayo mako si barnabas wo lumoho kaleosan karunia ni empung, sia si mapaar - paar wo sia ngumeenge wia nisea, waya, kumiit ete si empung kaampit nate raai kaleeleran. ²⁴ Ka si barnabas tiin si tou leos, si wuta o Roh Kudus, kaampit iman, laker se tou nialimei witu si empung. ²⁵ Tumondoong niitu, barnabas mange witu tarsus masesero si saulus. ²⁶ Kandoana mako sia, sia alina mako witu antiokhia, woo sangata - un, sea mahilekan wo se jamaat kaampit mahajar se laker tou, wo witu antiokhia, murid - murid, katare - tare pailaan tou Kristen. ²⁷ Tu nendo - nendo niitu, sepira nabi tumumpamei na yerusalem, mai tu antiokhia. ²⁸ Esa wia nisea makangaran agabus, timoor wo wo maramal kaampit pasawangan ni Roh, ka mamuali kahareman karengan pakasaan kaoatan, wo kahareman tiin mamuali witu pakelangan pamarentahan ni klaudius ²⁹ Wo se murid - murid mutusako makikirimako sasawangen, kiit kamampuan nea, sandiri - sandiri, witu se patuari - patuari esa iman mahana tu yudea. ³⁰ Wo, wehane kahai siniwo nea, kimirimako sasawangen witu se penatua - penatua niali ni barnabas o ni saulus.