6 Makasa witu bengi si herodes maali si petrus mondolei si petrus timekele tu nantara ne rua suraro, si winaakes on rua rante wo se majaga witu sinaru pepenet se meloho - loho mbui. 7 Wo, kalohoan, si esa malaikat ni empung timoor witu tawi ni petrus wo wehan terang mengera - ngerap witu sel bui tiin, wo si malaikat tiin tumeetek ako salaasak ni petrus wo mongke nisia, kaampit lumila: repet tumoorei wo rante rante minaakes nisia mehete nyai kaweta tu lawas ena. 8 Wo si malaikat tiin lumila wia nisia: waakesen rerehenan nu pakenong selopemu tu si wona taintu wo sia lumila kahai: lambungendong jubahmu wo kumiit nyaku 9 Sia mondolei si petrus kumiit si malaikat tiin ndaai kailekan na ka sapa mina muali yaai kaampit si malaikat tiin, palolohon karengan, wo pailanate, sia limoho tanu nyai papalohomei. 10 Witu sea lumawetako si majaga katare wo si karua, sea kaayo witu pepenet gerbang besi, matoro witu kota, pepenet gerbang tiin minawuka sandiri wia nisea sea mondolei, kumelang makar kaayo witu lalan oki, wo kasengeemei si malaikat tiin timelaau mong si petrus 11 Kawongkemei si petrus, witu sapa mina muali witu nisia sia lumila: tarekan kumakai lekou karengan ka si empung rimeho momei si malaikat na lumempot nyaku witu lawas ni herodes witu pakasaan marapen ne tou yahudi. 12 Ka sasadarei niitu waya si petrus sia mako witu bale ni maria mama ni yohanes si patowaan markus, wo witume laker tou minerur mawali - wali wo masombayang. 13 Katetengkorang pepenei si petrus, si wewene makangaran rode si minai muka pepenet. 14 Ka kenalana mako suara ni petrus, ka si kina paaranong karengan kinaliuran namong mawuwuka pepenet, ka si mehete limenteng mako witu gorem wo mako lumila sia si petrus si timoor witu ntawi pepenet gerbang. 15 Sea lumila witu si rode nikou kou minasenomong taan si rode si mengila ngilaate niitu, wo nisea maila: niitu si malaikat ena. 16 Si petrus si menengko - negkorete, wo kawuwuka neanamei pepenei wo lumoho si petrus se nyai kasenge waya. 17 Taan kawewehe mako ni petrus tanda o lawas ena rior nisea menes, wo sia tumuur sumirita wia nisea kumura si empung malimei nisea kumura si empung malimei nisia mondolei witu bui wosia lumila: ako lila nyaai waya witu si yakobus wo witu se patuari - patuari esa iman, wo sia mange tumoro witu tampa walina. 18 Witu lambotou si endo, mamuali patotu kocan sela witu nantara sesuraro, kumura minamuali wia si petrus. 19 Kapapate Ni Herodes
Si herodes masero sipetrus taan si raai kinaidoan - na, sia meriksa se majaga wo merenta mako rior nisea waya peten wo si herodes tumumpa mako tu yudea mako witu kaisa rea wo mena witu.
20 Niitu si herodes si maupi karengan witu, se tou - tou tirus o sidon wo kaampit minaesaan, sea mai tusinaru ni herodes wo sea melur si biastus siasi mahurus rumah tangga ni raja, nisea makiupus makiwehe ndame, kabanua nea makaindo kakanen witu banua ni herodes. 21 Witu nendo tinantu neamong, si herodes limam bung o lambungena karajaan ri muhumun witu tahtana, pengadilan woa sia mehe pidato wia nisea. 22 Rakyat se memehete maseesek mareke: nyaai suara ni empung, ndaa tou. 23 Niitukan si esa tou malaikat, sumepe nisia ka nisia si raai minehe kamuliaan wia si empung wo sia ka - nen ne witek - witek makar sia mate. 24 Taan firman ni empung maka tou temei mangawengawes. 25 Wo si barnabas o si saulus marengei tu yerusalem malekepako paayangen palayanan nisea wo sea melurei si yohanes si patuwaan markus.