Pasal 13

Tinugasan Sandiri Witu Si Barnabas Osi Saulus
1 Makasa wehan sewitu nantara ne jamaatantiokhia, nabi - nabi wo se guru - guru si barnabas, simeon patowaan niger, luklus witu kirene, menahem si si nela mawali - wali si herodes raja mbanua wo si saulus. 2 se maibadahpe se tou - tou wia si empung wo mapuasa, lumilaamei si roh kudus: tampasako wia nyaku si barnabas osi saulus, se pawewehangku im paayangen ka niitu nyaku tumowa nisea. 3 Tumondong niitu, muasa mako nisea wo sumombayang, kaampit meta mako lawas nea witu si barnabas osi saulus wo rumeho seandua mange.
Barnabas Osi Saulus Witu Pulau Sipirus
4 Karerehote ni roh kudus sea mange, si barnabas osi saulus tumumpa witu se leukia, witu mokan sea sumengkot mako tu siprus. 5 Kaayo mako sea witu salamis, se mahabar firman ni empung witu sinagoge - sinagoge tou yahudi wo sea mali kahai si yohanes mamuali maselewir nisea. 6 Sea mange lumendong pakasaan pulau tiin makar tu pafos, mahilekan osi esa tou masihir si tou nabi towo yahudi, makangaran baryesus. 7 Sia mawali - wali si prokonsul makangaran sergius paulus, si tou pande, kimiwehe si barnabas osi saulus maiwianisia wo si paar malilinga firman empung. 8 Taan si elimas, si menihir tiin ka niitumong ngaran ena nyai selok, paar masasaruan osi barnabas kaampit si saulus si maulit marereko si prokonsul witu elimas. 9 Taan si saulus, si kenalen patowaan paulus, winuta mei roh - kudus tumuus witu si elimas. 10 Wo lumila:ei kou, kou wuta katowoan wo kalewoan, nikoumong kou oki ni ibus, nikoumong kou musuh witu pakasan kaulitan, sapa kou tia mena marereko lalan ni empung rendai. 11 Tarekan, lohone, lawas ni empung mai tu natas emu wo kou mamuali letok raai mong maloloho si endo wo pira ngaendo niitu kan tu mangemai nahawun wo kari mbunawan tumumpamei witu nisia wo sia mange masesero tou tumimboi lawas ena. 12 Wo si prokonsul tiin minamuali mapercaya karengan limoho sapa minamuali niitu mong sia maerang witu najaran empung.
Paulus Wo S Barnabas Mako Wtu Kota Antiokhia Tu Banua Pisidia
13 Makasa si paulus ose tou tou mawali nisia sumengkot witu pafos makar witu perga wana pamfilia, taan si yohanes tumelaau nisea mareng sumauptu yerusalem. 14 Taan saulus osi barnabas memehe - mehete kumelang witu perga, wisea kaayo tu anti o khia witu pisidia, wo witu nendo sabat, dea mako witu sinage, rumu humun witu. 15 Witu se ma tembo nukum taurat wo buk nenabi - nabi kapala - kapala sinagoge rumeho tou mako lumila witu se rua rasul tiin: patuari - patuari, sa kau wewehan lilila pengiboran, wia se tou tou yaai lilaamei. 16 Wo si saulus tumoorei wo sia mehe mako tanda o lawas ena kaampit lumila: ei nikau tou israel, wo mainde si empung lingane. 17 Empung ne bangsa israel yaai sisimiriu se tu'a tu'a ata wo tumoore bangsata kaureannisea mahana tu mesir, wo kaampit lawas nyai angkat sia mali nisea rumoou mei witu. 18 Kaurean woo epat ngapulu ngataon, sia si simabar limoho pasiwonea witu padang rembet. 19 Wo, paapuna mako se pitu bangsa witu tana'kanaan, wo si marisako tana tiin. 20 Nyaai waya minamuali woo epat ngaatus lima ngapulu ngatalin, kaureana maapa mako niitu empung sumerakanako hakim - akim maka witu si nabi samuel. 21 Tumondong niitu sea kumiwehe si tou mamuali raja, wo si empung mehe ni sea si saul, oi tuama ni kish, si tou taranak ni benyamin, makar epat ngapulu ngataun. 22 Ka sisingkir temako ni empung si saul empung tumoorei si daud mamuali raja nea, wo kumura sia si empung simaksimong wo lumila: nyaku ku minakaindo mong si daud oi ni isai, sia si kapaar nate ku, nisia si sumiwo pakasaan kapaareku. 23 Witu mong se taranak ena si empung kiit kapaarena, mali wia israel si esa tou juru slamat siamong si Yesus. 24 Si raaipe minai si Yesus nyaimong lila katare ni yohanes kumur lelendeman patobatan witu pakasaan se tou israel. 25 Si malelekep paayangen si yohanes sia lumila: paila nitue sei nyaku yaai nyaku ndaai nisia, taan lohon niu mokan wewehan si tou tumondongei nyaku si mai, maroroute selop ena witu naena nyaku ndaai toro meta niitu. 26 Patuari - patuari taranak ni abraham wo setou - tou wia nantara niu, se mainde si empung wia nikita nahabar kalempotan nyaai nyainong lilaa mei. 27 Ka nisea semahana tu yerusalem wo se pemimpin nea, se raai kumenal nisia wo se raai kumiit nyai lila ne nabi, patondeyan witu nari sabat, se limekepou paila ne nabi tiin, sea mukum si Yesus. 28 Wo maane sea raai minakaindo nalasan sapate niitu, maente' nukuman mate, se makiwehete witu si Pilatus, mawuwunu' nisia. 29 Wo malekepako waya pakasaan nyai patik kumura nisia, sea tumumpamei nisia witu kayu salip wo sia ako tekel nea witu pakuburan, 30 Taan, si empung timoorei nisia tu nantara netou minate. 31 Wo kaurean nendo makoendo, Yesus mapaloho nawak ena witu setou - tou memali - mali nisia tumuur witu Galilie makar witu Yerusalem, wo tarekan minamuali saksi - saksi na wia banua yaai. 32 Wo kai malimei wia nikau nahabar leos kumura nyai kawar ni empung wia se tu'a - tu'a rior. 33 Ka si empung minehemomei nyai na kawar wia nikita, oki - oki nea, witu tumoorei si Yesus, tanu nyai patik witu buk mazmur pasar rua : "nikou kou oki - oku". nyaku kuminamualimong bapa emu" 34 Kumura si empung tumoorei si Yesus tu nantara ne tou minate, ndaai mong mareng kahai witu patean =, empung limila : nyaku ku mehewia nikau kamang wangko kudus wo toro papercayan, nyai wehe witu si Daud". 35 Niitumong, sia kahai si limila witu gorem mazmur walina : nikou kou raai maya si tou kudus emu lumoho patean, 36 Ka si daud, kalalayani setou - touna sandiri kiit kapaaran ni empung, o sia mate, wo kinubur tu nantara ne tu'a na o sia lumoho patean. 37 Taan si Yesus si nyai toorei witu patean tu nantara ne tou minate, si raai limoho patean. 38 Niitumong, rior kailekaniu patuari - patuari, ka lumalan witu nisia niitu nampungan witu dosa - dosa paloho wia nikau, 39 Wo lumalan wia nisia, seite si tou mapercaya si bebasen witu waya - waya, tu niitu kau raai toro bebasen ni ukum taurat musa. 40 Niitumong tumega - tegam rior sapa nyai lila witu ne nabi - nabi ndaai mamuali wia nikau. 41 Lohone, ei kau masesero! kasenge, wo kau mate, kanyaku masiwo paayangen witu norasemu, nesa paayangen ndaai sumiwo nikau percaya, maane si tou mai tumerang wia nikau. 42 Kaondol temei ni Paulus wo si Barnabas, se tou - tou makiupus satoro sea mehepeemei firman empung, witu nari sabat tumondong nyaai. 43 Malekepako pinahilekan witu sinagoge tiin, laker karengan se tou Yahudi wo se tou - tou Proselit [se tou raai yahudi taan agama Yahudi, sinunat] 44 Witu nari sabat tumondongako, taite pakasaan tou witu kota mai merur ka malilinga firman empung. 45 Taan, kaloloho ne tou Yahudi se merame - rame, wo sea winutaong kadengkian wo tumur masasaru sapa paila ni Paulus kaampit maojat nisia. 46 Wo, Paulus o si Barnabas mingkot kaampit kaberanian nea wo lumila : "nyaai kasa paindon, ka firman ni empung, geleos karengan saitu papaloho wia nikou katare, taan ka kau timolakete, wo mapendam nawakemu ndaai kaindo ratotouan ndaai si kaapuan, lohone, nikai mako witu se bangsa - bangsa walina. 47 Ka tanaaimong firman empung mehemei prentah wia nikai, "nyaku simiwomong nikou mamuali terang witu se bangsa - bangsa walina, rior nikau toro mali kalempotan makar wana tempok kaoatan. 48 Kalilinga netou raai Yahudi paila yaai, sea semapaa - paar wo mamualia firman empung, wo laker setinantumomei makaindo penou - nouan ndaai si kaapuan, minamuali percaya. 49 Wo firman empung nyai nong kasera witu pakasaan banua tiin. 50 Taan se tou - tou Yahudi se mahelur se wewene - wewene leos, se paormatan witu, wo seto - tou penoroan witu kota tiin, rior sea toro sumiwo kasusaan witu si Paulus wo si Barnabas, wo mure' niseandua mako witu luar banua nea, 51 Taan kaampit nisea mapiipikako nawu witu nae nea, witu sinaru ne tou - tou Yahudi witumei, paulus osi Barnabas mako witu Ikonium. 52 Wo se murid se wuta ongkapaaran nea kaampit roh kudus.