Pasal 14
Paulus O Si Barnabas Witu Kota Ikonium
1
Wo mamuali witu kota ikonium, paulus osi barnabas muntep mawalitu sinagoge tou yahudi, wo lumila tanu rengila - ngila nea, makar selaker karengan tou, sea tou yahudi kaapa tou yunani, minamuali percaya.
2
Taan se tou yahudi raai percaya, se pengaru se tou tou raai yahudi wo rumalung nutek nea, rior sea sumaru se tou - tou percaya.
3
Niitumong sea mena witu se kinauren, taan se makote maka berani maila, wehe si empung, si minehemei kasaksian kumura habar anugerah na, kampit kumarunya mei tanda makaerangen, wo mukjisat - mukjisat mamuali lumalan witu lawas nea.
4
Taan se tou - tou witu kota se mina wete - weteng, walina se mahindote se tou - tou yahudi, wo se walina se mahindo se rasul - rasul.
5
Saitu paayangen si niwomong makaleos ne tou raai yahudi kaapa tou yahudi, kaampit se pamimpin nea, mako mawawanti wo malahawa se rasul om batu.
6
Kailekanako ni paulus osi barnabas niitu, sea lumenteng mako witu listra o derbe, niitu kota - kota witu lika onia wo witu mbanua liilikena.
7
Wo witu niitu sea mahabar ninjil
Paulus Witu Kota Wo Kota Derbe
8
Witu listra, wewehan sitou rimuhumun ka nae na ndaai si keter, raaimong mamuali kumelang timuureemei si witupe poot ni mamana, wo si raaipe mina kela - kelangako.
9
Sitou tiin si malinga sapa paila ni paulus, kalohoanako ni paulus sia wo tuusan namako lohona sitou tiin si wewehan iman, paleleosen.
10
Wo paulus lumila kaampit marekei: tumoorei rendai wo naemu, wo sitou tiin rumentek tumuur makelang.
11
Kalolohoane ne tou laker sapa siniwo ni , paulus, sea mangketei suara wo masirita witu bahasa likao nia, se opo - opo timumpamomei wia nuner eta wo mamuali masuat o nikita ntou.
12
Setou - tou maila si barnabas, siamong si zeus, wo si paulus siamong si hermes, kanisia si mapimpin sirita.
13
Imam opo zeus , kuilena mbitu luarena kota, mahali si sapi tuama wo wungang rinangkai, witu pepenet gerbang kota, nisia wo se tou laker paar mawewehe parsembahan kurban witu si paulus o si barnabas.
14
Taan si rasul barnabas wo si rasul petrus, liminga nyaai, wo sea rumese lambung nea sea lumenteng muntep tu nuner ne tou laker kaampit.
15
matowo wo lumila: patuari - patuari kaaka masiwo tanu nyaai nikai kai tou te masuat tanu nikau, wo mahalimei nahabar leos wia nikau rior nikau marengei sumaup witu ndaai si kaaraanyaai, mareng witu siempung si matou - tou si simiwo langit, kaoatan wo tasik wo pakasaan witu gorem ena.
16
Witu saman ne tou - tou rior sia si minaya pakasaan bangsa makelang kumiit lalan sandiri.
17
Taan si tiak maya nawak ena sa raai si saksi, ka nisia si mapaayang leos kaampit mehemei wia nikau nuran na langit, wo noras noras mawua, masesenang nate niu kaampit kaka - nen wo kasenangan.
18
Maane kaampit maila pakasaan yaai, nisea se raai kaena se tou laker tiin, rior nisea raai sumiwo parsembahan tiin wia nisea.
19
Taan, tou - tou yahudi witu antiokhia wo ikonium, semangemai, wo sea melur se tou laker tiin o sea lumahawa si paulus ombatu, sia kehorenea alin witu luar kota ka kailekanea paulus tiin si minatemong.
20
Taan, kalelendongete ne murid - murid witu si paulus, sia tumoorei wo sia muntep sumaup witu kota, witu nendo tumondongei, sia mange mawali - wali si barnabasmako witu derbe.
Mareng Mako Witu Kota Antiokhia Wanua Siria
21
Maka habarako ninjil tu kota tiin, sumiwo laker murid, wo sea mareng witu listra wo mako tu ikonium kaampit mako witu antiokhia.
22
Kaampit sia mente mukur ne murid - murid wo tumondo nisea mente - ente witu iman, wo lumila: ka nikita mauntep witu karajaan empung tamendam laker kapeendisan.
23
Katuturu teme ni paulus o si barnabas, penatua - penatua wia nisea witu se jamaat, kasosombayang nea kaampit muasa, wo sea sumerakanak se penatua tiin wia si empung wia nisea se mapercayanong.
24
Wo sea lumawet witu pasidia makar sea mako witu pamfilia.
25
sea se mahabarou ninjil witu perga, sia tumumpa witu atalia.
26
Witu mokan niitu sea sumengkot mako witu antiokhia, tampa nea nyai serahkan witu anugerah ni empung ka payaangen linekep neamong.
27
Kaayo nea temei sea merur mawali - wali o se jamaat, wo sea lumaporako pakasaan siniwo ni empung kaampit nisea wo kumura sia minukaamong pepenet iman witu se bangsa walina.
28
Wo sea mena mawali - wali o se murid makar kinaurean.