Pinahilekkan Witu Yerusalem ¹ Niituu sepira tou se timumpamei tu yudea, mai majar se patuari - patuari esa iman, "sa kau raai sunaten, kiit kanaramen nyai wehe ni musa nikau, kau raai ka lempot. ² Wo mamuali mako kasumelokan wo maindoan ndaai te oki, tu nantara si Paulus, Barnabas o se tou - tou tiin, sea mutusako kasi Paulus osi Barnabas kaampit sepira tou walina wia nisea, se pakiwehen mako tu Yerusalem mako mahilekan o se rasul wo sepenatua, nyai kawaakes witu pinaselokan yaai. ³ Wo sea antaren tu lalan, ne tou - tou jamaat, tu pakelangan nea, sea lumawetako fenisia o samaria kaampit masirita mako kaulitan kumura partobatan ne bangsa - bangsa waling, wo nyaai minamuali kapaaran karengan wia nisea patuari esa iman. ⁴ Kaayo mako sea tu Yerusalem, sea sungkulenei ne jamaat - jamaat, serasul - rasul wo se penatua - penatua, wo sirita neamako pakasaan siniwomomei ni empung wia nisea. ⁵ Taan se wou pira tou sewia golongan farisi, se mapercayamong tumoorei kaampit lumila : paindon karengan, masusunat nisea, wo merenta nisea kiiten nulit likum ni musa. ⁶ Se rasul wo se penatua minerur mawali - wali simirita pengindo - ngindoan tiin. ⁷ Maapa mako mengindo - ngindo labot tiin, watume, petrus tumoorei lumila wia nisea patuari - patuari, kailekan niu ka witu noras rior, si empung si simiwomong sisiran, wia nantara niu ka kaampit lumalan wia suma - ku, se bangsa - bangsa walina se luminga nahabar ninjil wo mamuali percaya. ⁸ Wo, empung makailek nate netou, simaksi mong wia nisea, kaampit minehemei roh kudus wia nisea, tanu siniwo namong wia nikita. ⁹ Wo sia si raai menisir wia nantara nikita wo nisea, witu sia mineresipe nate nea kaampit iman. ¹⁰ Niitumong kaakau paar mawawaawa si empung kaampit meta mako kawuteran tiin witu lehe nemurid - murid, leos be tu'a - tu'ata rior kaapa nikita sandiri, ta raai kaako mawuwuleng niitu? ¹¹ Taan, nikita mapercaya, ka kita nyai kalempot witu anugerah empung Yesus tanuakan kahai ni sea. ¹² Wo pakasaan se minerur tiin nyai kapenes wo sea malinga si barnabes o si paulus, se materang pakasa tanda wo mukjisat, siniwomei ni empung lumalan wia nisae witu nantara bangsa - bangsa walina. ¹³ Maapa mako sea masirita, Yakobus mingkotei, "patuari waya lingane aku" ¹⁴ Simon si timerangou kumura si empung, timuureemei katare - tare siminehemong ate witu se bangsa - bangsa walina, ka maindo witu nantara sebangsa tiin, mawuali umat witu ngaran - ena. ¹⁵ Penggila - ngila ne nabi - nabi semapaar nyaai, tanu nyai patik : ¹⁶ Tumondongako nyaai, nyaku ku marengei, wo sumiwo sumaup kemah Daud nyainong karombe, nyaku ku mangun sumaup minatelaan witu, mo nyaku tumuuntul sumaup niitu. ¹⁷ Rior se tou nyai katelaan toro sumero si empung, wo paasaan se bangsa walina si tinowa witu gorem ngaraneku, si simiwo nyaai waya, firman empung si simiwo pakasaan nyaai. ¹⁸ Kinailekanong timuureemei witu katare - tare karengan. ¹⁹ Niitumong, nyaku lumilaame sakita raatoro madepeendis se tou - tou bangsa walina se minarengomei witu si empung. ²⁰ Taan nikita paindon karengan matikako witu nisea rior nisea rumooumako nawak nea witu ki nasemboranong berhala - berhala, wo witu dosa dosa makaawuan, kaampit sapate niitu kinerekan wo wia daha. ²¹ Ka timuuremei rior, si musa si wewehan witu nesa - nesa kota, se tou - tou mahabar nisia, ka patoniei witu sinagoge - sinagoge witu nari - nari sabat.

Surat Witu Setou Percaya Seraai Yahudi

²² Wo palolohon geleos ne rasul - rasul o se penatua wo pakasaan jamaat, sumisir tou - tou witu nantara nea si reho mako witu Antiokhia, mawali si paulus osi barnabas, sea rumeho si yudas si patowaan barsabas, kaampiten ni silas se manali - ali sepatuari - patuari esa iman, ²³ Wo sea matikako witu surat kaampit lawas nea ta naai : "wia se rasul - rasul wo penatua - penatua, patuari -patuari esa iman, wehe nikau waya patuari raai yahudi tu Antiokhia wo siria, kiliku, noormat! ²⁴ Ka kai limingamong ka sepira tou wia nantara nai, wo witu nisea nikau raai minerentamako, ri maungo nikau kaampit paila nea, minohoge mukuremu. ²⁵ Nyaai palolohan geleos wia nikai, wo kai minahandianong, masisisir tou - tou wo rumeho nisea mai wia nikau, mawali - wali patuarinai si kaupus nai, barnabas o si paulus, ²⁶ Si minehemong penou - nouanea wia nikau ka ngaran ni empung eta. Kristus Yesus. ²⁷ Niitumong, kai rumeho si Yudas wo si silas, rior nisea te semange lumila pakasaan masuat wiate suma nea. ²⁸ Ka, geleos karengan wia si roh kudus, wo wia nikai maweweta kawuteran wia natasemu, ndaai kasa wuter witu pa perlun yaai. ²⁹ Ka nikau rumoou momei nawak niu witu sapa nyainong sembah witu si berhala wo witu ndaha, wo sa sapate niitu si pinate kinerekan, wo witu ndosa - dosa maka kaawuan. sakau jumaga nawak niu sandiri wia paila yaai, nikau masiwo geleos "makar mahilekan". ³⁰ Matalikurako sea, o sea tumumpa witu Antiokhia, wo kaerurakosea sijamaat sea sumerakanako surat tiin. ³¹ Ka totondei nea mako surat tiin, sea semapaa - paar karengan kaseaniiborei niitu. ³² Yudas o si silas, nisea tiin se nabi, kumetewo mente se patuari - patuari esa iman wo laker nyai lila. ³³ Wo nisea se minena witu wo pira ngaendo, se tua - tua percaya tiin metamako nisea mareng kaampai damai witu se tou - tou rimehomei nisea. ³⁴ Taan geleos wia si silas menaape wanape. ³⁵ Taan si paulus wo si barnabas minena witu Antiokhia, si manajar wo mahabar firman ni empung mawali - wale se laker tou.

Paulus Wo Si Barnabas Minatelauan

³⁶ Kumelangako pira ngaendo, Paulus lumila witu si barnabas : "maimong ta mareng wo ta mako lumoho se patuarita esa iman witu kota, tampata minahabar firman ni empung, mako maloloho kumura sea tarekan. ³⁷ Barnabas kahai paar maali si yohanes patowaan markus. ³⁸ Taan, paulus ma genang ka ndaai geleos si tou, timelaumong nisea witu pamfilia, wo raai minange mawali - wali witu paayangen tiin. ³⁹ Wo mawuali mengindo - ngindoan tarem makar sea matelaauan esa wo si esa Barnabas minali si markus, sumengkot mako witu siprus. ⁴⁰ Taan si paulus simisir ako si silas wo mange, wo sea serahkan ne patuari - patuari esa iman witu gorem Anugerah ni empung. ⁴¹ Wo sia lumawetako siria wo kilikia kaampit makete se jamaat - jamaat.