Pasal 16
Tmotius Kimampit Si Paulus Wo Silas
1
Paulus kahai mako witu derbe wo listra, wo lohone wewehan siesa murid witu me makangaran Timotius, si oki niwewene yahudi si mapercayamong taan si papana si tou Yunani.
2
Sia si kailekanea leos nepatuari - patuarina esa iman, witu listra wo ikonium.
3
Paulus si paar si Timotius mange mawali nisia, wo sia melur nisia wo sumunat nisia ka setou - tou yahudi semahana witu banua tiin, ka kalekan nea si papa ni Timotius tiin si tou Yunani.
4
Se mengela - ngelange, lumawet witu kota - kota, nisea mehe, natoran - natoran wia setou - tou percaya niitu kiiten, niitu pinutusou ne rasul - rasul penatua witu Yerusalem.
5
Wo se jamaat - jamaat niente tu gorem iman wo susur nendo setou - tou mako mahanes.
6
Wo sea mange lumawet tu mbawa frigia wo galatia ka niapeanong ni roh kudus mange malilila firman na asia.
7
Kaayo mako sea tu misia, sea paar mako witu bitinia, taan ndaai wehe ni roh Yesus.
8
Laweten nea mako misia, sea tumumpa witu troas.
9
Witu niitu mangemai palolohan, tu si paulus mbengi. wewehan si tou tu makedonia, si timoor wo makiupus wia nisia, wo lumila, "maipe wia makedonia wo sawanganeemei kai.
10
Lumoho niitu si paulus, wo kai maulid mangkat witu makedonia, niitu nikai minaesaan ka si empung timowa nikai mako mahabar ninjil witu nisea.
Lidia Mina Bertobat
11
Niitumong, kasesengkot nai witu troas, kai memehe - mehe sumengkot witu samotrake, mawuondomei mako witu neapolis.
12
Wo witu mokan kai mako witu filipi, kota sela witu makedonia, pajajanne roma, kai mena witu kota niitu wuo pirangendo.
13
Wo witu nari sabat, kai mako witu luar pepenei gerbang kota matoro witu liilik salu, tu tampa niitu kai kagenang wewehan tampa pasombayang. wo kai rumuhumun, masirita o se pira wewene se minerur.
14
Wehan si wewene esa ngarana lidia, witu kota tiatira, si memangkerroko abu - abu si masembah si empung. se empung muka natena, makiit sapa paila ni paulus.
15
Wo kalelendem si lidia wo se pakasaan tou mahana tumbalena, sia makiupus wia nikai, lumila : sakou maloloho nikai mapercaya ente wia si empung, maipe witu mbaleku, wo menaape witu. wo sia maseesek nikai.
Paulus Wo Si Silas Nyai Pumpun Witu Bui
16
Witu nikau maako witu tampa pasombayang, si budakwewene, siwewehan roh ma maramal, mai wia nikai. sia mahali - ali lakeruntung witu si pahanaan na, ka makiit ramalan - ramalan.
17
Wewene tiin mengiitei si Paulus, wo nikai kaampit marekei : "tou - tou yaai se hamba hamba ni empung, si witu kasa rakek, se mahabar lalan kalempotan wia nikau.
18
Niitu pasiwona susur nendo.Paulus minamuali maupi karengan, sia mutare wo lumila tu si roh tiin : "nyaku merenta nikau witungaran ni Kristus Yesus, rumuoou makowia nisia" wo si roh tiin mehete minondolei.
19
Taan mangemai sepaayangan na, wo lumoho ka narapan nea makaindo nuntung nyaimong kaliong, wo sea tumimboi si Paulus wo si Silas, wo kehuren nea sea witu tampa kalakeran tou, tu sinaru ne makuasa.
20
Wo kaalinea nisean dua Paulus wo Silas witu se akim - akim kapala sea lumila : " se tou - tou yaai setou yahudi, semakacau wia kota ta.
21
Nisea se mahajarei kanaramen - kana ramen ndaai ulit, pakikiitenta kaapa pasiwou tanu se tou roma.
22
Wo sea tumoorei se tou laker mawali - wali mako rumempot tu si Paulus wo si Silas wo se akim kota rumese lambung ni Paulus osi Silas, womehe mako prenta weewelen se ruatiin kaampit kayu diki - diki.
23
Se mawanti si Paulus wo Silas kaampit laker paweewelen sea lumahawa mako seandua witu gorem bui wo merenta mako witu si kapala bui, yumahaga si Paulus Silas kaampit rembet.
24
Ka teterima prenta tiin, si kapala bui, muntepako seandua witu bui rarem, wo maakes nae neandua o rante.
25
Witu mapaharua, Paulus , Silas semasombayang, wo se makantar kakantaren maloor si empung, wo se patahangen walina seliminga nisea.
26
Wo ka
sengeemei tu mamuali penghero sela, makar pondasi nui mahoge. ka sengeemei ilahai pakasaan pepenet minawukaamong wo nyai waakes se tou minawukaamong.
27
Mawongkemei si kapala bui. wo lumoho pakasaan pepenet bui minawukaamong, sia muuwut sambelena, wo si taite munui nawakena sandiri ka kailekana se tinahang witu se limentengou waya.
28
Taan si Paulus rumekeimei karengan, "tia masisilaka nawakemu sandiri, kakaiwaya wiate nyaai.
29
Wo si kapala bui tiin kumiwehe mako sosoloan wo sia lumenteng muntep witu gorem kaampit magoogo, o sia kumundu witu si paulus, Silas,
30
Tumondong niiyu sia mali nisea mondole witu wo lumila : "tuan - tuan, sapa toro siwongku rior aku ka lempot?
31
Wo sea mingkotei " mercaya mong witu gorem ni empung Yesus wo nikou kalempot, nikau wo pakasaan semahana witu balemu".
32
Tumondong niitu, Paulus wo si Silas mahabarako ninjil witu si kapala bui tiin wo witu se tou sangawalena.
33
Maapumako, sia mali si Paulus osi Silas bengikan niitu, sia merbanako pela nea wo sia kaampit sesangawale ako lendem.
34
Si kapala bui tiin mali kahai si Paulus osi Silas witu balena, atornamako ku - man, osia mapaa - paar karengan, ka nisia ose sangawalena se mapercaya mong si empung.
35
Taan, maotei, se akim - akim kota rumeho pira pulisi, kaampit lumila : "bebasenako se tou tiin".
36
Wo si kapala bui tiin mako lumila witu si Paulus, lumila : "seakim - akim kota serimehomohei meta nikau. niitumong mondolomei tarekan, wo mangemong kaampit wuta ona kadamean"
37
Taan si Paulus lumila wia nisea, "se tou - tou tiin semineewelou nikau tu sinaru ne tou laker, raai niadil, tou - tou sea se tou roma, wo lumahawa nikau witu gorem bui,wo kaa tarekan, sea mondolei nikai mapene - penes? ndaai! waya momako sea mokan sandiri mai rumouw nikai".
38
Se pulisi tiin mako kumelak, paila tiin se akim - akim kota nisea se mainde, sea luminga kasi paulus wo silas tiin nisea se tou roma.
39
Wo sea mai kumiwehe maaf witu si Paulus wo sisilas. kaondol nea temei si Paulus o si Silas, sea kumiwehe se rua tiin tumelaaumomako kota tiin.
40
Wo sea mondolei witu gorem bui, se muntep witu baleni lidia, kumetemako natenea, wo sea mange.