Pasal 17
Paulus Wo Si Silas Witu Kota Tesalonika
1
Mokasa, Paulus wo si Silas limawetou Amfipolis wo Apolonia, sea kaayo mako witu Tesalonika, witu wewehan sinagoge we tou yahudi.
2
Wo kanaramen ni Paulus, sia muntep witu nantara nea, wo kaurean telunan sabet masirita onisea witu buk suci.
3
Kaampit materang wo maturumako ka si Kristus si mean kasusaan wo sia tumoorei witu nantara ne tou minate, kaampit lumila : "Yesus yaai si pahabar - eku wia nikau siamong si Kristus, tiin".
4
Wo pira wia nisea, se pinaulir wo gumabung mawali si Paulus osi Silas, kaampit se laker karengan tou yunani se mainde si empung wo se raaite oki se wewene - wewene paormatan.
5
Taan se tou - tou yahudi minamuali dengki wo sea melur sepira tou, lewo, se memoya - moya witu tampa paheruran ne tou, serur laker tou kumalan witu kota sea mako sumerbu bale ni yason, kaampit nisea masero si Paulus osi Silas maalimei nisea witu luar netou laker.
6
Kase raai minakaindo si Paulus osi Silas, sea kumehor si yason wo sepira patuari esa iman alin tu sinaru ne pajabat kota, kaampit maila, "setou - tou mong yaai se makacau kauatan" seminaimong wia kota yaai.
7
Wo si yason sumungkul nisea wo sea waya tumindas, sesimaru nukum ni kaisar kaampit maila ka wewehan raja walina, siamong si Yesus.
8
Se tou laker wo se pajabat kota mamuali raaimong kapenes luminga nyaai.
9
Wo ka teterima nea mako jaminan wia si yason, wo sewalina, setou - tou tiin meta' mako nisea.
Paulus Wo Si Silas Mako Witu Kota Berea
10
Patuari waya esa iman, se rumeho si Paulus osi Silas, wengikan niitu sea mako witu Berea, wo kaayo mako sea, sea muntep witu sinagoge tou yahudi.
11
Se tou yahudi witu seleos ate taan se tou - tou witu Tesalonika, ka nisea se materima firman kaampit semangat wo sea matondey buk suci susur nendo, ka sepaar makailek pakasaan kaulitan.
12
Niitumong, laker wia nisea seminamuali percaya, leos sia wewene kaapa tuama yunani paurmatan, wo raaite oki kalakeran nea.
13
Taan kailekanako ne tou - tou yahudi witu Tesalonika, ka firman empung kahai pahabar witu berea, ni Paulus, wo maan nisea minako kahai tumberea kasepaar mahohogewi mainde' se lakertou.
14
Wo niitukan patuari - patuari esa iman, rumeho si Paulus, mako witu liilik tasik, taan si Silas osi Timotius se minenaate witu.
15
Se tou - tou timerima si Paulus, mali nisia makar witu Atena, wo tumerimamei ngeenge ni Paulus wehe si Silas osi Timotius, rior seamai mareperepet wia nisia, wo sea mangkai.
Paulus Witu Kota Atena
16
Si maanaape nisea si Paulus tu Atena, roh ena mapendam sinusa tunggorem nawakena ka lumoho kota tiin, minawuta ne patung - patung berhala.
17
Niitumong, sia menawel genangen witu sinagoge o se tou -tou yahudi wo se tou - tou bangsa walina, semainda si empung, maan witu tampa palakeran tou susur nendo, tu se tou - tou mahakowitu.
18
Sepira ahli mangenang, sea witu paharuran epikuros, wo stoa se paar meniri - nirita o nisa, wo sepira maila : "sapa pasisiritan ni tou towo yaai? wo se walina maila : "palolohon nisia yaai tanu mahabar ne opo - opo walina ka sia mahabar si Yesus wo katotooran.
19
Wo sea melur nisia, maali witu areopagus, kaampit lumila, "sapa kai toro makailek najaran weru sapa, pahabaremu yaai?''
20
Ka nikou, mahali - ali wuo pira pamamualian makaerangen witu luntengnai, wo kai paar makailek niitu.
21
(Niitu, setou Atena wo se tou - touluar banua, semahana witu, seminanaramong maapu nendo nea witu ndaai masiwo sapa - sapa taan sepaar melinga - linga sapa niitu nahabarweru)
22
Wo si Paulus tumoorei witu nuner Areopagus wo lumila, "ei kau tou Atena, nyaku lumoho ka witu pakasaan mamuali, nikau, kau tou kete witu agama niu.
23
Ka, nyaku, ku limendongou, wo meloho - loho, sapa - sapa pasembaan niu wo kulumoho kahai witu Altar pinatikan, witu si empung si raai kenalen. niitu mong, sei si pasembaan niu si raai kenalen niu, niitumong pahabareku wia nikau.
24
Si empung si simiwo kaoatan wo pakasaan wia gorem - ena, kanisia si empung tu natas langit wo kaoatan, si raai mahana witu kuil - kuil siniwo lawas ni tou.
25
Si raaikan kahai paselewiren kaampit lawas - lawas netou, tanuate sia si mapaar sapa - sapa, ka nisia sandiri si mawehe wia si seitesia katotouan nasengan, wo pakasaan sapa - sapate.
26
Wo nisia si simiwo, witu te si esa tou, pakasaan bangsa, pakasaan setou mena wia pakasaan kaoatan yaai, wo tumetap norasena norasena, wo supu - supu tampa nisea tumou.
27
Rior nisea sumero si empung, wo satoro nisea toro tumemping nisia wo makaindo nisia, maane nisia si raai roou wia nikita.
28
Ka, wia gorem - ena, nikita torotumou, mahoge, wo wia akar tarekan, tanuakan kahai pujangga niu maila : ''ka nikita yaai ta taranak ena.
29
Niitumong ka nikita, ta taranakena, ta raitoro mangena, ka kumura kaaoaan ilahi tiin tanu, mas kaapa perak kaapa watu, niitu minamuali waya kasiniwona, witu kasiaan wo kapandean ne tou.
30
Niitumong, katimelaaumong kalengeian, tarekan si empung lumilaamei wia setou wisate sia, rior ma bertobat.
31
Kanisia si timantumei, nendo mangemai, sa sia maakimong kaoatan tunggorem kaadilan, lumalan witu si esa tou tinantu nia momei, wo sia si mehemei bukti witu pakasaan se tou witu sia nyai tourei witu nantara ne tou minate.
32
Wo witu sea liminga kumura katotouran witu nantara netou minate sepira tou tu muur masesero', taan sewalina maila : nikai paare malilinga nikou witu minamuali yaai.
33
Wo si Paulus mange sia witu nuner nea,
34
Taan wo pira tou se gimabung o nisia, wo sea minamuali percaya, witu nantara nea wehan si ngaran dionisius, sia si tou Areopagus, wo si wewene makangaran Damaris, wo sepira tou walina mawali nisea.