Pasal 18
Paulus Witu Kota Korintus
1
Tumondong niitu, Paulus tumelaan mako Atena sia mako witu Korintus.
2
Wo si Paulus makaindo tou yahudi makangaran Akwila, taranak ni Pontus sia si taremai witu italia mawali - wali si kaawuna wewene makangaran Priskila ka si Klaudius minerentamong pakasaan se tou yahudi tumelaau Roma, wo Paulus mai wia nisea.
3
Wo ka nisea wewehan paayangen masuat, Paulus mena mawuali - wali nisea wo mapaayang ka paayangen nea masiwo tenda.
4
Wo Paulus mako menawe - nawelan kangenangan tu sinagoge susur nendo sabat wo sia maulir karengan makekete se tou - tou yahudi o se yunani.
5
Taan, si Silas o si Timotius tumumpamei sea witu makedonia, si Paulus si minehemong nawakena karengan, mahabar firman, wo masaksi nulit karengan witu se tou - tou yahudi, ka si Yesus tiin siamong si Kristus.
6
Taan tu niitu sea matantang wo mahawit si Paulus, o sia miipikako lambungena kaampit lumila nia nisea : "ndaha'mu witu rookosemu sandiri" nyaku ku weresi. tu muur tarekan, wo nendo mako mai, nyaku kumange - mong na se bangsa walina"
7
Wo telaau namako tampatiin, mako witum bale nitou, makangaran titus Yustus, si tou raai yahudi, si masembah si empung, wo mbalena witu sangaweka sinagoge.
8
Krispus, kapala sinagoge, minamuali percaya tunggorem ni empung wo pakasaan se tou witu balena, wo lakerre kahai setou korintus kalilinga nea si Paulus minamuali percaya wo sea ako lendem.
9
Wo si empung lumila witu si Paulus, witu mbengi tunggorem kalolohoan : "tia mainde, taan peheme - mehe masirita wo raaitoro mena"
10
Ka nyaku mawali - wali nikou, wo ndaai wana si esa tou sumerang, nikou mawawanti nikou, ka selaker limateku wia kota yaai"
11
Wo si Paulus mena witu sangata'un enem ngaserap kaampit nisia mahajarako firman empung wia nisea.
Paulus Pinasaru O Si Galio
12
Taan witu si Galio mamuali prokonsul akhaya, setou - tou yahudi seminaesaan tumoorei sumaru si Paulus, wo mali'nisia witu pangadilan.
13
Kaampit maila, "sitou yaai si mapengaruh se laker tou masembah si empung minatamurian wo Hukum Taurat.
14
Taan si Paulus taite muka sumana Galio lumila witu setou - tou yahudi tiin. "sa nyaai tanu pamamualian, malawet kaapa kalewoan karengan, ey kau tou yahudi nyaku kutumanggong wiwingkoten witu natas perkara niu.
15
Taan, sa nyaai minamuali kaselokan niu ka pengila - ngila wo ngaran - ngaran wo nukum niu sandiri, nyaku ku tia mamuali Hakim witu perkara yaai.
16
Wo si galio mure nisea witu pengadilan.
17
Tumondong niitu, nisea waya tumimboi si sostenes, kapala sinagoge, wo weewelen nea witu gorem pangadilan. taan si galio si tia marduli niitu.
Paulus Mareng Witu Kota Antiokhia
18
Tumondong niitu si Paulus minenaape pira ngaendo, wo sia lumila mako witu sepatuari patuari esa iman, wo sia sumengkot mako witu siria, mangemawali si Priskila wo si Akwila. witu kengkrea, Paulus kimuntungou mbuukena, kanisia si simiwomong nasar.
19
Wo sea kaayo witu efesus wo Paulus tumelaau mako si Priskila wo si Akwila witu, wo sia sandiri muntep witu sinagoge, wo menawe - nawelan kangenangan o se tou - tou yahudi
20
Witu sea kumiwehe si Paulus, sia menaape maure witu, taan si Paulus raai minehe.
21
Taan kumiwehe wia nisea kaampit lumila. "nyaku kumarengei sumaup wia nikau sa si empung mapaar wo sia sumengkot tu efesus.
22
Katutumpana witu kaiserea, sia sumeret kahai, mehemako sighi. witu sejamaat, wo sia tumumpa witu Antiokhia.
23
Wo maapu mako pirangaendo witu, wo sia tumelaau mako tampa tiin wo mako lumendong witu tampa esa mako witu tampa walina witu banua galatia wo frigia, kaampit maente semurid - murid.
Apolos witu kota efesus wo kota Korintus
24
Makasa wehan se tou yahudi makangaran Apolos, taranak Alexandria, mai tu efesus, nisia si tou minajar wo si sia witu buk suci.
25
Si tou yaai si niajarou kumura lalan ni empung, wo semangat witu roh, sia si maila kaampit mahajar, maulit sa kumura si Yesus, taan si makailekete lelendeman ni yohanes.
26
Sia si timuurou maila kaampit berani, witu sinagoge, taan si Priskila wo si Akwila malinga nisia, kumehorei nisia wit liilik, wo tumerangako wia nisia lalan empung kaampit nulit.
27
Wo witu si Apolos paar malelewetako witu Akhaya, sepatuari esa iman mente nisia wo matikako wiitu se murid - murid, nisea sumungkul nisia mai. kaayo natemei, sia laker sumawang nisea niituka anugerah sea minamualimong tou percaya.
28
Ka nisia kaampit kaketeana mabania se tou - tou yahudi witu sinaru ne tou laker, kaampit mapaturu buk suci ka Kristus siamong si Yesus.