Paulus Witu Kota Efesus ¹ Nyaaimong minamuali, witu sia polos waname korintus, Paulus lumawet, wanua - wanua roou makar kaayo tu efesus. waname wo kaindoanamako sepira murid. ² Paulus lumila wia nisea. "sapa nikau timerima roh kudus, witu nikau tumuur mapercaya?" sea mingkotei : ''ndaai, wo nikai ndaaipe minalinga - lingamako ka wewehan roh kudus. ³ Wo Paulus lumila : "witu gorem sapa, wo nikau ako lendem?" wingko ten nea : "witu gorem lelendeman ni yohanes. ⁴ Paulus lumila : "yohanes malelendem kaampit lelendeman partobatan, wo lumila se tou - tou percaya wia si esa tou, si mai tumonoo nge nisia, siamong si Yesus. ⁵ Kalilinga niitu nisea mario rior ako lendem tunggorem ngaranni Yesus. ⁶ Tumondong ako niitu si Paulus meta mako lawasena witu nisea, roh kudus mai, tu natas nea, wo sea tumuur maila witu minalae - laengan bahasa wo sea ma nubuat. ⁷ Nisea pakasaan se mapcorua tou tuama. ⁸ Wo si Paulus muntep witu sinagoge, wo lumila kaampit brani. makar telu ngaserap, kaampit menawe - nawelan kangenangan, wo makekete nisea kumura karajaan ni empung. ⁹ Taan, sewuo pira tou si kimete natenea wo tumolak percaya, wo sea maila gelewo kumura lalan tiin tu sinaru ne tou laker, wo Paulus tumelaau mako nisea wo tumowa mako se murid - murid mange. kaampit nisea menawe - nawelan maila susur nendo witu skolah Tiranus. ¹⁰ Nyaai kinelangan rua ngata'un, makar pakasaan setou semahana witu Asia liminga firman ni empung, leos sia tou yahudi kaapa tou - tou yunani. ¹¹ Empung simiwo laker karengan mukjizat sela lumalan witu lawas ni Paulus. ¹² Leso kaapa saraweta saitu simampurou kuli'ni Paulus, wo tu alin witu si tou sakitan, sumakitena kaliong wo se roh lewo se rumoou. wia nisia. ¹³ Taan sepira tou se mengure sesetang, tou yahudi semalendong makelang semaulit matowa ngaran ni empung Yesus witu natas ne tou - tou niuntepan ni roh lewo kaampit maila : "nyaku sumumpah nikau witu ngaran ni Yesus, si pahabar ni Paulus". ¹⁴ Pitu oki tuama ni skewa, siesa witu seiman sela yahudi si simiwo niitu. ¹⁵ Taan si roh lewo tiin mingkot, wo lumila wia nisea : "nyaku ku kumenal si Yesus wo kailekangku kumura si Paulus tiin, taan sa nikau sei reen?" ¹⁶ Wo sia rumentekei si tou niuntepan ni roh lewo tiin mako witu nisea, witu bale niitu seminotai wo pelaan. ¹⁷ Minamuali yaai kinailekan ne pakasaan tou efesus, leos sia tou yahudi kaapa sia tou yunani. wo sea waya se kinaindean, makar ngaran ni empung Yesus kasa pengasa - ngasaran. ¹⁸ Laker wia nisea se mapercaya mong semahaite, kaampit sea mangaku wo mahabarako peniwo - niwon nea. ¹⁹ Wo laker wia nisea se minaawa amo mako masihir, sea merur buk - buk nea tu rengisen nea, witu sinaru ne tou laker. wo tu rekenen nea naharga buk - buk tiin minako 50.000 lima ngapulu ngariwul keping perak. ²⁰ Niitumong firman ni empung makote mahawes wo makuasa.

Paulus Si Masisiasa Pakekelangan Na

²¹ Maapu mako waya pasiwo - siwon yaai, tu gorem roh, Paulus si paar mako tu Yerusalem, sa sia limawetou makedonia, wo Akhaya, wo lumila : " saaku wana mome, nyaku ku paar mako maloloho Roma. ²² Wo sia rumeho se rua tou menawang nisian mako tu makedonia, nisea tiin si Timotius wo si Erastus, wo nisia sandiri si minenaape pirangaend tu Asia.

Demetrius Sumiwo Kakacauan Witu Kota Efesus

²³ Wo tu nendo niitu, waname mamuali kakacauan ndaai oki kawali lalan tiin. ²⁴ Ka, wewehan si tou makangaran Demetrius, si meniwo perak, nisia si simiwo kuil - kuil perak dewi Artemis. si laker makaindo untung witu paayangen tiin wehe se tou - touna mapaayang. ²⁵ Se tou - touna mapaayang tiin se nierurena mawali - wali o se mapaayang walina, masiwo perak, wo lumila : "patuari - patuari, kailekan niu mong ka kita tatoro makaindo sapa - sapa wia paayangenta yaai. ²⁶ Wo kinalohoan niumong wo limingamong ka ndaai te wia Efesus, taan taite wia pakasaan Asia si Paulus kimete wo simiwo laker tou, minareng, kaampit maila ka empung sisiniwo o lawas netou sia si raai empung. ²⁷ Nyaai bahaya karengan, ndaaite wia paayangenta, kanawu witu kahinaan taan kahai kuil dewi Artemis palooren tiin, ndaai teoki saitu rekenen, wo sia, pasembah - an ne tou. pakasaan Asia, wo kaoatan, si kaliongan pengasa -ngasaran. ²⁸ Kalilinga neate nyaai, sea se maupi karengan wo mere - rekei "sela kou Artemis dewi ne tou Efesus." ²⁹ Wo mawuali kota tiin wuta ong kakacauan wo sea mario - rior mawali - wali mako witu bale sela paharuran seni, wo kumehorei si Gayus osi Aristarkhus tou makedonia, si kaampit kimelang osi Paulus. ³⁰ Taan witu si Paulus paar muntep witu nantara netou laker tiin, sia si nyaite waya ne murid - murid. ³¹ Maane sepira tou sela Asia se kimaampit onisia, minehe momako ngengeenge wia nisia makapira, wo kumiwehe wia nisia, tia mako maseserahkan nawak witu mbale sela tiin. ³² Wo se walina marekei sapa - sapa wo sewalina kahai se raai makailek sapa - sapa sea mai wo merur. ³³ Sewalina witu se tou laker tiin maesaanako, Alexander kase tou - tou timondo mako nisia tu rior, wo si Aleksander tiin mehemako tanda lawasena, si mangenang mabebela tu sinaru ne tou laker. ³⁴ Taan kailekan nea mako si Aleksander tiin tou yahudi, wo mako wona ruajam o sea rumekei mei, esa suara, "sela si Artemis, dewi ne tou Efesus." ³⁵ Mangemai si panitra kota, mapepenes se tou laker tiin, sia lumila : "ei nikau tou Efesus, sei si raai makailek ka kota Efesus si majaga kuil dewi Artemis se pengasa - ngasaran wo si timumpamei na langit?" ³⁶ Niitumong ka ndaai wana si tou toro manta nyaai, nikau, kau menesou wo raai sumiwo ndaai kapaaran ne tou. ³⁷ Ka nikau, minalimomei setou - tou yaai, wia, seraai rimampok kuil kaapa ma ojat dewita. ³⁸ Niitumong, sa si Dimetrius wo setou - touna mapaayang onisia, sawewehan palilila si tou, pengadilan winuka, wo witu wewehan si prokonsul. maanong sea mehemako penuntutenea esa wo se walina. ³⁹ Taan sakau mapaarete mbalina, niitu niurusente witu gorem sidang rakyat kumiit nukum. ⁴⁰ Ka nikita tawia gorem silaka, ta patudun wia kakacauan yaai. ⁴¹ Kalililanate pakasaan nyaai, sia mubarako paharuran netou tiin.