Paulus Mako Witu Negara Makedonia Wo Negara Yunani ¹ Maapumako kerusuhan tiin, Paulus tumowa mako se murid, wo kumetenate nea sia lumila tu nisea, sia si maakomong witu Makedonia. ² Kelanganamako waya wanua - wanua witu wo mehe mako wia nisea tuturu, sia kaayo mako Yunani. ³ Witu niitu su Paulus mena telu ngaserap, ka setou - tou Yahudi seminaesaan masasaru nisia witu sia mako masesengkot witu siria. putusena mako siasi marengei lumawet Makedoni. ⁴ Paulus si kinamapit ni sopater witu Barea, oki ni Pirus, wukahai si Aristarkhus wo si Sekundus witu Tesanolika, wo si Gayus witu Derbe wo si Timotius kaampit si Tikhikus wo si Trofimus witu Aria. ⁵ Sea mangkat katare wo naena nikai witu Troas. ⁶ Taan kai sumengkot tu Filipi saraaimong nari raya roti ndaai si ragi, wo mai tu nisea tun Troas lima ngaendo, wo kai mena witu pitu ngaendo. ⁷ Witu nendo katare minggu tiin, nikai mengerur - ngerure, memete - mete roti, Paulus sumirita wia nisea, ka si paar mangkat witu nendo mange mai. wo sia lumambot mawehe tuturu makar mapa harua mbengi. ⁸ Wewehas solo laker witu poresatas, tampa nieruran nai ⁹ Witu wewehan si taretumou makangaran Eutikhus rumu humun witu Tetemboan wo si kinaperengan karengan wo si memehe - mehepe maila si Paulus, siure karengan, nisia si kinatekelante, wo sia kanawuumei witu belakatelu, wo popoanei sia si minatemong. ¹⁰ Taan, tumumpamei si Paulus, wo sia mapai tekelako nawak - ena tu natas nitou tiin wo kumeekep nisia, kaampit lumila : "tia maribat ka mukurena si wiape, tunggorem ena. ¹¹ Kaseseret - ete sumaup ni Paulus, memete - mete roti wo ku - man, sia lumila wia nisea witu maure - ure, makar momoondo, tumondong niitu sia mangakat. ¹² Sea mali si taretumou tiin mareng, si matou - toumong wo sea mapendam niibor.

Kinelangan Witu Kota Troas Mako Witu Kota Miletus

¹³ Taan nisia si rimior mako witu kapal, kai sumengkot mako tu Asos, kaimasusungkulako si Paulus witu ka si rimencanamong taintu, sia sandiri si maange waname kumelang ete. ¹⁴ Wo mahilekan o nikai sia witu Asus, nikai sumungkul nisia, kaimako witu metilene. ¹⁵ Mai kai witume, wo kai kaayo mawoodo mokanei witu Khios, wo mawoododomei kahai kai aayo witu Miletus. ¹⁶ Rior raai katiak nendo tu Asia ka si mario - rior kaayo tu Yerusalem, sa toro witu nari Pentakosta.

Paulus Sumirita Witu Si Penatua Efesus

¹⁷ Witu miletus, Paulus rumeho tou msko tu Efesus, wo rumeho se penatua jamaat mai wia nisia. ¹⁸ Wo kaayo mei sea, mai wia nisia, sia lumila "kailekan niumong, kumuranyaku maidop wia nantara niu witu kalambotan nendo, timuur naeku limeek witu Asia. ¹⁹ Kaampit malayan si empung witu karendahan nate, pakaampiten lue' wo mendam pemawa - maawaan ka pasia - siasan ne tou Yahudi. ²⁰ Kumura wo aku raai tumahang kapaarangku mahabar wia nikau witu pakasa kabergunaan wo majar nikau tusinaru netou laker wo witu waleesa mako tumbale walina. ²¹ Kasa maulir mawehe kasaksian, leos witu setou - tou Yahudi, kaapa setou Yunani, kumura partobatan witu si empung wo maiman witu empungeta Yesus Kristus. ²² Wo tarekan, lohone, kaampit winaakes niroh, nyaku ka wia lalan matoro Yerusalem, ndaai kailekangku sasapa mamuali wia nyaku waname, ²³ Kacuali si roh kudus sumaksimei kasa ulir witu pakasaan kota wia nyaku, ka bui wo kapeendisan maana nyaku waname. ²⁴ Taan nyaku raai maanggap penou - nouangku wehan harga wia nawak eku sandiri, makar nyaku toro sumampetako paayangengku wo palayanangku tinerimaku wia si empung Yesus, niitu ku masaksi kaampit kaulitan injil. Anugerah empung. ²⁵ Wo tarekan, lohonong nyaku, makailek ka ndaai wana siwia nantara niu, o wia nikau, wo nyaku malendong mahabar karajaan, wo torope lumoho gioku kahai. ²⁶ Niitumong nyaku sumaksi wia nikau, nendo yaai ka nyaku ku raai si selok witu ndaha niuwaya. ²⁷ Ka nyaku kuraai mahape nawakeku mahabar wia nikau waya sasapa rencana ni empung. ²⁸ Jahaganako leos nawak niu sandiri kaampit pakasaan sekaampit, wia natasena roh kudus si simiwo nikau mamuali pengawas magembala sejamaat - jamaat empung, se kinaindoana kaampit daha - na sandiri. ²⁹ Kailekangku ka saaku mangemong, se srigala - srigala lewo semai, wia nantara niu, raai maupusako nisea. ³⁰ Wo witu nantara niu sandiri si tumoorei se tou - tou semaila kumura sapa - sapa maliliong, ma kekehor se murid - murid wia nisea. ³¹ Niitumong, jumaga - jaga, o kaampit magenang witu nendo ombengi, kaurean telu ngataun, kuraai mena mawehegenang nikau waya kaampit lue. ³² Wo tarekan kau serahkan kumewia si empung wo wia firman Anugerah na si toro karengan mangun nikau wo mehe nikau warisan tunantara ne tou se kinudusou. ³³ Nyaku kuraai mapaar perak kaapa mas kaapa lambung ni seitesia. ³⁴ Kailekan niumong ka lawas yaai malayan pemandungengku wo nisea semawali - wali kaampit nyaku. ³⁵ Witu pakasaan nyaai nyaku timuruumong wia nikau, ka kaampit maayang wuter tanu nyaai, ta pakiwehen sumawang se susah, wo magenang nyai lila ni empung Yesus, ka nisia sandiri limila : kasa mapendam bahagia sa mawehe taan nikou materima. ³⁶ Wwo witu sia makalila mako nyaai, sia kumundu wo sumombayang mawali - wali nisea waya. ³⁷ Wo laker se mahame wia nantara nea waya wo mapendam makekeekep lehe ni Paulus, wo sumiong nisia, ³⁸ Sea se masusa karengan, luminga sapa nyaina lila, ka nisea seraaimong lumoho giona kahai. wo sea mawali - wali kumaapitako si Paulus sumeret kapal.