Pasal 21

Paulus Mako Tu Yerusalem
1 Matali kurako kai, wia nisea wo mange, kai mehete simengkot mako witu kos (pulau witu tasik Aegea) wo mawoondomei mako witu Rodos (pulau witu Asia oki) wo witu mokan kai mako witu Patara (kota tu Likia). 2 Makaindoma kai kapal, kai mako witu Fenesia, kai sumeret kapal tiin sumengkot 3 Witu kai tumuur maloho siprus, nikai kumut kawihina wo lawetenai, taan makelang kapal matoro siria, kai tumumpa witu Tirus. ka kapal matutumpa muatana. 4 Mahilekanako kai o se murid - murid, kai mena witu pitu ngaendo. wo limalan witu roh, sea ngumeenge' mako witu si Paulus, tia mong maseseret witu Yerusalem. 5 Ka nendo nikai witu minaapumong, nikai mangakat, tumuur kumelang, nisea waya kinaampitei ni kaawu wewene wo se oki nea, mantar nikai makar witu luarena kota. wo kai kumundu, witu liilik tasik, kai sumombayang, 6 Nikai lumila mako makekelangou si esa wo si esa. wo kai sumeret witu kapal wo nisea mareng witu balenea. 7 Maapu mako pakelanganai witu Tirus kai nyainong kaayo witu prolemais, wo kai tu megorako se patauari - patuari esa iman, kai mena witu onisea sangaendo. 8 Witu nendo tumondongako nikai mange, wo kaayo witu kaisarea, wo kai muntep witu mbale ni penginjil filipus, si esa witu sepitu tou tiin, kaimenawitu onisia. 9 Sia si wewehan oki epat wewene serarahapekarengan, sea se manubuat. 10 Nikai witupe wo pira ngaendo, wehan si tou nabi makangaran Agabus tumumpamei tu Yunea. 11 Wo sia mai wia nikai, sia mindo wewenter ni Paulus, wo maakes lawas wo naena sandiri kaampit lumila : "nyai mong nyai lilaamei ni roh kudus". kaampit siniwo yaai, tou - tou Yahudi tu Yerusalem semaakes si tou wewehan wewenter yaai, wo sia serahkan nea mako tu lawas ne bangsa walia. 12 Kalilinga nai niitu, nikai o setou - tou mahana witu makiupus si Paulus rior sia raai toro mako tu Yerusalem. 13 Taan si Paulus mingkot : "sapa pasisiwon niu, mahame wo maririntek nateku? ka nyaku ku siapou, ndaaite nyaku ako waakesen, taan mako mate kahai tu Yerusalem ka ngaran ni empung Yesus 14 Wo ka si Paulus si raai ka apean, nikai menestaan lumilamako : "maanong, kapaaran te ni empung mamuali 15 Maapu mako nendo niitu, nikai menuutu - nuutulou maangkat tu Yerusalem 16 Sepira murid witu kaisarea sea kahai kumiit mawali o nikai, sea mali nikai tumbale ni Manason, tou Siprus, si uremong minamuali murid, wo kaampit nisia nikai mena witu. 17 Paulus mako mahilekan osi Yakobus

Kaayo mako ni kaitu Yerusalem, sepatuari - patuari esa iman sumungkul nikai kaampit mapaa - paar.

18 Tunendo tumondongei, Paulus mange mawali nikai mako witu si Yakobus wo pakasaan sepenatua minai. 19 Sumighimako kai wia nisea, Paulus tumuur pataesaanako sapa siniwo ni empung yu nantara ne bangsa - bangsa walina witu palayanan nea 20 Kalilinga neate niitu sea meloor - loor si empung, wo sea lumila witu si Paulus lohone patuari, pira ngariwu tu nantara ne tou - tou Yahudi waname minamuali percaya wo sea waya se rajing witu nukum taurat. 21 Wo sea semakailekou sa kumura nikou, ka nikou mahajar se pakasaan tou Yahudi tu nantara ne bangsa - bangsa walina, rior sea sumelok nukum Musa, wo lumila nisea tia masunat se oki - oki nea kaapa makelang kumiit kanaramenta. 22 Wo, sapa toro siwonta? nisea se makalinga ka nikou minaimong. 23 Niitumong siwon tanu sapa pailanai yaai, wia nikou, wewehan epat tou wia nikai se witu mbawa nasar. 24 Alin sea wo sucinako nawakemu mawali - wali nisea, wo waeranako nongkos - nongkos nea makar nisea toro kumunting buuk witu rookos nea. mako taintu, pakasaan se tou, se makailek ka towo waya pakasaan nyai lila wia nisea kumura nikou, taan nikou sandiri kahai tu penou - nouanu makiit nukum taurat. 25 Taan kumura se bangsa - bangsa walina, se minamuali mong percaya, nikai minatiko mako surat wo mutusako kanisea sumeengket witu leona nyainong wehe witu seberhala, wo witu ndaha, wo sapa niitu kinerekan, wo witu dosa - dosa maka kaawuan.
Paulus tinimboyan
26 Wo si Paulus mali setou - tou tiin, nendo mai, ka weweresi namako nawakena mawali nisea, sea muntep witu bale empung wo lumila maiko masa pasucian maapumong saitu korban pasembahan wehe mako witu nisea sandiri sandiri. 27 Malelekepou pitu ngaendo tou - tou Yahudi tu Asia, kaloloho nea si Paulus witu gorem bale empung, sumiasa witu setou laker, timboyan si Paulus. 28 Kaampit marekei ei kau tou - tou Israel, sawanganei! sitoumong yaai si mahabar se tou, malendong mbanua, masasaru bangsata, wo nukum Musa wo wia tampa yaai wo lembe niitu, sia mahali - ali setou - tou Yunani witu gorem bale empung, wo simiwomong najis tampa suci niitu.

29 Ka, nisea selimohomong si Trofimus, tou Efesus mawali - wali nisia, witu kota wo paila neate si Paulus siminali nisia witu mbaleni empung 30 Tumondong niitu pakasaan kota minamuali ringka wo setou - tou laker se minerur. sea tumimboi si Paulus, sia kehoren nea alin witu luar bale empung, tu peneten nea pakasaan pepenet witu. 31 semaulit mawuwunlu nisia, wo tu kalingaane ni kapala ne suraro Roma ka pakasaan witu kota Yerusalem tu gorem kakacauan 32 Niitukan sai malimei suraro kaampit seperwira, sea lumenteng tumumpamei witu nisea. wo kaloloho ne tou laker si komandan ne suraro wo se anak buana, sea mena'maweewel si Paulus. 33 Wo sia tumawimei si komandan tiin witu si Paulus wo tumimboi nisia, o sia merenta mako waakesen si Paulus kaampit rua rante. 34 Taan setou walina tu se tou laker tiin wehan parekei neamei, se walina kahai marekei, wo ka si raai makailek karengan sasapa kinawalian karusuhan tiin, sia merenta mako, rior si Paulus tiin alin witu markas nea. 35 Kaayo sia witu lolong kotan, paulus pinopoan nesuraro ka paraungen ne tou laker minerur. 36 ka se tou laker semengiitete nisea, kaampit marekei : "ure sia" 37 Paalinong witu markas si Paulus, wo paulus lumila witu si kumendan "sapa ako toro lumilaame sapa - sapa wia nikou?" mingkotei si kumendan ne suraro tiin "nikou makailek bahasa Yunani? 38 Sataintu nikou raai tou mesir, witu riorako nisea rimontak wo minimpin se epat ngariwu tou memunu' witu padang gurun? 39 Taan Paulus lumila : "nyaku ku tou Yahudi witu Tarsus, kilikia nyaku ku warga witu kota sela. nyaku makiupus, isinanako nyaku mako sumirita witu se tou - tou tiin. 40 Wo, wehanako isin ni kumendan tiin, Paulus tumoor witu lolonakotan sia mehemako tanda witu se tou - tou laker tiin o lawasena. wo minenesou se tou - tou tiin, sia sumirita wia nisea kaampit ma bahasa Ibrani.