¹ Patuari - patuari wo ama - ama : lingane pembelaang ku tarekan wia nikau. ² Wo kalilinga nea ka si Paulus matowa nisea witu bahasa Ibrani, nisea se minenes, wo Paulus lumila : ³ Nyaku ku tou Yahudi, minatou witu Tarsus, kilikia, taan sinela wia kota yaai. dinidik tumbawa ni Gamaliel maulit karengan kumiit nukum ne tua - tu'a rioreta, wo mamuali rajing wia si empung, masuat nikau witu nendo yaai. ⁴ Nyaku, ku mapeendis lalan yaai makar witu patean, mawaakes, wo muntep nisea, leos tuama kaapa wewene witu gorem bui. ⁵ Tanu kahai si iman wangko wo pakasaan se majelis penatua toro mehe wewerenan wia nyaku, witu nisea nyaku makaindo surat - surat wehe se patuari - patuari witu Damsiyk wo mange maakes nisea se witu alin tu Yerusalem mamuali patanangen se hukumen. ⁶ Wo mamuali, kiwitupe pakelangan ku raaimong ure kaayo witu Damsyik niitu wo tu lambotendo, kasengeemei mangemai nterang na langit kerapena li mendong nyaku. ⁷ Ku nyai ka ruhumun witu ntana' wo luminga wehan si mailaamei wia nyaku : "Saulus, Saulus, kaakou mapeendis nyaku? ⁸ Wo nyaku mingkot, "sei kou, empung? wo sia lumila wia nyaku nyakumong ku Yesus tu nasaret, si pa wantianu. ⁹ Se tou - tou memali nyaku limoho timerang tiin, taan ndaai pangartianea pailaamei ni tou wia nyaku. ¹⁰ Wo nyaku lumila : "Sapa toro siwongku, empung?" ¹¹ Wo nyaku, ku raai kaloho ka kamuliaan nterang tiin, ku kampilen ne tou mawali - wali nyaku makar muntep witu Damsyik. ¹² Wewehan si tou makangaran Ananias, sia si tou leos karengan, si makiit nukum taurat, wo kaleosana kailekan pakasaan tou Yahudi mahana witu. ¹³ Sia mai wia nyaku, wo katotoor namako witu liilik - eku, sia lumila : "Patuari Saulus lumoho mong !' niitukan kumalolohomong sumaup, wo ku lumoho nisia. ¹⁴ Wo sia lumila : si empung, tu'a ta, timetap nikou makailek kapaaran na maloho kaulitan, wo malinga pailaamei witu sumana. ¹⁵ Ka nikou, kou mamuali saksi wia nisia, wia se pakasaan tou, kumura ni lohomu, wo liningamu. ¹⁶ Wo tarekan, kaakou matundape niitu? tumooromei, wo wehe momako nawak - emu ako lendem, wo weresin pakasaan dosamu kaampit matowa ngaran - ena ¹⁷ Witu nyaku mareng witu Yerusalem wo masombayang tu bale empung, wo aku kuasan ni roh. ¹⁸ Wo nyaku lumoho nisia si maila wia nyaku "rumepe - repet wo kou kumaluarei witu Yerusalem, ka nisea se raai tumerima kesaksianu kumura nyaku ¹⁹ Wo nyaku lumila : "empung kailekan nea sandiri ka nyaku ku mapenjara, mawaakes nisea se mapercaya nikou witu nesa sinagoge mako witu balina. ²⁰ Tumondong niitu witu ndaha saksi mu, Stefanus, nyainong kapalusei, nyaku sandiri ku witu, simetuju, wo jimaga lambung - lambung ne tou - tou minunu nisia. ²¹ Wo si Yesus lumila wia nyaku : "mangemong " kanyaku ku rumeho nikou rooume mako witu se bangsa - bangsa walina" ²² Se tou laker tiin se malinga si Paulus makar witu pailaana tiin, tumondongako sea mangkatei suara se tou tiin wo lumila : "ure' mako sitou tanu si yaai, wia kaoatan yaai sia si raai pantas menou - nou. ²³ Wo se mereke - rekeipe, malahawa jubah nea, materek nawu tu natas, ²⁴ Wo merenta mako si kumendan suraro si Paulus alin witu markas nea. Kaampit lumila ka si Paulus tiin si ako samboken, makar sia toro makaindo alasan kaasea marekei masaru nisia tanu niitu. ²⁵ Taan witu sea muka nawak ena kaampit tali - tali kuli : Paulus lumila witu si perwira tun tawina. "sapa nyaai sah wia nikau masambok si tou, nisia si warga negara Roma, raai ni adil? ²⁶ Kalilinga ni perwira tiin, sia mako witu si kumendan ne suraro, wo lumila : "sapa pasisiwon niu?''ka si tou yaai si warga negara Roma? ²⁷ Wo sia mai si kumendan tiin lumila witu si Paulus : lilaamei wia nyaku, sapa kou warga negara Roma? wo paulus lumila mako : "en" ²⁸ Si kumendan tiin mingkot, " nyaku ku minakaindo kawarga negaraan yaai kaampit doit laker. wo Paulus lumila : taan nyaku minamuali warga negara witu katotoumei. ²⁹ Wo se tou - tou se mapeperiksa si Paulus, semehete timelaau mako nisia, wo si kumendaan tiin si kinaindeanong, kailekan amako Paulus tiin si warga negara Roma wo siminaakeso nisia. ³⁰ Taan witu nendo mai, kasi kumendan ne pasukan si paar makailek nalasan kaulitan kaa si Paulus patudon ne tou - tou Yahudi tiin, sia meta si Paulus, wo merenta se iman - iman kapala wo se sanhedrin, mako merur, wo sia malimei si Paulus tumumpamei wo sia toor nea mako tu nuner sinaru nea.