Pasal 23
1
Paulus tumuusako se Sanhedrin wo lumila : patuari - patuariku, nyaku ku ki melangou penou - nouangku kaampit nateku sandiri, tu sinaru ni empung makar tarekan.
2
Wo, si iman wangko Ananias merente mako setou - tou timoor tawi ni Paulus, sepeenako suma ni Paulus.
3
Wo Paulus lumila wia nisia : "si empung si sumepe nikou, ei kou mesel linet puti! sapa kou rimuhumun mahakim nyaku o nukum taurat, taan ndaai makiit nukum niitu kaampit mareho sepeen nyaku?
4
Se tou - tou witu tawina lumila : sapa kou masero si imam wangko ni empung?
5
Lumila si Paulus : ndaai kailekangku, patuari, sasia iman wangko. ka nyai patik : tia kau masirita lewo witu si mapimpim bangsa niu.
6
Taan kailekanako ni Paulus, sewalina witu, se tou Saduki, wo se walina se tou - tou Farisi, Paulus lumilaamei tunggorem Sanhendri, "patuari - patuari, nyaku ku tou Farisi, oki ni tou Farisi, nyaku ku paandilen ka pengharapan wo katooran tou minate.
7
Kalilila ni Paulus nyaai, minamuali patotokolan ne tou Farisi one tou Saduki wo nieruran nea mina sera mong.
8
Ka se tou Saduki maila kandaai wana si katotooran, ndaai wana si malaikat, wo kahai ndaai wana si roh, taan se tou Farisi ma - akui niitu waya.
9
Wo mamuali kari butan sela wo sepira ahli taurat witu paharuran ne tou Farisi, tumoor wo manta karengan "nikai raai minakaindo kasumelokan sapa wia sitou yaai. kumura sa si roh kaapa si malaikat simiritamong onisia?
10
Makasela mong pengindo - ngindoan nea, si kumendan ne suraro, si mainde, si Paulus, siakonea perese - reseen netou laker, tiin, wo sia merentamako se prajurit ena, tumumpa wo malimei si Paulus, witu nuner nea, kaampit paksa, sialinei witu markas nea.
11
Witu bengi mangemai, si empung si timoor witu lilik ni Paulus wo lumila, "enteen natemu, ka nikou simaksi mong kaulitan, kumura nyaku tu Yerusalem, mako taintu nikou kahai mako sumaksi witu Roma."
12
Lambotou siendo, se tou - tou yahudi, simiwo paesaan, wo maakes nawak nea sandiri kaampit sumpah, ndaai toro kuman, kaapa numoonot sapa - sapa sa raaipe minunu' si Paulus tiin.
13
Sea selembe epat ngapulu tou sesimiwo pasiasaan tiin.
14
Sea mako witu seiman - iman wangko wo se tu'a - tu'a, wo lumila : nikai minaakesou nawak kaampit sumpah, kai raaipe mean sapa - sapa sa kai raape minunu' si Paulus.
15
Tarekan, wo niitumong nikau wo se Sanhedrin, lila mako witu sesuraro, alinei sia wia nikau, tanu nikau mapuputus perkarana, kaampit pawowoyen karengan sia, wo kai si miapou mawuwunu nisia, si raaipe nyai kaayo wia tampa yaai.
16
Taan, si oki tuama witu si patuarina wewene, ni Paulus, liminga pasesergapan tiin, wo sia mange wo muntep witu markas, wo tulilaana witu Si Paulus.
17
Paulus tumowa mako siesa perwira, wo lumila : "alinako si oki muda yaai witu si kumendan pasukan. ka sia siwewehan palilila, laporako wia nisia "
18
Wo si perwira tiin mali si oki tiin witu si kumendan pasukan, wo lumila : Paulus si patahangen tiin, timowa nyaku mali mako si oki muda yaai wia nikou, kanisia wewehan palililaana wai nikou."
19
Si kumendan pasukan tiin tumimboimei lawas ni oki muda tiin, witu liilikena, wo tumuur moi nisia, "sapa palililaamu wia nyaku?
20
Wo sia mingkot, setou - tou yahudi tiin se minaesaanong makiwehe nikou, mali si Paulus tumumpa witu Sanhedrin woondo. seatanu mawowoi sapa sapa, kumura nisia.
21
Niitumong tia palilingan sea, ka sea selembe epat ngapulu tou witu nisea, se tumando si Paulus, se si mumpah mong tia kuman kaapa numoonot sa raaipe minun' si Paulus, wo tarekan sea se simiapouwo maana, persetujuan emu.
22
Wo si kumendan pasukan tiin rumeho si oki muda tiin mange, wo sia ngumeenge mako wia nisia : tia paila - ila sisei, sa kou minahilekanong wo lumila nyaai waya, wia nyaku."
Paulus Nyai Kirimako Witu Kota Kaisarea
23
Wo si kumendan pasukan tiin tumowa mako se rua perwira wo lumila : "siapenako rua maatus suraro, wo pitu ngapulu menake kuda, wo rua maatus suraro kaampit senjata, maangkat witu kaisarea. witu jam ka telu bengi yaai.
24
Sadianako kahai tayapo pasasakean ni Paulus, wo alinako sia kaampit aman witu si Feliks, gubernur witu.
25
Wo si matikako witu surat tanu nyaai :
26
"wia nyaku klaudius lisias, nikou gubernur Feliks paasa - asaran , sighi,
27
Si tou yaai si tinimboyan, netou - tou yahudi wo si taite paten nea, sa raai se suraro - suraro ku, wo nyaku mai lumempot nisia, ka makailekako sa nisia si tou warga negara Roma.
28
Kaku paar makailek, sasapa kapaulitan matudu nisia, nyaku malimei nisia tumumpa mako witu se Sanhedrin nea.
29
Kailekan kumako ka nisia si patudun witu kawali nukum taurat nea taan ndaai wana si alasan sapa - sapa witu nisisa makaindo nukuman mate, kaapa bui.
30
Wehan si limilaamei wia nyaku, wewehan pinaesaan ne tou, masasaru si tou yaai wo nyaku merenta mako se matudu nisia, nyumata tuntutan nea wia nisia tu sinarumu.
31
Wo se suraro suraro, kumiit prenta wia nisea, makomei si Paulus sia alinea wengi mako witu Antipatrus.
32
Witu nendo mai, sea maya mako se simake kuda, mange mawali nisia, wo sea marengei tu markas nea.
33
Kaayo mako sea witu kaisarea, wo mehemako surat tiin witu si gubernur, wo sea kahai sumaru mako si Paulus tu sinaruna.
34
Katoton deite ni gubernur surat tiin, sia moi witu mbanua wisa Paulus mahana. wo kailekanamako kasi Paulus witu kilikia.
35
Sia lumila : "nyaku ku luminga nikou sa se matudu nikou , sewiamong. wo prenta namako rior kumawal si Paulus witu gorem markas sela Herodes.