Pasal 24
Paulus Patudun Ne Tou Yahudi
1
Lima ngaendo mai, imam wangko Ananias tumumpamei mawali - wali se tu'a - tu'a wo si esa pangacara makangaran Tertulus, nisea mehemako tuntutan wia si Paulus witu si gubernu.
2
Towaanei si Paulus, Tertulus matudu mong nisia kaampit maila : ''ka nyaai wia si tuan, nikai mapendam wehan kadamaian wo minamuali perobahan wia bangsa yaai ka kapandean ni tua."
3
Nikai sumambut niitu kaampit pakasaan cara, wo witu pakasaan tampa mawehe syukur witu pangasaran Feliks.
4
Taan, rior raai maapu tempomu kahai, nyaku makiupus witu kaleosan natemu toro luminga nikai ndaai ure karengan.
5
Kanikai timuutulou, si tou yaai si tou pangacau, sia si simiwo kakacauan witu nantara netou - tou Yahudi wia pakasaan kaoatan. wo nisia si mapimpin se sekte Nasrani.
6
Wo sia maulit manajis beleempung okai tumimboi nisia. [kai paar maaadil nisia kiir nukum nai].
7
Taan si Lisias, kumendan ne pasukan tiin, mai wo kahatena sia witu lawas nai, kaampit ka lewoana.
8
Wo sia merenta mako setou - tou matudu nisia, mai witu sinarumu.] kaampit sia meriksa sandiri, nikou kou makailek sandiri sapa - sapa patudu nai wia nisia.
9
Tou - tou Yahudi kahai se minaesaanong, witu patudu tiin, wo sea tumegas, ka pakasaan nyaai nulit waya.
10
Gubernur mehe mako tanda witu si Paulus sumirita, Paulus si miningkotei "kailekang kumako, kaurean taon mako taon, ka nikou minamuali mong hakim witu sebangsa yaai, nyaku kaampit senang ate, mabela nawak :
11
Nikou toro makailek ka ndaai lumawet witu maplorua ngaendo, limangkoi mako nyaku sumeret tu Yerusalem ku ma ibadah pe.
12
Sea se raai mina loho - loho mako nyaku, kumaaindoan o si seitesia, kaapa maarui witu paharuran tou, leos witu bale empung, sinagoge - sinagoge kaapa witu gorem kota.
13
Nisea kahai seraai mehe bukti wai nikou, sapa patudu nea wia nyaku tarekan.
14
Taan nyaku mangaku wia nikou, ka masuat o lalan niitu, pailaanea sekte, nyaku maibadah te wia si empung, tu'ata rior kaampit percaya witu pakasaan, makiit nukum wo nyai patik witu buk ne nabi - nabi.
15
Wo metamako pengharapan witu gorem ni empung, sia kahai si paanaan nea, ka wewehan katotooran, leos witu setou makiit nulit kaapa raai makiit nulit.
16
Witu nyaai waya, nyaku maulit mapipiara nate leos, leos tu sinaru ni empung kaapa tu sinaru netou.
17
Tarekan, kelanganako pira ngataun, nyaku mai manehe sapa - sapa witu se bangsaku wo mawewehe persembahan.
18
Ku masiwope niitu, ku kaindoan nea, taan ku wineresi mong witu bale empung, tu ndaai si tou kaapa karusuhan. maane witume wewehan se pira tou yahudi witu Asia.
19
Kumiit niitu, sea mong sewia sinarumu, se mehemako tuduhan, sa sea madendam wewehan sapa - sapa masasaru nyaku.
20
Kaapa maanong se tou - tou tiin, sandiri selumila sapa kinalangkoyan kinaindoan nea witu nyaku timoor tusinaru Sanhedrin.
21
Kacuali nesa parnyataan nyaiku rekeime, witu nyaku timoor witu nantara nea "ka katotoor ne minate, nyaku kuhakimen witu sinaramu nendo yaai.
22
Taan si Feliks, se makataintu pangatahuan lembe ulit, kumura lalan tiin, timunda perkara yaai kaampit lumila : "witu si Lisias si kapala ne suraro, tiin, tumupa, nyaku ku mutusako perkara yaai.
23
Wo si Feliks merenta mako si perwira, si Paulus si tetap tahangene, taan witu kaporakan wo tia malarang se kaampitena maselewir nisia.
Paulus Masirita Kumura Imanena Tu Gorem Kristus
24
Kelanganako pira ngaendo, Feliks mai kaampit si kaawuna Drusila, sia si tou Yahudi, wo rumeho si Paulus, mai, wo paar malilinga si Paulus maila kumura imanena tu gorem Yesus kristus.
25
Wo si Paulus si menawe - nawelan kangenangan o nisea, kumura kaulitan, makuasa kapaaran nate sandiri, wo pahariman nendo wia muri, Feliks si minainde wo lumila : ''mangemong tarekan". witu nyaku wehanong kesempatan ku tumowa nikou"
26
Witu nendo masuat, Feliks magenang ka si Paulus mehe nisia roit. niitumong Feliks si paar mareho si Paulus mai wo masirita o nisia.
27
Taan, ruamong ngataun kinelangan, Perkius, Festus sumawel si Feliks, wo kasi paar masesenang se tou Yahudi, Feliks maya mako si paulus witu gorem bui.