Pasal 25
Paulus Makiwehe Mako Tu Sinari Ni Kaisar
1
Telu ngaendo o mai, Pestus kaayo mako witu propinsi tiin, witu sia mako tu kaisarea, Yerusalem.
2
Se iman - iman kapala ose pemimpin Yahudi, muntepaku tuduhan masaru si Paulus, wo se maseesek si Festus.
3
Kaampit makiwehe nisia mura ate wia nisea, mareneana maesaan mawuwunu si Paulus tu nuner lalan.
4
Festus mingkot, ka si Paulus, si tahangene witu kaisarea, wo sia sandiri si mai rumio - rior.
5
Wo sia lumila : maanong se pemimpin wai nantara tumumpamei waname mawali nyaku, wo sa wewehan sapa - sapa kasumelokan ni tou tiin, maanona nisea se muntepei tuntutan nea wia nisea.
6
Festus mena o nisea woo uwalu kaapa mapulu ngaendo, wo sia mako tu kaisarea, wo mawoondomei sia rumuaumun witu pengadilan wo sia merenta mako rior si Paulus aline witu sinaruna.
7
Kaayo mako si Paulus tu sinaruna se tou - tou Yahudi timumdamei tu Yerusalem tumoor limendong nisia. kaampit mehe laker tuduhan wuter masaru si Paulus, wo raai entema bubukti niitu.
8
Wo si Paulus mehe pembelaanna "nyaku, kuraai si miwo kasumelokan sapa - sapa maselok hukum. leos hukum taurat Yahudi, bale empung kaapa kaisar.
9
Taan, ka masesenang setou - tou Yahudi, Festus lumila witu si Paulus : "sapa kou paar mako tu Yerusalem, wo kou adilen tu sinaruku wia patudu wia nikou?
10
Taan si paulus lumila : nyaku tarekan kkutimoor wia pengadilan kaisar, tampa lilit nyaku adilen. nyaku kuraai si selok sapa - sapa witu se tou - tou Yahudi, tanu nikau sandiri lumoho.
11
Niitumong sa nyaku simelok, simiwo sapate niitu wo pantas makaindo nukuman mate, nyaku kuraai mawaawa malelenteng nawak witu nukuman mate tiin, taan saitu patudu nea tiin wia nyaku ndaai lilit, ndaai wana esa wia nisea toro sumerakan nyaku wia nisea toro sumerakan nyaku wia nisea. wo nyaku kumiwehe banding witu si kaisar.
12
Wo Festus rumunding o se Sanhedrin, sia mingkot : "nikou kimimehemong banding witu si kaisae, wo witu si kaisar nikou mangemong."
Festus Moi Witu Si Raja Agripa Sakumura Si Paulus
13
Kimelangomako pira ngaendo, raja Agripa wo Bernike kaayomako witu kaisarea mawewehe pangormatan witu si Festus.
14
Se mahanape witu pira ngaendo, Festus mehemako kajelasan kumura perkara ni Paulus tiin witu si raja, wo lumila : wewehan si esa tou nyai telaau mako ni Feliks, sia si patahangen.
15
Nyaku ku witupe Yerusalem, se iman - iman kapala, wo se tua - tua Yahudi mehemei tuduhan masaru nisia wo makiwehe rior nisia si hukumen.
16
Nyaku mingkot nisea, ka ndaai minamuali kanaramen wia setou Roma maseserakan si tou, sa si patudun tiin si raaipe minahilekan o se matudu nisia gio ong gio, wo sia si wehanako kesempatan sumiwo pambelaan witu patuduh wia nisia.
17
Wo witu sea mai, merur wiai, nyaku ku raai tumunda perkara yaai, taan mawoonomei nyaku rumuhumun witu pengadilan, wo merenta mako si tou tiin alinei wia sinaruku.
18
Tumoorei se matudu nisia, nisea seraai minehe tuduhan lewo tanu pagena - ngengku.
19
Taan nisea seminehete pira ndaai kapaar ia si tou tiin kumura agama nea sandiri, wo kumura si Yesus si minatemong, wo pailani Paulus ka nisia si matou - toupe.
20
Ka ku bingo karengan kumura mapeperikasa pakasaan yaai, nyaku moi sapa sia paar mako tu Yerusalem wo ako adilen waname witu perkara yaai.
21
Taan, ka si Paulus kimiwehemong banding, si patatahen wo maana kaputusan ni kaisar, nyaku merenta mako sia si tahangene makar nyaku toro kumirim nisia witu si kaisar.
22
Wo si Agpira lumila witu si Festus, "nyaku kahai paar malilinga sandiri si tou tiin." woondo" Festus lumila : nikou luminga nisia''
23
wo mawoodomei, Agpira wo si Bernike mai o pakasaan kabasarana, sia muntep witu pengadilan mawali - wali o sesuraro wo se pimimpin pemimpin kota, wo kiit perenta ni Festus, paulus alinei muntep.
24
Festus lumila : "raja Agpira wo pakasaan se wia o nikai wia nyaai. lohonei si tou yaai, si pakiwehen ne pakasaan tou yahudi wia nyaku, leos se witu Yerusalem kaapa sewia nyaai, wo ma reke - rekei, ka se tou yaai si raaimong toro tumou urepe.
25
Taan nyaku makaindo, nisia si raai sapa - sapa, o sia toro makaindo hukuman mate, wo witu sia kumiwehe banding witu si pengasa - ngasaran, nyaku mutusako, kumirim nisia witu si kaisar.
26
Maan nyaku raai wana sisapa - sapa pasti. papa patik witu si tuan - eku niitumong nyaku minalimomei si tou yaai wia sinarumu waya, wo sandiri mako wia nikou, raja Agpira. mako taintu, saraaimong pemeriksaan yaai, nyaku ku wewehan sapa - sapa nyai patik.
27
Ka, ndaai muntep witu genang wia nyaku, ku kumirim sitou patahangen, wo raai mehe mako tuduhan - tuduhan terang karengan wia nisia.