Pasal 26
Paulus Tu Sinaru Ni Raja Agri Pa
1
Wo, Agpira lumila tu si Paulus : "nikou kou winehan isin sumirita, mabebela nawak - emu", wo si Paulus rumangane lawasena, nyumata pabelana.
2
Lumoho pakasaan patudu wia nyaku, ne tou - tou Yahudi, nyaku mapendam nawak eku minuntung, raja Agpira, kanyaku, kunyumata pabela ku witu sinarumu nendo yaai.
3
Nikou te, ka kou sitou kasa ulit makailek pakasaan kanaramen, wo kawalian witu nantara ne tou - tou Yahudi. niitumong, nyaku makiupus wia nikou, toro luminga nyaku kaampit sabar.
4
Pakasaan se tou Yahudi makailek kumura kinelanganei penou - nouangku timuuremei witu kamudaangku, tumuur katare - tare, maapu penou nouan witu te nuner ne bagsaku sandiri witu Yerusalem.
5
Ka nuremongkailekan nea kumura nawak - eku, sasea paar, sea se toro mai sumaksi, nyaku timou makiit najaran ne kelompok kasa kete witu nagama ta, nyaku timou ka ku tou Farisi.
6
Wo tarekan, nyaku timoot wia nyaai, kaku paadilen, ka nyaai paarapengku witu kawar siniwo ni empung witu se tu'a - tu'a rioreta.
7
Kawarow yaai pengena - ngenaan ne maplorua suku bangsa ta toro kakiitan, witu sea masembah si empung kaampit maulit karengan nendo wo mbengi. wo ka kakawaren tiin, nyaku patudun netou - tou Yahudi, ya raja,
8
Kaa kau maanggapete towo ka si empung matoorei setou minate?
9
Niitumong nyakute sandiri, mawuna, kanyaku kusumiwo laker paayangen matotondo ngaran ni Yesus, wo nasaret.
10
Niitumong pinaayang eku tu Yerusalem. nyaku ndaaite mauntep se tou - tou kudus witu bui, kateterima ku temei kuasa tu se imam - imam kapala, taan kahai witu sea nukumen mate, nyaku mapaar.
11
Wo satorona nyaku mehe hukuman wia nisea sewitu sinagoge sinagoge wo ulit ma seesek nisea maojat, wo kaampit rinauguanong karengan wia nisea, wo sea peendisengku, makar witu kota - kota asing.
Paulus Sumirita Kumura Sia Mahilekan O Si Yesus
12
Paulus sumirita kumura sia mahilekan o si Yesus Wo palililaaku yaai kahai, nyaku ku witu pakelangan matoro Damsyik kaampit winehan kawenangan wo tugas wia se imam - imam kapala.
13
Witu noat katoor niendo, ya raja, tu nuner lalan, kulumoho wewehan terang na langit o mai, kasa terang wia si endoh, terang tiin limendong nyaku, wo se tou - tou mawali - wali nyaku.
14
Wo kaiwaya nyai kawali suusuk tu natas tana : kalingaane wewehan mailaamei wia nyaku witu bahasa Ibrani : Saulus, Saulus kaakou peendis wia nikou masepa galarangsang [masepa reghes].
15
Oku moi, sei kou, empung? wo sia mingkotei si empung, ''nyaku ku Yesus ku pasiksanu.
16
Taan, tumoorei, kaampit naemu, ka nyaku ku minapalohomong nawak eku wia nikou, tung kaakoan yaai, niitu mong, kutumetap nikou mamuali pelayan wo saksi, ndaaite witu sapa mong linohomu, taan kahai witu sasapate turuuku wia nikou.
17
Nyaku ku lumempot nikou witu se bangsamu yaai wo sebangsa walina, wo witu nisea nyaku rumeho nikou.
18
Mawuwuka beren nea wo sea toro kaputarei witu karimbunan mako witu nterang, wo witu kuasa ni iblis mako witu si empung rior nisea makaindo apungan witu dosa - dosa kaampit tumerima wewetengan tu nantara ne tou - tou se kinudus wia iman tunggorem nyaku"
Paulus Tumerangako Kumura Paayangena
19
Wo, raja Agpira, nyaku kuraai mina tondo - tondo mako, witu sapa kinalohoangku surgani tiin,
20
Taan katare - tare, nyaku mahabarako witu nisea se witu Damsyik wo mako tu Yerusalem, wo pakasaan wanua Yudea, wo kahai witu se bangsa walina. ka nisea pakiwehen mabertobat, mareng witu si empung, kaampit masiwo paayangen - paayangen sumua wo pertobatan nea.
21
Niitumong se tou - tou Yahudi tumimboi nyaku witu bale ni empung wo maulit mawuwu nyaku.
22
Makar tarekan, nyaku timerimamong sasawangen wia si empung makar nyako toro tumoor wia ka masaksi, leos witu setou - tou oki, kaapa tou - tou sela kaampit ndaai maila walina, wayate sapa nyai lila ne nabi - nabi o si musa witu sapa mamuali.
23
Ka si kristus tiin si mendam kasusaan, wo kaampit nalasan si mamuali katare nyai toorei witu nantara ne tou minate, nisia si mako mahabar nterang tiin, leos witu se tou - tou Yahudi, kaapa witu se bangsa - bangsa walina
Paulus Maaindakut Maki Parcaya Si Agripa
24
Si paulus si memehepe waya - waya witu pembelaana sandiri, si Festus lumilaamei kaampit suara rimber : "Paulus, kou kominaseno, mong" kapandeanu laker tiin simiwo mong nikou ndaai mong waras"
25
Taan Paulus mingkot : paasa - asaran Festus, nyaku kuraai seno, taan nyaku ku maila nulit karengan, wo muntep witu genang.
26
Ka si raja makai lek pakasaan nyaai, wo wia nisia nyaku maila kaampit kaberanian, kanyaku yakin ka ndaai wana siesa wia pakasaan nyaai ndaai kalempot witu genangena ka nyaai ndaai minamuali witu tampa kardolime.
27
"Raja Agpira, sapa kou mapercaya se nabi - nabi? kailekangku kou mapercaya.
28
Raja Agpira lumila witu si Paulus : "witu nendo okiite, nikou ndaai sumiwo nyaku mercaya nikou, mamuali tou kristen.
29
Wo Paulus mingkot "nyaku makiupus wia si empung, repet kaapa ngerer, ndaai te nikou taan pakasaan se tou malinga nikou tarekan, toro mamuali tanou nyaku, kacuali rante rante yaai.
30
Wo tumoorei si raja, kiiten ni gubernur, Bernike wo pakasaan se rimuhumun o nisea.
31
Wo katetelan nea mako ruangan tiin sea meniri - nirita esa osi esa "si tou yaai, si raai simiwo sapa - sapa, wo sia toro makaindo nukuman mate kaapa bui.
32
Wo si Agripa lumila witu si Festus "se tou yaai si toromong weta, wo bebasen, sa sia raai mehe bandung witu si kaisar.