¹ Si Saulus si mapaar si stefanus winunu. tu nendo niitu, pawantian sela minamuali witu se jamaat - jamaat tu yerusalem, wo sea se nyai kasera - sera witu wanua yudea wo samaria, kacuali se rasul - rasul. ² Se tou - tou saleh kumubur si stefanus, wo mamuali kaaripan sela wia nisia. ³ Taan si saulus maulir karengan maa apa se jamaat sia mauntep witu bale esa wo esa, sia kumehorei se tuama wo wewene, wo muntepako nisea witu bul.

Filipus Mahabar Ninjil Witu Samaria

⁴ Wo nisea se nyainong kasera - sera sea lumendong mbanua, mahabar ninjil. ⁵ Si filipus tumumpa witu kota tu samaria wo mahabar kumura si Kristus. ⁶ Wo se toulaker se minaesaan, luminga sapa paila ni filipus wo sea lumoho tanda makaerangen siniwona. ⁷ Ka se Roh - Roh lewo se minondolomei witu se tou niunte pan nea, kaampit marekei rekei karengan, wo laker se tou raai kakencang, se kento se leneos waya. ⁸ Niitumong, wewehan pesta sela witu kota tiin. ⁹ Taan wewehan si tuama makangaran simon, riorako si mapaloho sihir witu kota wo si peloo loo ren ne tou witu samaria, wo maila ka nisia si tou kasa wangko. ¹⁰ Pakasaan se tou se oki makar se sela maila, tou yaai si kuasa ni empung si pailaan "sela". ¹¹ Wo se tou kasa mawehe ate wianisia, ka witumong kaureana si a masiwo mahabar mapuji witu ilmuna sihir. ¹² Taan ka se tou - tou liminga wo mapercayamong si filipus, mahabar ninjil, kumura kerajaan ni empung wo ngaran ni Kristus Yesus, sea ako lendem, se tuama wo se wewene. ¹³ Maan sibsimon sandiri si mapercaya, wo maan nisia si mehete nyai lendem, nisia si minakote tumawi witu si filipus, wo kalolohona laker mukjisat wo tanda makaerangen mina muali, sia si maerang karengan. ¹⁴ Niitu, se rasul - rasul se witu yerusalem luminga ka se tou - tou tu samaria se temerimamong firman ni empung so wo sea rumeho si petrus o si yohanes mako witu se tou - tou witu. ¹⁵ Seminai wo sumombayang wia nisea rur sea toro tumerima Roh - Kudus. ¹⁶ Ka si Roh - Kudus si raaipe timumpa mako witu si esa tou tu nisea, nisea se nyainong lendem tunggorem ngaran ni empung Yesus. ¹⁷ Wo si petrus o si yohanes mehe mako lawas nea tu natas rookos nea, wo sea tumerima si Roh - Kudus. ¹⁸ Kaloloho ni simon ka si Roh Kudus nyai tumampei, lumalan witu lawas ne rasul - rasul tiin wo simon tumawaroko ndoit, witu se rasul - rasul tiin. ¹⁹ Kaampit lumila wehemei kahai wia nyaku kuasa tiin, rior wia nisea kumehemako lawaseku tu nafas rookos nea sea kahai se tumerima Roh - Kudus. ²⁰ Taan si petrus lumila witu si simon: pakiwehen ndoitemu tiin mabinasa mawali nikou ka kou mangenang kou toro makaindo karunia niempung kaampit ndoit. ²¹ Nikou kou raai wana si wewetengan, kaapa hak witu pakasaan nyaai, ka natemu ndaai renoai tu sinaru ni empung. ²² Niitu mong nikou matobatou witu lewo peniwo niwono, wo sumombayang wia si empung rior, satoro, kapaaran natemu mehe ampunganwia nikou. ²³ Ka nyaku lumoho nikou, kou witu pe na peru pa - it wo kou papaan witu kalewoan. ²⁴ Taan si simon mingkot wo lumila: sombayangei nyaku, wia si empung, rior sapa nyainu lila wia nyaku, ndaai mamuali wia nyaku. ²⁵ Wo si petrus wo si yohanes sumaksi maulir karengan, wo lumila firman ni empung, o sea mareng tu yerusalem witu kahai nisea mahabar ninjil witu laker wanua tou samaria. ²⁶ Wo mangemai si malaikat lumila witu si filipus, tanaai: tumoorou wo mangemong witu tihimu, witu lalan maperos tu yerusalem, matoro gasa, lalan tiin lalan rimbun. ²⁷ Filipus tiin tumoorei wo kumelang. Wo kalohoana mako si tou eitopia, nisia si tou kinabiri mong si tou mapaayang witu pangadilan sri kandake, ratu karajaan eitopia, nisia si timimboi pakasaan narta ni ratu, nisia si minai tu yerusalem maii badah. ²⁸ Wo si mawawa rengan wo sa rimuhu mun witu keretana kaampit matembo mbuk ni nabi Yesaya. ²⁹ Wo si Roh lumila si filipus: mange kou semeret tung kreta tiin. ³⁰ Wo petrus lumenteng mako tung kreta tiin, wo luminga si tou tiin si matondei buk nabi yesaya, filipus moi wia nisia: tuan, sapa kou mangarti witu patondeiyannu tiin? ³¹ Wo si tou tiin mingkot, kumura nyaku toro mangarti, sa raaiwana si mantar nyaku? wo sia kumiwehe mako si filipus sumeretei rumuhumun onisia. ³² Niitu nesa buk suci patondeian tiin nyai patik: nisia si pahalin tanu si esa domba ako pa rereretan, wo tanu si domba oki si raape kinuntingan buuk ena minawowo, si tia muka sumana. ³³ Witu gorem kasusaana, noaai si kaadilan, kinahai wia nisia, sei si toro sumirita se taranak ena ka penou - nouana kinahatou wia natas kaoatan. ³⁴ Wo si sida - sida tiin mingkot wo lumila witu si filipus: nyaku makiupus nikou, kumura wo sei si nabi limila tiin, kumuranawakena sandiri, kaapa kumura se tou - tou wa lina. ³⁵ Wo si filipus mukaamei sumana, wo tumuurei witu mbuk suci tiin, sia mahotbah kumura si Yesus, wia nisia. ³⁶ Wo sea mange kumiit lalan, sea kaayo mako witu tampa wewehan rano, wo si sida - sida tiin lumila: lohon, wia wewehan rano, sapa toro mape nyaku, ku lendem?. ³⁷ Filipus lumila: sa kou mapercaya, o natemu, tuan, toro karengen wo sia mingkotei, lumila: nyaku mapercaya kasi Kristus Yesus tiin, sia si oki ni empung. ³⁸ Sia merenta mako, meha kreta tiin, wo seandua tumumpa witu ndano, wo filipus lumendem nisia. ³⁹ mondoliemei seandua witu gorem ndano, rohembung mali si filipus mange wo si sida - sida tiin riraai mong limoho nisia, sia memehe - mehe kumerang kaampit maapa - paar. ⁴⁰ Taan makailekako si filipus, sia siwita mong asdot, wo kalalawetena mbanua tiin, si mahabar ninjil tu pakasaan kota, makar sia kaayo witu kaisarea