¹ Imam besar lumila:sapa alit taintu. ² Wo Stefanus lumila : patuari - patuari, wo ama - ama lingane aku si empung si mulia karengan linoho witu se tua - tuata nor, abraham, nisia niitu si witupe mesopotamia, si raape mahana witu haran. ³ Wo lumila wia nisia, mangemong wia tana'mu wo wia sepatuarimu, wo makomong witu tana turuuku wia nikou. ⁴ Tumondong niitu abraham tumeladu mako tana ne tou kasdim, mako mena tu haran, wo witu niitu, si minak mong si papana, si empung rumeho mela witu tana tiin, tampa tarekan pahanaan niu. ⁵ Taan si empung si raai minehe watisan wia nisia, maan tanu ate leleek nae, taan kimawar mawewehe witu si abraham mamuali taintuna wo setaranakena tumondongei nisia, maane si abraham raaipe wana si oki. ⁶ Taan si empung limila tanaai: ka se taranakemu se mamuali minaite witu tana'asing wo nisea se mamuali budak wo se wantian tung kauran, epat maatus ngata'un. ⁷ Taan nyaku mehe ukuman witu se bangsa mudak nisea lila ni empung, wo maapun mako niitu, sia se sumeeng ketei witu, wo ma ibadah wia nyaku wia tampabyaai. ⁸ Si empung mehe mako witu si Abraham kakawaren sunat, wo Abraham mamuali ama Ishak si simunat nisia si umure uwalu ngaendo, wo si Ishak mamuali lima ni Yakub wo Yakub, si ama ne maplo raa rior. ⁹ Ka kadengkian wia si yusuf, si amaata rior, minangker nisia tu mesir, taan si empung raai minaya si yusuf. ¹⁰ Sia lumempot nisia witu pakasaan kasusaan, sia mehe anugrah wo kapandean tu sinara ni firaun, raja mesir, sumiwo nisia mamuali mapimpin tu natas mesir kaampit pakasaan istanana. ¹¹ Makasa, mamuali witu pakasaan mesir, kinaapaan kakanen kaampit witu kanaan, wo pakasaan setou mendam naharem, kasusaan sela, wo se tu'a - tu'a ta rior, se raai makaindo kakanen. ¹² Kalingaanako ni yakub ka wewehan gandum tu mesir, sia rumeho se tu'a - tu'ata rior mako tu mesir, tare mote niitu. ¹³ Witu karua sea mako witu, yusuf sumiwo nawak ena tuusen ne patuari - patuarina wo sanga taranak ni yusuf tumerang witu si firaun. ¹⁴ Tumondong niitu, yusuf masange wo tumowaame si yakub ama, ana wo se patuarina kalakeran nea pitu ngapulu lima tou. ¹⁵ Wo si yakub tumumpa tu mesir, o'sia mate waname, nisia ose tu'a - tu'a rior. ¹⁶ Witu niitu sea era mako tu sikhem, tekel sumaup witu tana kubur tineles ni abraham kaampit ndoit ne oki - oki ni hemor, tu sikhem. ¹⁷ Taan, witu makatawimong nendo kakawaren tiin, nyai lila ni empung witu si abraham, se bangsa tiin makote mahawes malepet witu mesir. ¹⁸ Makur kasawelan raja walina witu mesir, si raai makailek kumura si yusuf. ¹⁹ Raja tiin majaja se bangsa ta, mapeendis se tu'a - tu'a rior, makar sea tumia se oki - okiipe karengan, mamuali nisea raimong tumahang tu penou - nouan. ²⁰ Witu kaadaan nitu, katoumei si musa, wo sia si wangun karengan witu mberen ni empung, wo si musa tiin, paharusente tumbale ni ama na, telungaserap. ²¹ Wo, witu sia nyai terek, sia kamdaan m'putri firaun, indonamei sia sia selana tanu okiina sandiri. ²² Sia ajaran witu kapandean ne tou - tou mesir wo sia winehan kuasa witu maila wo pasiwon na. ²³ Kaayo mako numur ena epat ngapulu taon, mondol witu nalena, si paar mako mailek se patuari - patuari na se toranak israel. ²⁴ Kalohome sia si esa witu nisea, si paswon ndaai adil ne tou mesir, wo sia mai musa mabela si tou pa wantian nea tiin, wo waerana si tou mesir tiin munu nisia. ²⁵ Si musa tiin magenang ka se patuari - patuarina tiin mangarti, ka si empung minehemei wia nisea ka lempotan lumalan wia nawak ena, taan ndaai pangartian nea. ²⁶ Tu nendo mangemai, musa mako mahilekan ose tou israel se matotokol, wo sia maulit madadime nisea, kaampit lumila, ei ndaai reen nikau wewehane waakesan mapatuarian, kaakau merara - raraan. ²⁷ Taan siesa si marara si patuarina tiin timondote si musa tu liilik kaampit lumila sei si sumiwo nikou mamuali makuasa wo hakim wia natas nai. ²⁸ Kaapa nikou paar mawuwunu nyaku, tanu kou minuna si tou mesir tiin kahawin. ²⁹ Luminga paila ni tou tiin, musa lumenteng makarsia mamuali pendatang weru witu tana midian, witu wanua tiin sia makaindo oki se rua tuama. ³⁰ Mawutulako epat ngapulu ngataan, si esa tou malaikat mapaloho tu nisia witu padang rimbun, kuntung sinai witu gorem mbaha, wo dukut tutuekan. ³¹ Kololoho ni musa, sia maerang tu linohona tiin, wo ka si paar tumawi mako, wo maloloho, si maerang karengan, wo tu mangemai suara ni empung. ³² Nyaku mong si empung, ne tu'a - tu'a mu rior, empung ni abraham, empung ni ishak wo empung ni yakub, wo si musa gimeeger ninde, wo si tia among maloloho. ³³ Empung lumila wia nisia, weta mako selop tu naemu, ka tampe nikou timoor, niitiu tana suci. ³⁴ Nyaku ulit karengan limohomong kasusaan ne umat eku witu mesir, wo kuliminga mong rerekeyan nea, wo nyaku timumpa momei malelempot nisea, wo tarekan maimong, nyaku kurumeho nikou mako tu mesir. ³⁵ Si musa si nyai nea mong tondo kaampit limila sei si simiwo nikou mamuali makuasa wo hakim wia nikai? nisia si tou nyai reho ni empung, mamuali, leos sia mamuali makuasa kaapa malempot, lumalan witu lawas ne malaikat se minapaturu nawak witu dukut tutuekan. ³⁶ Si tou minondoki nisea simiwo mukjisat wo tanda makaerangen tu tana'mesir wo witu tasik raindang, kaampit witu padang rambet, epat ngapulu ngataun nurena. ³⁷ Musa mong tiin si limila witu se bangsa israel: si empung si tumoorei wia nikau si tou nabi, tanu nyaku tu nantara patuari - patuari mu. ³⁸ Sia mong yaai si witu nantara nejamaat witu padang rembet mawali - wali si malaikat silimila wia nisia, witu kuntung sinai, wo mawali - wali se tu'a tu'a ta rior wo sia si timerimamong firman matou - tou pawewehe nikita. ³⁹ Taan se tu'a tu'a ta rior setia mapaar malingati musa, taan rumoou nisia wo mapaar mareng tu mesir witu nate nea. ⁴⁰ Kaampit mailatu si harun, simowei nikai opo - opo, si kumelang witu rior nai ka si musa yaai, si minalimei nikai rumooumei witu tana' mesir, ndaaimong kailekan nai sapa minamualimong wia nisia. ⁴¹ Nendo niitu, sea sumiwo si esa patong tanu si oki nisapi, wo mawehe parsembahan witu si pao poon liin wo sea memesta - mesta witu paayangen paayangen lawas nea. ⁴² Taan si empung lumenge wia nisea, wo maya mako nisea masembah se suraro langit tanu nyai palik witu mbuk ne nabi, sapa nikau mahalimei wia nyaku, setayapo rinepetan, wo parsembahan kaurean epat ngapulu ngataun witu padang rembei ei kau tou israel?. ⁴³ Nikau mahali - ali tenda molokh wo bintang opomu retan, si patong siniwo niu pasembaan niu, wo nyaku kutumerek nikau mako witu sangaweka Babel ⁴⁴ Se tu'a - tu'a rior sewewehan kemah kasaksian, witu padang rembet, tanu nyai prentah ni empung, nisia si limila witu si musa, sumiwo tanu gambar linohona. ⁴⁵ Kateterima kemah tiin se tu'a - tu'a ta rior mali nitu muntep mawali si yosua niitu sea marerebut tana' nea witu se bangsa - bangsa walina, se nyainong singkir ni empung tu sinaru ne tu'a - tu'a ta rior, makar witu saman ni daud. ⁴⁶ Daud mina kaindo leos wo karunia tu sinaru ni empung, wo kimehe toro makaindo tampa paenaan ni empung yakuo. ⁴⁷ Taan si salomo si simiwomong esa wale wia nisia. ⁴⁸ Taan si waha karakeran si raai minena witu mbale siniwo ne tou, tanu nyai lila ne nabi. ⁴⁹ Langit tiin tahtaku wo bumi niitu paleekan naeka, wale sapa pasisiwon niu pawewehe nyaku? si empung minehe firman: kaapa sapa tampa paasengang ku?. ⁵⁰ Ndaai ree lawas eku simiwo pakasaan waya nyaai?. ⁵¹ Ei, nikau tou - tou kete rookos, kaampit nalewo lunteng, raai sinunat, nikau matantang si Roh Kudus, tanu siniwo ne tu'a - tu'a niu rior. ⁵² Nabi - nabi wisa se raai pinemantian ne tu'a - tu'a niu rior, wo nisea se mawunu se taou - tou, wo ndaai simiwo niitu, minehemong pengumuman si maimong si tou ulit karengan, wo tarekan simiwomong nawak niu sandiri tanu si penghianat wo memunu. ⁵³ Nikau, kau timerimamong nukum taurat, tanu nyainong lila ne mailakat taan nikau tia jumaga niitu.

Stefanus Winunu

⁵⁴ Kalilinga nea pakasan nyaai, nate nea tanu patueken, kareeketokan mbaang nea witu si stefanus. ⁵⁵ Taan si stefanus si winuta Roh Kudus, lumohome langit sia wokalohoaname kamuliaan ni empung, wo Yesus timoor tu leleosena. ⁵⁶ Stefanus lumila: lingan nyaku limohomong langit minawuka, wo si oki tou timoor witu leleos ni empung. ⁵⁷ Taan nisea mereke - rekei karengan, wo mumpen lunteng nea, wo sea maesaan sumerbu si stefanus. ⁵⁸ Wo sia kehoren nea alin witu luarako kota, wo tumuur malahawa nisia wo mbatu, tumondong niitu, se saksi weren rumoumako juba - juba nea witu nae ni tare tumou makarangan saulus. ⁵⁹ Wo sea raai mena maweewel si stefanus si mengila - ngilaape, empung Yesus, terimanene Roh - eku. ⁶⁰ Wo sia kumundu, sia lumilaame rekei karengan, empung, tia patatanggong dosa yaai wia nisea kalililaname niitu, o sia mate.