Pasal 6
Pitu Tou Sinisir Mamuali Pelayanan Khusus
1
Tu nendo - nendo niitu, sekalakeran ne murid mako mahanes wewehan se tou - tou helenis makiupus witu se tou - tou ibrani karengan, ka si janda - janda witu senyai neamong waya witu gorem paselewiren tikohon susur nendo.
2
Wo se maplorua rasul tiin tumowa mako pakasa se murid wo lumila: ndaai ulit wia nikai mawawaya firman ni empung ka maselewir meja.
3
Niitumong patuari- patuari sisirenako sepitu tou wia nantara niu si palohon niu leos siwuta o roh kudus, wo pande, si paaindonai, witu paayangen yaai.
4
Wo nikai, kai sumombayang tumekun witu gorem mahabar firman.
5
Nyai lila tiin simenang nate pakasaan tou, wo sea sumisir si stefanus si tou wuta kaampit iman, wo roh - kudus, mai filipusprokhorus, ni kanor timon, parmenas wo si nikolaus si esa tou proselit tu antiokhia.
6
Alinea sea waya sumaru witu se rasul wo maka sombayangako sea, wo serasul tiin meta mako lawas tu rookos ne pitu tou tiin.
7
Firman ni empung mahakote makasela, wo kalakeran ne murid tu yerusalem mako maka awes, wo maan se laker imam minamuali malinga witu iman tiin.
Timimboi Si Stefanus
8
Stefanus tiin si wuta kaampit anugerah wo kuasa, sisimiwomong paayangen sela wo makaerangen witu selaker tou.
9
Taan se woo pira tou tu sinagoge omai, se pailaan libertini leos se tou tou kirene kaapa se tou - tou aleksandria wo se pira tou tu kilikia wo asia omai, tumoorei mako maaindoan o si stefanus.
10
Taan, nisea si raai makaindomama bantaan kabijaksanaan wo roh wo wia nisia si stefanus maila.
11
Wo memene - menes nisea mahasut sepiratou mako lumila: kai limingamong wia si tou tiin maila no jatan witu si musa o si empung.
12
Wo sea tumondo se laker tou, tu'a tu'a, wo se ahli - ahli taurat, mai witu si stefanus tumimboi nisia wo sia alin nea sia witu sindaru ne sanhedrin.
13
Sea malimei se saksi - saksi towo lumila: tou yaai si raai mena, maila womengila - ngila sapate malawang tampa kudus yaai wo hukum taurat.
14
Ka, kai limingamong nisia si maila ka si Yesus tiin tu nasaret omai, si rumombek tampa yaai wo sia malalaeng nadat nyai warisei ni musa wia nikita.
15
wo kaloho mako gio ni stefanus, pakasaan se tou rimuhumun witu se sanhedrin lumoho giona tanu mokan gio ni malaikat.