¹ Wewehan si tuama, makangaran Ananias, wo si kaawuna ngara Safira se mawawangker taintu nea. ² Wo kaampit kailekan ni kaawuna, si Ananias tiin tumahang noki, witu winangkerana tiin, pa pakeana sandiri, wo si minalite telaau, tu wetanamako tu riorako nae ne rasul - rasul. ³ Taan si Petrus lumila, "Ananias, kaa si iblis si minuta natemu wo kou matotowo sih roh kudus, wo kou tumahang balina witu nyai wangker tiin? ⁴ Witu ndaaipe nyai wangker, ndaai reen tana tiin taintu mu te? wo kawangkerako niitu, ndaai reen tana tiin wia kuasa mu? kakou magenang siniwomu tiin tunggorem natemu? nikou raai matowo wia si tou, taan witu si empung. ⁵ Wo kalilingana paila tiin, Ananias tiin kanawu wo sia mate, wo mamuali kaindean witu se pakasaan setou liminga nyaai. ⁶ Wo mai setaretumou, sumaputako nisia, wo alinea tu luar, ako kuburen. ⁷ Tumondong niitu, kelanganako telu jam, si kaawu ni Ananias mai, taan nisia si tia makailek witu sapa minamuali. ⁸ Wo Petrus lumila wia nisia : "lilaamei wia nyaku, sapa nikau mangker tana' tiin kaampit narga tanu nyaai? wo Safira lumila "en tanu niitu. ⁹ Petrus lumila wia nisia : kaakau, nikou wo si kaawumu kau minahandianong mawawaawa roh ni empung? lokon, tanda nae - nae ne tou kimuburako si kaawumu, witupe sinaru pepenet, wo nisea kahai semangkatako nikou witu luar. ¹⁰ Kasengeemei si Safira kanawu witu riorako nae ni Petrus sia mate, kauntepei ne taretumou kalohoaneamako si Safira si minatemong, wo sea makatei nisia alin witu luar, ako kuburen, witu tawi ni kaawuna, ¹¹ Wo mamuali kaindean karengan witu sejemaat - jemaat wo setou liminga nyaai.

Tanda - Tanda Makaerangen Wia si Empung

¹² Laker makaerangan wo mukjizat minamuali witu nantara netou laker witu, lumalan witu lawas ne rasul - rasul, wo nisea waya minaesaan sewinu loloangan salomo. ¹³ Ndaai wana witu sewalina mapaimbrani nawak maako mawali - wali nisea, taan setou - tou semamulia karengan nisea. ¹⁴ Wo se maka lakerete setou mapercaya tunggorem ni empung, selaker karengan, tuama kaapa wewene. ¹⁵ Niitu mong nisea mopo setou - tou sakitan, makowitu lalan - lalan, wo tumekelako nisea tu natas kalekos ni alasan noham rior sa sia mai si Petrus, maan bayang nate lumawet, wo tumeka pirawia nisea, ¹⁶ Wewehangkan kahai setou witu kota omai, nisea sewitu limendong Yerusalem mai mawali - wali, malimei se tou sakitan, kaampit setou niuntepan ni roh - roh lewo, nisea waya se lineos.

Se Rasul - Rasul Se Tinimboyan

¹⁷ Maan se imam - imam sela tumoorei, kaampit se mengiit, nisea se golongan Saduki, wo sea se winuta kadengkian. ¹⁸ Sea tumimboi se pakasaan rasul, sea untep nea mako witu bui. ¹⁹ Taan witu bengi, si tou malaikat empung, mai muka pepenet - pepenet mbui, wo kumehorei nisea waya, mondolei witu luar, wo lumila, ²⁰ Mange, tumoor, wo habarako witu setou - tou tumbale ni empung, pakasaan firman, kumura penou - nouan yaai. ²¹ Wo kalilinga nea niitu, witu momoondo pe karengan, sea muntep witu mbale empung, wo tumuur mahajar, kaayo temei ni imam sela, wo setou makinei nisia, sia merur se Sanhedrin wo se majelis tu'a - tu'a Israel, wo rumeho tou mako witu bui, malimei se rasul - rasul tusinaru nea. ²² Taan, kaayo mako se pareho - reho tiin, sea seraai minilek serua rasul tiin witu bui. wo sea mareng, mako kumelak, ²³ Kaampit lumila : nikai mako lumoho bui tiin kinusi. kaampit pangamanan, wo se majaga se timoor tu sinaru pepenet. taan kawuka naime, kai raai limoho sapa - sapa witu gorem ena. ²⁴ Wo kalilingate niitu, si kapala majaga bale empung wo se imam kapala, nisea waya se minalikoko, ose rasul tiin, wo memoi - moi kumura nyaai toro mamuali. ²⁵ Sia mangemi si esa tou lumila nisea : "lohon, setou - tou nyai niu untep witu bui, se timoor witu bale empung wo mahajar setou laker. ²⁶ Niitukan si kapala majaga bale empung wo se pangawalena mange wo malimei se rasul rasul tiin, taan ndaai minake kakarasan, ka se mainde lahawanei batu nie tou laker tiin. ²⁷ Kaali neamei si Petrus wo si Yohanes, sea saru nea mako witu se Sanhedrin, si imam sela tumuur mo nisea, sia lumila , ²⁸ Nikai limarangou nikau, tia mahajar mahali - ali ngaran niitu, taan nikau minutamong Yerusalem kaampit najaran niu, wo nikau mapaar, rior ndaha ni tou tiin tanggongen nai. ²⁹ Petrus wo se rasul mingkot, nikai lembe malinga - linga si empung taan setou. ³⁰ Empung tu'a - tu'a ta rior se timooromei si Yesus, si winunu niu, wo sia salipen niu. ³¹ Si empung si meretou nisia witu lawas leleosena mamuali pamimpin, wo juru selamat, mawewehe matobat wia se Israel, wo ampungan tu natas dosa - dosa nea. ³² Wo nikai mamuali saksi - saksi wia pakasaan nyaai, taintukan kahai roh kudus, nyainong wehemei ni empung witu setou malinga - linga nisia. ³³ Kalilinga neate niitu, nate nea tanu mokan patueken, wo paar mawuwunu se rasul tiin, ³⁴ Taan wehan si esa tou Farisi makangaran Gamaliel, sia si esa guru taurat, si paormatan ne pakasaan tou, tumoor sinaru ne Sanhadrin, wo rumehe rior se rasul tiin aline witu luar, ndaai ure. ³⁵ Wo sia lumila wia nisea : ei, tou tou Israel, lohonako maleo - leos, sapa siwon niu wia se tou - tou yaai, ³⁶ Ka witu nendo limangkoi yako, Teudas timoorei, si maila nawakena si tou penting, wo witu setou woo epat maatus, segimabung nisia, taan nisia kinawunuan wo se tou mengiit nisia seraai mong minatailekan, makar nisea maapu waya. ³⁷ Tumondongako si Teudas, si Yudas witu Galilea si timoorei, witu noras sensus, wo kumehorei laker tou, kumiit nisia. sia kahai siwinunu pakasaan setou makiit nisia seraaimong minatailekan. ³⁸ Niitumong witu minamuali yaai, nyaku ngumeenge wia nikau : roou - roou mako setou yaai. o waya mako sea, ka saitu parencanaan wia si tou o mai, niitu ndaai mamuali. ³⁹ Taan saitu parencanaan yaai wia si empung, o mai, nikau raai mampu matatahang niitu wo nikau, kau pailaan masasaru si empung. ⁴⁰ Nisea semakiit tuturu ni Gamaliel, tumondong niitu, tumowa mako sea serua rasul tiin sea meewel nisea, wo lumarang nisea maila tungara ni Yesus seweta mako. ⁴¹ Niitumong se rasul - rasul tiin mange tu sinaru ne Sanhedrin, wo ma paar - paar ka nisea paangapen toro tumahang kasusaan, paseseroan, ka ngarana. ⁴² Wo susur nendo, witu bale empung wo witu bale esa mako witu balewalina, sea se raai mena' mahajar mahabar ninjil ka si Yesus tiin siamong si kristus.