Pasal 4
Rasul - Rasul Wo Se Mahkamah NagamanYahudi
1
Niitu si petrus wo si yohanes lumila witu se tou li laker, wo sea mai witu nisea si iman - iman, kapala majaga bale ni empung, wo se tou - tou saduki.
2
Kaampit nupi karengan, lumoho nisea mahajar se tou laker, wo mahali - ali ngaran ni Yesus ka wewehan katooran tu nantara se tou minate.
3
Wo sea tumimboi si petrus wo si yohanes, sea untep nea witu mbui makar mawoon domei, ka bengimong.
4
Taan laker wia nisea, se liminga paila nerasul, seminamuali percaya, wo kalakeran se tuama wia nantara nea se luminga se woo lima ngariwu tou.
5
Ma woodo temei, se mapimpin, tu'a - tu'a wo se ahli - ahli taurat minerur mawali - wali tu yerusalem.
6
kaampit se imam sela hanas, wo kayafas, yohanes, alekander wo pakasa se tou ni imam bela.
7
Wo sea tumampa mako si petrus osi yerusalem witu nuner, nea o sea tumuur mawoli, kaampit kuasa sapa, kaapa kaampit ngaran nisei nikau masiwo nyaai.
8
Wo si petrus, winuta mong roh kudus, lumila wia nisea"nikau mapimpin bangsa, tu'a - tu'a.
9
sa kai paperiksan nendo yaai, kakai masiwo paayangen leos, siniwonai mong witu se tou susa yaai, kaampit sumiwo sapa si tou yaai lineosou?.
10
Maanong nyaai kailekan niu, waya wo pakasa setou israel, ka ngaran ni Kristus Yesus, tou nasaret si sinalip niu, wo si nyai toorei witu nantara ne tou minate, ni empung, tou yaai timoor wia sinaru niu witu nawak leos.
11
Yesus yaai siamong: watu nyai niu tondo, se meniwo wangunan, si minamualimong watu maturu.
12
Wo ndaai wana ka lempotan witu gorem ni seitesia, ka ndaai wana singaran walina wia mbawa langit yaai nyai mehemei, witu nantara ne tou tiin, nikita makaindo ka lempotan.
13
Kalolo ho nea kabaranian ni petrus wo si yohanes, wo mangarti ka nisea se tou - tou raai simikolah wo sea setou te bisasa, nisea semaerang wo tumuur kumenal ka nisean dua se minemali - mali mei si Yesus.
14
Wo kaloloho nea mako si tou lineos tiin, timoor witu liilik ni petrus wo si yohanes, sea se raai mong kasiwo sapa.
15
Taan ka peperenta nea mako si petrus osi yohanes tumelaau mako se san heorin, sea rumunding esa wo si esa.
16
Kaampit maila"sapa siwonta witu se rua tou tiin? ka nesa makaerangen karengan siniwo wo pinaa yangou ne tou rua tiin, li no ho waya ne tou semahana tu yerusalem wo kita ta raai toro mantah niitu, kaapa sumangkal niitu.
17
Taan rior nyaai ndaai kalingaan ne tou laker, sea ancamenta sea, raaimong toro maila wia se tou laker, witu ngaran niitu.
18
Wo sea tumowa mako si petrus osi yohanes, merenta mako nisea tiamong maila kaapa mahajar sapa - sapa witu ngaran ni Yesus
19
Taan si petrus wo si yohanes mingkot wo lumila wia nisea: putusenomei wisa nulit tunggorem palohon ni empung, kamalinga nikau si lembe taan si empung?.
20
Ka nikai ndaai toro. kacuali maila sapa lininganai mei, wo linoho nai.
21
Ka se maan camete si petrus wo si yohanes, sea maya mako se rasul - rasul tiin mange ka seraai minakaindo nalasan kumura maukum se puatiin, ka setou ka laker se meloo - loor si empung witu sapa minamuali.
22
Ka witu sitou, wia nisia winehan tanda kaleosan nawak nyai papaloho wia nisia sitou umuru lembe epat ngapulu ta - on.
Petrus Wo Si Yohanes Mareng Witu Se Patuari - Patuari Esa Iman
23
Kaweweta mako nisea, petrus o si yohanes mako witu sekaampit nea, sandiri, wo sumirita sapa - sapa nyai lila ne iman - iman kapala wo se tu'a - tu'a wia nisea.
24
Kalilinya nekaampit nea wo sea lumila, wia si empung kaampit esa ate, wo sapa witu nate nea.
25
Si limila limalan roh kudus, lumalan witu suma ni hambamu daud, tua nai rior, kaa se bangsa bangsa walina mapontak, wo se tou tou manega - negan witu ndaai si kaaraan.
26
Se raja - raja kaoatan se menia - niap, wo semakuasa minerur mawali - wali masaru si empung wo masaru si nilirap namei.
27
Ka, nulitena, wia kota yaai se minerurou mawali - wali, masaru si Yesus hambamu kudus, niurap mu mei, si herodes wo si pontius pilatus kaampit se bangsa - bangsa walina wo se tou - tou israel.
28
Masisiwo sapa - sapa te niitu, wo witu lawasemu wo rencana mu tinantu momei, ndaai pe minamuali.
29
Wo tarekan empung, cohone nancaman - nancaman nea wo karunia momei wia nikau hamba - hambamu yaai, witu nikau ma mabar firman - emu kaampit kaberanianai.
30
Nikou minetaamei lawas - emu, nikou maleos sesakitan, wo tanda - tanda wo makaerangen makaerangen mamuali wia ngaran nihamba mu kudus, Yesus.
31
Wo, kasosombayang neate, tu mohoge tampa nieruran nea mawali - wali, wo sea waya winuta mei roh kudus, wo sea tu muur kahai mahabar firman ni empung kaampit kaberanian nea.
Katotowan Ne Tou Percaya
32
Wo nieruran nea se mapercaya maesaan nate wo mukur, ndaai wana si tou esa, si mailaamei ka sapa mbia nisia niitu taintuna sandiri, taan sasapate mbia nisea sandiri, mamuali taintu mawali wali.
33
Wo kaampit kuasa sela se rasul - rasul mawehe kasaksian nea kumura katotoorei ni empung Yesus wo anugerah sela mbitu natas nisea waya.
34
Ndaai wana se esa tou si kinakurangan tu nantara nea, ka pakasaan se tou winang keraai nea.
35
Wo tu weta neamako witu mbawa nae no rasul - rasul wo tu pemete - metengei witu setou kiit kaperluan nea.
36
Taintukan kahai si yusup, tou lewi taranak siprus, sia kahai si tinowa amei ne rasul, barnabas, nartina oki pahibor, mangker numa taintuna wo mali ndoit, weta namako tu na'e ne rasul.
37