Pasal 3
Petrus Limeos Si Tou Raai Kakelang
1
Makasa, petrus wo si yohanes mako witu bale empung, witu jam masombayang, witu jam kasiou.
2
Wo si esa tuama, si raai kakelang sakitan timuureemei sia witupe poot ni mamana pinopoanei susurnendo sea metamako nisia witu pepenet gerbang bale empung, nginaranan pepenet gerbang gekos si makiwehe sapa - sapa witu se tou - tou mauntep witu bale empung.
3
Kalolohona si petrus wo si yohanes mauntep witu bale empung, sia kumiwehe wia nisea.
4
Wo si petrus o si yohanes tumuusako nisia wo lumila, lohonei kai.
5
Wo si tou raai kakelang tiin lumenge mako witu si petrus o si yohanes, kaampit maarap makaindo sapa - sapa wia nisea.
6
Taan si petrus lumila nyaku kuraai wana si perak kaapa mas, taan mbia nyaku, weheku nikou, witu gorem ni Kristus Yesus, tou nasaret tiin, tumoorei wo kumelangou.
7
Wo timboyanei ni petrus lawasena leleos wo sumawang nisia tumoor, niitukan nae wo duhina mina enteemong.
8
Kaampit merente - rentek sia tumoor wo tumuur kumelang, wo sia muntep witu bale ni empung mawali si petrus o si yohanes, mengelang wo merente- retek, kaampit meloo - loor si empung.
9
Pakasaanse tou limoho nisia makelangou, se maloor si empung.
10
Wo sea tumuusnisia, ka si tou mong tiin si maruhumun witu pepenet gerbang leleos bale ni empung, makiwehe - kiwehe, nisea se wuta kaerangen wo maloor sapa minamuali wia si tou tiin.
Petrus Lumila Witu Se Tou Laker
11
Si timimboipe witu si petrus o si yohanes pakasaan setou lumentengei wia nisea witu loloangan, pailaan loloangan salomo, kaampit maerang.
12
Wo kalohoanako ni petrus, sia petrus lumilaame witu se tou laker tiin: ei kau tou israel, kaakau maerang witu minamuali yaai kaapa kaakau meloho - loho nikai, tanu ma woi, kaampit kuasa kaampit kasalehan nai sandiri, o kai sumiwo si tou yaai kumelang?.
13
Empung abraham, wo si ishak kaampit si yakub, empung tua'ata rior sease ma mulia si hamba na, Yesus si nyai niu serahkan wo tolak witu sinaru ni pilatus witu sia minutus mabebebas nisia.
14
Taan nikau timolakete si kudus woulit, wo kau kumiwehe si tou memunu wetaamei wia nikau.
15
Wo kau munu si tou memehe katoutouan, si nyaimong toorei ni empung ni empung witu nantara ne tou minatemong, kumura waya nyaai, nikau mong kau saksi - saksi.
16
Wo dumasar witu iman tunggorem ngaran ena, sia si Yesus siamong si minente si tuama yaai linohoniumong wo tinuus niumong wo iman minai limalenei wia nisia si minehe momei kasehatan makaleos wia si tuama yaai tu sinaru niu waya.
17
Tarekan patuari - patuariku, kailekangku, ka nikau minaayang witu ndaai kailekan niu tanukan kahai siniwo ne mapimpin nikau.
18
Taan sapa mong nyailila ni empung katare limalan witu senabi nabi kasi Kristus si mendam kasusaan linenkep namong.
19
Niitumong, matobatou wo mareng rior ndosamu raai waya.
20
Makar witu nendo kalegaan mangemai, wo kakai ni empung wo rior sia rumeno si Kristus si tinetap wia nikau, siamong si Yesus.
21
Siamong si tinerima na surga makar witu nendo pawawangunen witu pakasaan tasiu nyai lila ni empung lumalan witu se nabi na se kudus timuureemei rior.
22
Si musa limila:si opo empung gemu si tumoorei wia nikau si esa nabi tanu nyaku, witu nantara se patuari - patuari mu sandiri, nikaupakiwehen luminga sapa te lilaan wia nikau.
23
Wo nyaai mamuali wia se tou - tou setia luminga si nabi - nabi tiin, se liong witu nantara ne bangsa - bangsa.
24
Wo pakasaan se nabi - nabi se minalilaamong, tumuurei witu si samuel wo se timondongei nisia kahai se mahabar nendo - nendo yaai.
25
Nikau kau taranak ne nabi wo witu kakawaren si niwomong ni empung kaampit se tu'a tu'a rior niu, kaampit lumila witu si abraham lumalan witu surumu pakasaan taranak wia kaoatan se kamangen.
26
Si empung, katotoor na temei si hambana, kumirimako nisia wia nikau katare tare makakamang nikau wo sumiwo tou o sitou wia nantara niu rumooumei wo marengei witu kalewoan.