¹ Alimwi wakatalika kwiisha kumbali a lweenge, alimwi imbunga ipati yamubunganina. Wakanjila mubwaato bwalinga pa lweenge, akukala panshi mubwaato. Imbunga yoonse yalinga pa muuma kumbali a lweenge. ² Wakabaisha zhintu zhinji muzhikonzhano, a mukwisha kwakwe, izhi zhakaamba kuli mbabo. ³ '' Kamuvwa! mulimi wakaya kushanga mbuto yakwe. ⁴ Nakashanga, imbuto zhimwi zhakalokela panzhila, alimwi ba zuni bakaza akuzhilya. ⁵ Imbuto zhimwi zhakalokela pamabwe, mpuzhakbula bulongo bunji. Mukufwambana zhaka mena, nkaambo zhakabula bulongo bunji. ⁶ Ono lizuba nilyakazwa, zhishango zhakantentwa, alimwi, nkaambo zhakabula miyanda, zhakayuma. ⁷ zhimwi mbuto zhakalokela pa myuuvwa. myuuvwa yaakomena alimwi yazhiyasa, alimwi taaku nizhakazhala micelo. ⁸ Zhimwi mbuto zhaalokela mubulongo bubotu alimwi zhakazhala micelo zhakakomena alimwi akuvuzha makumi otatwe, makumi ali chisambomwe, alimwi azhindi zhili mwaanda.'' ⁹ Alimwi wakamba,'' uchite matwi akunvwa, anvwa!'' ¹⁰ Jesu nakali enka, bakali afwafwi anguwe alimwi abali ikumi abobile baamubuzha zhazhikozhano. ¹¹ Wakabambila ati,'' kulindimwe kwapewa maseseke abwami bwaleza. Ono kulibali nkusengwe zhoonse zhili mumikozhano, ¹² kwaamba ati babona, eye balabona, ono batabonexhishi, alimwi kwamba ati banvwa , eye balavwa ono batanvwishishi, kwaamba ngabakusanduka alimwi Leza ngaya kubalekelela.'' ¹³ Alimwi wakabambila ati,'' sa mwinakuzhiba mukozhano uyu? Ono mulakuzhiba buti mikonzhano imwi yoonse?'' ¹⁴ Mulimi ushanga imbuto yakwe ngushanga lizwi. ¹⁵ Aza ngakawila kumbali azhila, kwalolizwi nkulya kashangwa, ono nibalivwa, Satani mukufwambana ulaza alimwi akuligusha lizwi lyakashangwa mulumbabo. ¹⁶ Aza ngashangwa pa mabwe, balo, alimwi bavwa lizwi, mukufwambana balalitambula akubotelwa. ¹⁷ Tabachite miyanda mulimbabo, balachilila muciindi chishoto. Ono mapezhi na makatazho ashika nkaambo ka lizwi, alimwi mukufwambana balalebwa. ¹⁸ Bamwi mbubakashangwa mumyuvwa, balavwa lizwi, ono mapakasho anyika, oluchego lwalubono, ¹⁹ alimwi omizeezo yazhintuzhimwi ilanjila mukati akuyasa lizwi, alimwi taizhali micelo. ²⁰ Ono zhalo zhakawila mubulongo bubotu balo mbubavwa lizwi akulitambula alimwi lilazhala micelo, makumi otatwe, makumi ali cisambomwe a zhindi zhili mwaanda zhalo zhakashangwa.'' ²¹ Jesu wakabambila ati,'' sa mulaleta ilampi mukati mung'anda akulibika mushi a intundu, na mushi abulo? Mulaileta mukati alimwi mulaibika pachibikilo cha lilampi. ²² Taaku cisisilwe ncinkabula kuzhibwa, alimwi taaku civumbilwe ncinkabula kuza pasengwe patuba. ²³ Na umwi ulicite matwi akunvwa, anvwe1'' ²⁴ Wakabambila ati, ''amubikile maano nkucomuvwa, nkaambo cipimyo cosebenzha cilakupimizhiwa kulinduwe, alimwi zhinji zhiyobikilwa kulinduwe. ²⁵ Nkaambo ulioonse ucite, kulinguwe kulakupekwa zhinji, aliwmi ulioonse utacite, ancacite ulakunyangwa.'' ²⁶ Alimwi wakamba,'' Bwami bwa Leza bulimbuli muntu ushanga mbuto yakwe mubulongo. ²⁷ Ulona mashiku alimwi ulabuka bwacha, alimwi imbuto zhilamena akukomena pesi tazhi mbuzhikomena. ²⁸ Inyika njishikomezha zhishango inga mukamwini: Kutangunina busonga, amana kutwi, amana ikunka lyambuto mukutwi. ²⁹ Na zhishango zhapya, mukufwambana ulatumya icekeshi nkaambo butebuzhi bwashika.'' ³⁰ Alimwi wakamba ati,'' nkunzhi kwinga twakozhanizha bwami bwa Leza, na mukozhano nzhi ngwinga twasebenzha kubupandulula? ³¹ Buli mbuli kambutoka masitaadi kalo, nakashangwa, kashonta kwiinda mbuto zhoonse panyika. ³² Nokuba, kashangwa, kalakomena alimwi kalabazha zhoonse zhishango zha mumunda, alimwi kalaba umisampi ibazha, kwaamba bazuni bamujulu ngabapanga zhiteete zhabo mucivule caankako.'' ³³ Amikozhano inji mbuiyeyi wakaamba mazwi kulimbabo, manji ngubali kukozha kuvwa, ³⁴ alimwi taaku nakaamba kulimbabo kwakubula mukozhano. Ono nakalienka, waka pandulula zhoonse kuli bashiciya bakwe. ³⁵ Abushiku bwenka bulya, kumangolezha, wakabambila ati,''atulandukile kulubazu lumwi.'' ³⁶ Ono bakaishiya imbunga, kubwezelezha Jesu ubalo, mbona mbwakalinga, mubwato. Kwakalinga maato amwi akalinga kuya awalo. ³⁷ Penka awo muuwo mukando wakanyamuka alimwi mankutizha akatalika kupasaukila mubwaato ono kwamba bwaato butalike kuzula mazhi. ³⁸ Ono Jesu mwine walingamu nkombo kalete pa cilitulisho. Bakamubusha, baamba ati,'' muuyi, sa tocite ndaba kwamba tutofwa?'' ³⁹ Wakanyamuka, akukalalila muuwo, alimwi wakaamba ati kulwenge,'' lumuno! zhitikila!'' Alimwi muuwo wakacileka, alimwi kwakaba luumuno lubazha. ⁴¹ Alimwi wakabambila ati,'' nkaambonzhi ncimulonda? Sa aono tamuna kushoma?'' ⁴⁰ Bakazula abowa bubazha alimwi bakaamba kuliumwi aumwi,'' sa nguni uyu, nkaambo umuuwo awalo alimwi ulwenge zhilamunyuvwila?''