¹ Alimwi Jesu wakeenda musinagogo alimwi kwali musankwa wa kalikulemeni lyaza. ² Bamwi bantu bakamulanga afwafwi kubona kwaaba sa ulakozha kumuponya mubuzuba bwa munsabata kwaba bamunjanile mulandu. ³ Jesu wakaaba kumusankwa wakakulemeni lyaza,'' Nyamuka wiime awa akati kaabo.'' ⁴ Kumane wakababila bantu,'' sacibyabi kucitakabotu mubuzuba bwansabata na cilimumulawo, kufutula buumi na kunjaya?'' Ono bakaumuna. ⁵ Wakabalanga boonse cabukali, alimwi wakakalala ankaambo kamyeeyo yambo miyumu, alimwi wakabila musankwa,'' Tandabika lyanza lyako.'' Wakatandabika, alimwi lyanza lyakwe lyakapona. ⁶ Bafalisi bakaya cakufwabana kunjana zhila aba Helodi kwaba banjane muzezo wakumunjaya. ⁷ Ano Jesu, abasiciya bakwe, bakaya kulwizhi, alimwi bantu baanji bakamucilila kuzwa ku Galile aku Judaya ⁸ alimwi kuzwa ku Jelusalema alimwi kuzwa ku idumea alimwi kwidilila Joodani alimwi azhingulukile Tyle alimwi a Sidoni. Ano nobakatelela biintu byakacita, bantu baanji bakaza kulinguwe. ⁹ Wakaloba basiciya baakwe kwaaba bamubabile bwaanto bushoto akaambo kamabuunga, kwaaba batamushanikizhi. ¹⁰ Wakaaponya baanji, boonse bacanjisi malwanzi bakayandishisha kumuswena afwifwi kwaaba bamunjate. ¹¹ Lyoonse myeeya mibyabi yamuboona, yakalikuwa ashi kunebo lyaakwe akulila, alimwi bakaaba,'' ulimwana wa Leza.'' ¹² Wakababila cakushinizha kuti batamuzubululi. ¹³ Wakaaya amulundu, alimwi wakaita abo bakalikuyanda, alimwi bakaza kulinguwe. ¹⁴ Wakasala balikumi abobile [bakaita ati mapositolo] kwaaba bakabe anguwe alimwi uleezhi kubatuma kwaaba bakabauke mulumbe, ¹⁵ alimwi akuba anguzu zhakutanda ma ndaimona. ¹⁶ Ano wakaasala balikumi abobile:simoni, ngwakapa lizhina lya Petulo; ¹⁷ Jacobo mwana a Zebedee, alimwi a Johani munyina a Jacobo ngwakapa lizhina lya Boanegesi, nkokwabati baana bashimuzuzumino; ¹⁸ alimwi a Andraw, Philipo, Barthomolomew, Mateyo, Tomasi, Jacobo mwaana a Alikalasi, Tadalyo, Simoni wazealoti, ¹⁹ alimwi a Judasi scalioti, wakamwaaba. ²⁰ Ano wakaya kung'anda, alimwi mabunga akaza atomwi, kwaba ati batalyi cilichoonse. ²¹ Bamukwashi wakwe nobakatelela, bayanda kumunjala, bakabai," waakunka." ²² Ano bamayi bamilawo bakazwa ku Jelusalema bakamba," wanjilwa myuuya ya Beelzebul," alimwi "kweendelezha abashikazwa wakali kubangusha ma daimona." ²³ Jesu wakabaita kulinguwe alimwi wakababila mumikozhanyo,'' buuti satani bwaakozha kungusha satani? ²⁵ Na bwami bwalipasaula, aboobo bwami tabukozhi kwiima. ²⁴ Na ing'anda yalipasaula, ing'anda eyo taikozhi kwiima. ²⁶ Na satani walibukila mukamwiine alimwi akulipasaula, tankozhi kwiima, ano ulashika kumamanino. ²⁷ Ano kwiina omwi ukozha kunjila mung'anda yamukaali akumubila katana akumwanga musankwa muyumu, ano ulamubila chatagalala. ²⁸ Mashipe ndaamwabila, zhiibi zhoonse zha muntu shiyakulekelelwa, amasapu oonse ngubakamba, ²⁹ ano oonse wakatukila muuya usalala talekelelwi, ano ulizhulilwe kucibi chitamani.'' ³⁰ Jesu wakaaba kaambo bakalikwaba ati,'' waakaciite muuya mubyabi.'' ³¹ Ano banyiina abakwaabo bakaza akwiima pasengwe. Ono bakatuma, akumwita. ³² Mabunga akankala cakumuzhinguluka alimwi bakaaba kulinguwe,'' Banyoko alimwi abakwanu balasengwe, balagaula ndiwe.'' ³³ Wakabavwila,'' baani bama abamakwesu?'' ³⁴ Wakalanga kulibabo bakakende bamunzhilikile, akwamba,'' baaba, baama abamakwesu! ³⁵ Oyo ucita luyando lwaleza, ooyo muntu ngomukwesu, ngomucizhi, mbebaama.''