¹ Makuseniseni, bamapaizhi banene bakabungana a ba maalu a bantu beezhi kujanika ko bakanjila mu tubunga twabama Juda. Amana bakamwanga Jesu akumutola. Bakamutola kuli pilato. ² Pilato wakamubuzhya,''Sa ndiwe mwami wabajuda ?'' wakamukumbula ,''waamba ³ .''Bamapaizhi banene baka mupa mulandu Jesu. ⁴ Pilato wakabuzhya alimwi ,''Tokumbuli ? kobona kuvula milandu njibakuletela!'' ⁵ Amana Jesu taaku nakamukumbula pilato , chakamuzhinga. ⁶ Aano muciindi chakusekele , Pilato lyoonse kaabagushila mwange omwi , mwange ngubakalomba . ⁷ Mulya mutolongo mwakalinga bazangi , pakati kabazagi bakatola lubazu mukuzanga , kwakalinga musankwa walina lya Balabasi . ⁸ Bantu banji bakaza kuli Pilato bakatalika kumulomba kwamba abacitile buli mbwa kachita kalekale . ⁹ Pilato wakakumbula akwamba ,'' samulanda mwangulwile mwami waba Juda ?'' ¹⁰ Wakalinga kuzhi kwamba nkaambo kamunyono bapaizhi beene nchibamutolela Jesu kuli nguwe . ¹¹ Aano bapaizhi banene bakayunga inkamu kuilila kwamba bamwangulule Banabasi kwinda Jesu. ¹² Pilato wakakumbula alimwi wamba ,'' ndachita buti a mwami wajuda ?'' ¹³ Bakabweka alimwi ,''Abambulwe!'' ¹⁴ Pilato wakamba kulibabo,'' Chinzhi chalubizhya?'' Bakaolobezhya abunene,''Abambulwe.'' ¹⁵ Pilato wakayanda kwamba abotezhe imbungano, amana wakabangushizha Balabasi. Bakamuma Jesu a kumugusha kwamba abambulwe. ¹⁶ Bama shilikani bakamutola mulubanza lwa kubetekela [mumfulumende inene], bakaitwa pantupomwi abama shilikani. ¹⁷ Amana Jesu bakamufwalila chisani chisalala-salala . Bakachipomba pantupomwi a mu nshini wamiuva amana bamusamika. ¹⁸ Bakatalika kumwazha ati wabonwa omwami waba Juda. ¹⁹ Bakamuma amusako walubu pamutwi , akumushipila mate. Amane bakamufwugamina cakwena batalika kumupaila. ²⁰ Bamane bamusapaula , bamufula chisani chisalala-salala amamna bamufwalika byakufwala byakwe, bakamutola kuya kumubabula achichinkano. ²¹ Musankwa umwi , simoni waku cyreni wakali kuzwa kuchishi [mbakalinga baushi ba Alexander a rufus] , bakamushinikizha kunyamuna chiingano cakwe. ²² Bashilikani bakamutola Jesu kubusena bwitwa ati Gologota [Bwambwa ati,' busena bwa chipapa camutwi ''] . ²³ Bakamupa waini isangene amusamu ulesha kuvcisha amana tana akainwa . ²⁴ Bakamubabula akwanga chisani chakwe kwinda mukuma chisolo akubona kwaaba ino mushilikani umwi aumwi ulabweza chipazhi chili buti. ²⁵ Chakalinga ciindi caliwola lyataatu nibakamubambula . ²⁶ Alimwi chitondezho chatwaambo twakwe twakalembwa pajulu kwaba ati ,''mwami waba Juda.'' ²⁷ Amana bakamubambula aba jayi bobile, omwi kululyo omwi kulumweshi. ²⁸ Mangwalo akazuzizhingwa , akaamba ati , ' wakali kubalwa pabantu bashi kutyola mulawo.' ²⁹ Bamwi bakainda bakamutukana , bakajatana mumanza kabamba,''Aha! Iwe niukonzha kuyaka tempele muma zuba otatwe, ³⁰ kolivuna wenka uzwe pachichingano!'' ³¹ Muzhila yenka bapaizhi banene bakamuseka abama bwaabo , pantu pomwi abalembi , bakaamba ,''waka futula bamwi , amana ninga talifutuli . ³² Amumulekele kilisitu , mwami wa Isilaili , kozwa ano pachichingano , kwaaba tubone amana tushome ,'' ambalo mbakabambulwa ambabo bakamusandukila . ³³ Aliwola lya chisambomwe , mushizhe wakashika nyika yoonse kushika paliola lya lifuka . ³⁴ Paliwola lyalifuka Jesu wakalila a lizwi linene ,''Eloi, Eloi, Lama sabacatani ?'' Ichamba ati ,''Leza wangu , Leza wangu , nkaambo zhi mwandekelezha ?'' ³⁵ Bamwi bakalinga kwimikene bakanyufwa mazwi akwe akwaanba ati ,'' amubone utokwita Elija.'' ³⁶ Umwi wakabalika , akupanga wine ulula mucisila , akubika pakakoli akumupa kwamba anwe. umwi wakamba ,''Atubone na Elija ulaza kumuselusha .'' ³⁷ Jesu wakalila alizwi linene amana wakafwa. ³⁸ Mulembo wamutempele wakagwamuka kuzwa mujulu paka pashi. ³⁹ Aano munene waba shilikani wakalikwimikene pafwifwi a chichingano nakabona Jesu bwakafwa munzila iyi wakamba ,'' Ati nconcobeni uyu muntu kaali mwana aleza .'' ⁴⁰ Kuli bakaintu bamwi bakali kulangila palanfu . Pakati kabo pakalinga Maliya Magadalena , Maliya [ banyina Jamus mushonto wa Jose ], a Salomu. ⁴¹ Nakalinga mugalilaya bakamuchilila akumugwasha. Abamwi bamakaintu bakachilila kulinguwe ku Jelusalema. ⁴² Nakashika mangolezhya, nkaambo bwakalinga buzuba bwakulibambila, nkukwamba, buzuba kaitana kushika nsabata, ⁴³ Josefa waku Arimatiya wakaza. Wakali kulemekwa wankutu, wakali kulindila bwami bwa Leza. Wakaya kuli Pilato kulomba mubili wa Jesu. ⁴⁴ Pilato wakandabwa kwamba Jesu wakafwa kale! wakaita akubuzha munene wabashikalimamba na Jesu wakali kufwile. ⁴⁵ Lino Pilato nakazhiba kwamba Jesu wafwa, wakaupa mubili kuli Josefa. ⁴⁶ Josefa wakaula chisani. Wakamugusha pachichinga, kumubika panshi, wakamubika muchisani, akumuoneka muchumbwe chalo nchibakatulula palibwe. Amana wakabika libwe pamulyango wacumbwe. ⁴⁷ Maliya Magadalena a Maliya banyina Jose bakabona busena Jesu nkwakazhikilwa.