¹ Kakuceele mazuba obile ipobwe lya pasika alya cinkwa camimena itafutumuki. Bapaizhi banene abalembi bakali kusoleka kujana zhila cakusisikizha kwaamba bajate Jesu akumujaya. ² Nkaambo bakali kwaamba ati,''kutali ciindi capobwe nkaambo inga kwaakubuka ciwoowo mubantu.'' ³ Ciindi Jesu naakali mumunzi wa Betani mung'anda ya Simoni sichinsenda kalya atebule, kwakashika mwanakazhi wakacite kankuli kamafuta andula ayitwa ayi naadi. Wakajalula kankuli akutilila Jesu mafuta amutwi wakwe. ⁴ Ano kakuli bamwi bakanyema. Bakalyambauzha beni kabati,''ino eeci caambanzhi? ⁵ Mafuta aya nauzhigwa mali ayinda myaanda yotatwe. Maali aya naakupekwa bacete.'' Aboobo, bakamusampaula mukaintu ooyu. ⁶ Ano Jesu wakati,'' amumuleke. Nkaambonzyi mulamushupa? Ooyu wancitila cibotu. ⁷ Bacete mulakulyaabo lyoonse, kufumbwa ciindi mulakonzya kubacafwa, pele tamukulianebe lyoonse pe. ⁸ Wacita ncaakonzya. Wabambila limwi mubili wangu kukuzyikwa. ⁹ Ncancine ndamwaambila kuti,'' kufumbwa uka mulumbe mubontu nkuukambaukwa mucishi coonse, ceci ncaacita mukaintu uyu cilakaambwa, mukumuyeeya.'' ¹⁰ Kumane Judasi Isikalyoti, umwi wabashiciya bali bali kumi ababili, wakaya kubapaizhi banene kwaamba bayane inzhila yakwaaba Jesu kuli mbabo. ¹¹ Nibakanyumfwa bapaizhi banene, bakakkomana akushomezha kumupa maali Judasi Isikalyoti, wakatalika kuyandaula inzhila yakuti amwaabe kuli mbabo. ¹² Mubuzuba butaanzhi bwapobwe lya cinkwa camimena iitafufumuki, kabali batuula cipaizho cambelele yapasika bashikwiiya bakali kuli Jesu,'' nkuli nkumuyanda ati tumubambile cilyo capasika?'' ¹³ Jesu wakatuma bashikwiiya bobilo akubaambila ati,'' kamuya mudolopo, mulaswangana amusankwa unyamwite inongo yamazhi. mumucilile. ¹⁴ Kufumbwa mung'anda mwaankanjila, amwe munjile akwaambila mukamwini ng'anda ati,' mwiiyi waamba ati,'' ncili cipinda cabeenzu nciinkalila pasika abashikwiiya bangu?''' ¹⁵ Ulakamutondezha cipinda camujulu cibambilwe kale. amutubambila cakulya mumona momo. ¹⁶ Bashikwiiya bakaya kudolopo akuyana nshintu mbubona mbuli mbwaakabaambila . Bamane bakabamba cakulya capasika. ¹⁷ Nikwakaba kumangolezya, Jesu wakashika ubashikwiiya bakwe bali ikumi abobilo. ¹⁸ Umbona mbuli mbubakaakonene atebulu kabalya, Jesu wakati,'' ncine-ncine ndamwaambila kuti, umwi wenu ngututekulya anguwe ulanguzha.'' ¹⁹ Bashikwiiya boonse bakausa. womwi omwi bakatalika kulyambauzha kabati,''mubwini nshili ndime?'' ²⁰ Jesu wakaingula wati,'' Ngumwi wenu numuli ikumi abobile, omwi ngututekubwenga awalo cinkwa mumutiba ono. ²¹ Nkaambo kumwana amuntu cilakacitika mbubona mbuli malembe mbwaamba zyanguwe. Maawe kumuntu uyo mwana amuntu mwaanka kakakilwamo. Nicakabota buyo natakazhalwa.'' ²² Buli bubakali kulya, Jesu wakabweza conkwa, wacikomona, wacipa kubashikwiiya bakwe akuti,''Amutambule, ceci mubili wangu.'' ²³ Wakabweza inkapu, walumba, akupa kuli mbabo, boonse bakanwinako. ²⁴ Wakati kulimbabo,''Eeci mbulowa bwacizuminano, mbulowa bwatililwa banji. ²⁵ ncobeni ndamwaambila kuti, nshikanwi limbi alimwi musinza wamucelo wamunyaansa cita buzuba ubo mbweti nkanwe copya mubulelo bwa Leza.'' ²⁶ Nibakamana kwiimba lwiimbo, bakazwa kulupili lwa oliva. ²⁷ Jesu wakati kuli mbabo,'' noonse umwe mulalukanka, nkaambo kulilembelwe ati ,' Ndakauma mweembezhi ambelele zhiya kumwaika.' ²⁸ Ano ndakubushigwa, ndakamusaangunina kuya ku Galili.'' ²⁹ Petulo wakati kuli Jesu,'' Nakuba kuti boonse bakushiye, ime nshitikushiye.'' ³⁰ Jesu wakati kuli nguwe,'' ncine-ncine ndakwaambila, sunu-ee sunu mashikuaaya ngeenya, mukombwe katana kulila kobilo, ulankaka zhiindi zhotatwe.'' ³¹ Ano Petulo wakati,'' Nakuba kuti caamba kufwa andimwe, nshikonzhi kumukaka umwe.'' Boonse bakashomezha mbubona. ³² Bakashika kubusena bwiitwa ati Getisemani, Jesu wakati kubashikwiiya bakwe,'' Amukkale awa ume niincipaila.'' ³³ Wakabweza Petulo, Jacobo a Johani wakatalika kuusa akupenga ncobeni. ³⁴ Wakati kuli mbabo,'' muuya wangu wausa ncobeni, kushika ambaakani yalufu. Amushaale awa kamulangila.'' ³⁵ Nakeendelela ampela Jesu wakawa akupaila kuti naakacikozheka iwoola ili lyamapenzhi aaya limwiinde. ³⁶ Jesu wakati,'' Abba, Taata, zhoonse zhilakonzyeka kuli nduwe. Gusha inkomeki iyi kuli ndime. Ano kuashikuyanda kwangu, sombi kuyanda kwako. ³⁷ Jesu naakazyokela wakajana bashikwiiya baloona. Wakati kuli Petulo,'' Simoni, sena uloona? tokonzyi kulindila kwa oola lyomwi buyo? ³⁸ Amulindile akupaila kwaamba mutanjili mukusunkwa. Muuya ulayanda, pesi mubili ulinefukile.'' ³⁹ Alimwi Jesu wakaunka kupaila, wakasebenzya majwi ngamunya. ⁴⁰ Naakajokela alimwi, wakabajana bashikwiiya baloona, nkaambo menso aabo akazwinde tulo.Kabatezyi ncibakali kukonzya kumwiingula. ⁴¹ wakaza ciindi catatu akubaambila ati,'' mucoona akupumuna? Mbubo! ciindi cashika. Amubone! Mwana amuntu waabwa mumaanza abashicibi. ⁴² Amunyamuke, tweende. Amubone, shikungaba ulipafwiifwi.'' ⁴³ Jesu kacaamba, Judasi uumwi wabali ikumi abobilo, wakashika, imbunga inene yakali anguwe kaicite mapanga ankoli, bakatumwa abapaizhi banene abalembi alimwi abanene-nene. ⁴⁴ Ushikumwaaba Jesu kapele citondezyo cakuti,'' ooyo ngwenti myoonte ngonguwe. Amumujate akumutola.'' ⁴⁵ Ciindi Judasi naakashika, cakufwambana wakaza aakali Jesu akuti,''Mwiiyi,'' amane wamumyonta. ⁴⁶ Mpoonya bakamujata bamutola ⁴⁷ Ono umwi wabo wakagusha cibeshi mucikutuulu akukwempula kutwi kwa musebenzyi wa mupaizhi munene. ⁴⁸ Jesu wakayi kuli mbabo,'' sa mwaza kumufumpi kamucite mapanga ankooli kuti muncaate? ⁴⁹ Ciindi nindakali andimwe lyoonse, nkanjisha mu Tempele, taakwe nomwakandijata pe. Ano eeci cakacitika kwaamba malembe akwanilishe.'' ⁵⁰ Boonse abo bakali a Jesu bakamushiya babalika. ⁵¹ Umwi musankwa wakasamine cikobela mumusana, wakacilila Jesu. Ciindi nibakamujata Jesu ⁵² wakashiya cikobela cakwe, wabalika mantanda. ⁵³ Bakamutola Jesu kumupaizyi munene. Ooko kwakabungana boonse bapaizhi banene, bapati abalembi. ⁵⁴ Ano Petulo wakali kucilizya lwaansansa bolya mukati kalukwakwa lwa mupaizhi munene. wakakala akati kabalindizhi, bakali kuyota mulilo. ⁵⁵ Ano bapaizhi banene alimwi ambunga yabasololi baba Juda bakali kuyandaula twaambo twakuti bamupe mulandu Jesu wakumujaya. Ano taakwe nobakamujanina mulandu pe. ⁵⁶ Baanji bakaleta twaambo twakupa mulandu Jesu, ano atwaambo twabo toonse taaku nutwakeendelana. ⁵⁷ Bamwi bakaima akuleta twaambo twabubeshi kabati, ⁵⁸ ''twakanyumfwa ooyu kati,' Ndakaamwaya Tempele eeyi yakayakwa amaanza, alimwi mumazuba otatwe ndayaka imbi itayakwi amaanza.'' ⁵⁹ Aano bukamboni bwabo taakwe nobwakeendelana pe ⁶⁰ Mupaizhi munene wakaima akubuzya Jesu,'' sena unyina bwiinguzhi? Nciinzyi eeci ncibaamba anduwe?'' ⁶¹ Ano Jesu wakaumuna, kataambi naabi comwi.Alimwi mupaizhi munene wakabuzya Jesu,'' sena nduwe munanike wa Leza, mwana wa ulelekelwe?'' ⁶² Jesu wakati,'' Ndime; alimwi ulakabona mwana amuntu akukkala kulyaansa lyalulyo lyanguzu akuboola mumakumbi akwijulu.'' ⁶³ Mupaizhi munene wakayaula cibaki cakwe akuti,'' sena kulayandika abakamboni bambi? ⁶⁴ Mwaninyumfwila kusampaula kwakwe. Ano muyeeya buti?'' Boonse bakamupa mulandu akuti Jesu ulyeelele kufwa. ⁶⁵ Bamwi bakatalika kumushipila maate bamane bakamuvumba pameenso akumuuma lupaka kabati,'' nshishima!'' bashilikali bakamujata akumuuma. ⁶⁶ Kacili mulubuwa Petulo, umwi wabashimbi ba mupaizhi munene wakaza kulinguwe. ⁶⁷ Wakabona Petulo kayota mulilo wakalangishisha Petulo akwaamba ati,'' Andiwe wakaali antomwia Jesu munazaleta.'' ⁶⁸ Ano wakakaka kaamba ati,'' nshicizhi naaba kunyumfwa ncotokwaamba.'' Amane wakaunka mulubuwa. malembe amwi akaindi akabika majwi aaya,'' kumane mukombe wakalila,'' ano malembe amwi mabotu akaindi taacite mazwi aya ⁶⁹ Pesi nakalindu musebezhi wakamubona akwaambila baya bakaimvwi anguwe ati,'' uyu musankwa ngwabamwi bali akwe!'' ⁷⁰ Petulo wakakaka alimwi. kwiinde kaindi kaniini, abo bakaimvwi a Petulo bakatalika kumwaambila ati,'' ncine-ncine uli umwi wabo nkaambo ayebo uli waku Galili. ⁷¹ Petulo wakatalika kulishinganya akulumbila ati,'' Nshimuuzhi muntu uyu ngomutokwaamba.'' ⁷² Mpoonaawo mukombwe wakalila lwabili. kumane Petulo wakeebaluka majwi Jesu ngaakaamba ati,'' mukombwe katana kulila lyobilo ulakantama zhiindi zhotatwe,'' mpamunya awo wakatalika kulila