¹ Amane Jesu wakatalika kubaisha mumikonzhano. wamba, "muntu umwi wakalima munda wa busansa, wauzhungulusha lukwakwa, amane washa cilindi cashinina busansa. wayaka ig'anda yabalindizhi. Amane waubika munda wabusansa mumanza abulimiba busansa, amane wabweza lweendo. ² kucindi ceelele wakatuma mutwanga kubalimi babusansa kwamba atambule kuvwa kulimbabo imwi micelo ya mumunda. ³ pele bakamubweza, bamuuma, bamutanda kakwina ncacita. ⁴ Alimwi wakabatumina mutwanga aumwi, awalo bakamuuma bamupanga bilonda mumutwe akumuusha insoni. ⁵ Alimwi wakabatumina aumwi, pele walo bakamujaya. abamwi banji bakabacitila mbubweena ubo, kuuma bamwi akujaya bamwi. ⁶ wakakucicite muntu omwe wakutuma, mwaana ngwakalinga kuyanda. ngwakashalizha kutuma kulimbabo. wakamba, 'balakamulemeka ⁷ mwanangu.' pele bashikulima busansa bakamba kuli uumwi auumwi, 'uyu ngushikakone. kamuza, atumujaye uyu, amana cikono cibe cesu.' ⁸ bakamujata, bamujaya,akumusowa ansengwe a Munda wabusansa. ⁹ Ono mwini munda ulacita nzhi? ulaakuza kunyonyono bashikulima busansa amana munda busansa ulakaupa bamwi. ¹⁰ Sa tamuna kwibala mpango iyi? "libwe bayake ndyibakakaka lyakupangwa kuba libbwe liyandika kubaazha. ¹¹ Ici cakavwa ku Mwami, anene ncibotu mumeenso esu.'" ¹² Bkalinga kuyanda kumujata Jesu pele bakalonda makamu abantu, nkambo bazhiba kuti mukonzhano ulya ulamba mbabo. amane bakamushiya baya. ¹³ Bamane bakamutumina bamwi baba Falisi abana Heroda kwamba bamweene mumazwi. ¹⁴ Bushike bo, bamba kulinguwe, "omuyi, tulizhi kuti tobikili maano muyeyo wamuntu, alimwi tolangi ciimo camuntu. ulaishia nzhila ya Leza cakashimpe. Sa ncibotukupa mutelo kuli Kaisara na pe? tulelede kupa na tatwelede?" ¹⁵ pele Jesu wakazhiba kupaupa kwabo akwamba kuli mbabo, "nkambo nzhi mulasunka?mundetele lisheleni ndilange." ¹⁶ bakaleta lyomwi kuli Jesu . wakamba kulimbabo,"lilikonzhele ni alimwi lilikwete bulembe bwane?" bakamba, "mbwa Kaisala," ¹⁷ Jesu wakabambila, "amupe kuli Kaisira zhintu zha Kaisira, aku Leza zhintu zha Leza." bakakankama kuli nguwe. ¹⁸ Amane Bamasaduki, bamba ati kwina bubuke, bakeza kuli nguwe. bakamubuzha, bamba, ¹⁹ Omuyi, Musa wakatulembela, 'na munyina muntu umwi watwa akushiya mwanakazhi munshi mwakwe, pele katacite mwaana, mukwaabo ulamubweza mwanakazhi wakwe, akumuzhalila baana.' ²⁰ kakali babunyina bakali ciloba; mutanzhi wakwata mwanakazhi amane wakafwa, takashiya mwaana. ²¹ Alimwi wabika wakamukwata akufwa, awalo takashiya mwaana, awatatu mbweena. ²² baliciloba bakashiya kakutaaku mwaana. kumamanino awolo mwanakazhi wakafwa. ²³ Mububuke, baakubuka alimwi, ino ulaakuba muka ni? nkambo bonse babunyina baliciloba kabamutwele." ²⁴ Jesu wakamba, "sa takuli aka nkukambo ncomulubizha, nkambo tamuzhi malembe nakuba insana sha Leza? ²⁵ nkambo baakabuka kuzwa ku bafu, tabakwati na kukwatwa, pele bali mbuli baangelo ku Julu. ²⁶ pele kujatikizha bafwide bakabushigwa, sa tamunaakubala mulibbuku lya Musa, cakacitika mu cisokwe akuti, 'ndime Leza wa Aburahamu a Leza wa Isaka a Leza wa Jakobo'? ²⁷ Taashi Leza wabafu, pele buumi. mulilubizhile. ²⁸ Umwi wabalembi wakaza akuunyumfwa mubandi wabo; wakabona kuti Jesu utokubaingula kabotu.wakamubuzha,ino mulawo nzhi munene amilawo yonse?" ²⁹ Jesu wakaingula, "uwinda kukomena ngwezu, 'teelela, Isiraeli, Mwami Leza wesu, Mwami ngumwi. ³⁰ ulyelele kuyanda Mwami Leza waako amoyo waako wonse, amuuya wako wonse, amiyeeyo yako yonse, a inguzu zhako zhonse." ³¹ Amulawo wabili ngooyu, 'ulyelele kuyanda shimokobonoko mbuli mbuliyanda omwini.' taaku umbi Mulawo munene kwinda iyi." ³² Mulembi wakamba ati, "cabota, Omuyi! wamba bwini ati Leza ngomwi, alimwi ati kwina umbi kunze lyakwe. ³³ kumuyanda amoyo wonse a kuteleshesha konse a nguzu shonse, akuyanda shimukobonoko mbuli mbu liyanda umwini, ici cilainda bipo bitentwa abituzho." ³⁴ Jesu nakabona ati waingula kabotu, wakamba kuli nguwe, "tooli kulamfu a bwami bwa Leza." kuzwa awo, kwina olo omwi wakatelaika kubuzha Jesu mmubuzho. ³⁵ Jesu nakalinga kwiisha mu Tempele, wakamba, "mbuti bamalembi mbubamba ati Kilistu mwanaa Davida? ³⁶ Davida mwini lwakwe, Mumuya Uusalala, wakamba, Mwami wakamba kumwami wangu," kala kulyanza lyangu lyakululyo, kushika nkapange balwani bako kuba cilyatilo cako.'" ³⁷ Davida lwakwe mwini ulamwita ati mwami; ono mbuti kilistu mbwakonzha kuba mwana wa Davida?mabunga mabunga akamutelela cakukondwa. ³⁸ Mukwisha kwakwe Jesu wakamba, "amucenjele a balembi, bayandisha kusama zhisani zhilamfu alimwi balakayanda kwaanzhigwa nkubatambula mumishika, ³⁹ alimwi balayanda azhuuno zhabwami mu sinagogi amumasena a mumapobwe. ⁴⁰ Balanyonyouna manda aba mukabafu, alimwi balapaila mipailo milamfu kwamba babonwe kubantu. bantu aba balaakutambula cisubulo cicanda." ⁴¹ Alimwi Jesu wakakala anshi kutanguna a cibikilo camali mubusena bantu bwa Tempele; kalangilila mbuli bantu mbubakalinga kulasha mali mucibikilo. bantu banji bavubi bakakubika mali maanji. ⁴² Amane mukamufu mucete wakaza a kubika tudibilisi tobile nkukuti kobbili lyomwi. ⁴³ wakabaita bashiciya bakwe akwamba kuli mbabo, "ncabwini ndamwambila, uyu mukamufu mucete wabika kuunji kwinda bonse babika mucibikilo ca mulumbo. ⁴⁴ Nkambo bonse bapa kuvwa ku buvubi bwabo bunji. pele uyu mukamufu kuzwa mubucete bwaakwe wabika mali onse ngaakucite kuti aponenewo."