¹ Nibwakamana buzuba bwansabata, Maliya Magadalena a Maliya nyina wa Jemusi, a Salomi wakaula tununkilizho kwaba ati baze bananike mubili wa Jesu. ² Makuseni-seni buzuba bwakutanguna bwa nsondo, bakaya kuchumbwe lizuba nilyakapola. ³ Bakalinga kubuzhana,'' nguni ushi atukunkulishile libwe kuzwa pamulyango wa chumbwe?'' ⁴ Nibakalanga mujulu, bakabona kwamba ati libwe lyakunkulishiwa kale, nkaambo lyakalinga linene. ⁵ Bakanjila muchumbwe akubona musankwa kasamine chisani chituba, kashite kulyanza kwalulyo, amana bakayoowa. ⁶ Wakabaambila,'' mutayoowi. Mutolangaula Jesu, munazaleti, wakabanbulwa. Wabuka! taamo muno. Kamulanga pabusena mpubakalinga bamooneka. ⁷ Pesi kamuya, mwambile bashichiya bakwe alimwi a Petulo, ' utokuya kumbele lyanu kuya kugalileya. Kweenka kulya mulaya mukamubone, mbuli mbwakamwambila.'' ⁸ Bakazwa muchumbwe akubalika; Bakalinga kututuma akuloonda.Taaku ngubakambila chilichonse nkaambo bakalonda maningi. ⁹ Makuseni-seni buzuba bwakutalika bwansondo, nakabuka, ckakutaanguna wakabonekela kuli Maliya Magandalena, walo ngwakatanda ma daimona chiloba. ¹⁰ Wakaya kwaambila mbaakalinga abalo, nibaali kulila. ¹¹ Bakatelela ati muumi alimwi wakamubona, ono taku nibakashoma. ¹² Nizhaamana zhoonse izhi wakabonekela muchiimo chipusene kuli bobilo, nibakalinga kweenda kuzwa munyika. ¹³ Bakaya a kwaambila bashichiya bakashaala, ano taaku nibakabashoma. ¹⁴ Jesu nakamana wakabonekela kuli bali kumi akomwe nibakalinga kushite pa tafule, amane wakabakalalila nkaambo kakutashoma akuyuma moyo kwabo, nkaambo taku nibakashoma abo bakamubona nakabukakubafu. ¹⁵ Wakabaambila,'' kamuya munyika yoonse, akukambauka mulumbe kubantu boonse. ¹⁶ Uyo ushoma akubizhiwa uya kufutulwa , amana uyo utashomi ulaa kupewa mulandu. ¹⁷ Izhi zhitondezho zhiya kuba abaabo bashoma: Muzhina lyaangu balaa kutanda ma daimona. Balaakwamba mishobo ipya. ¹⁸ Balaakujata nzoka amaanza abo, amana baakunwa chilichonse chijaya, tachikabajayi. Balaa kubika maanza pa balwazhi, amana balaa kupona.'' ¹⁹ Nakamanizha mwami kubandika abalo, wakatolwa kujulu akukala kulyanza lyalulyo lya Leza. ²⁰ Bashichiya bakaya kukambauka koonse, mwami nakalinga kusebenza abalo akuzumizha lizwi azhitondezho zhakalinga abalo.