13
1
Со нуналэ Иисус коркасьтыз потӥз но, пуксиз море дуре.
2
Лэкаськиз Со доры туж тросс калык, соин ик Со пуксиз лодкае, нош вань калык яр дурын сылыса кылиз.
3
Но дышетӥз соосты тросс притчаос вераса:"Тани, потӥз кизись кизьыны.
4
Со одӥгзэ кидыссэ кизиз сюрэс дуре, тылобурдоос лыктӥзы но кокчазы сое.
5
Мукетсэ кизиз изо интые, кытын вал ӧжыт сюез, отын со ӝог потӥз, малыке шуоно музъёмез мур ой вал.
6
Нош куке шунды ӝужаз - шуяз. Малыке шуоно выжыез ой вал но куасьмиз.
7
Мукетсэ кизиз жаг турын пӧлы, жаг будӥз но ӵоксаз сое.
8
Мукетсэ кизиз ӟеч музъеме со будӥз но сётӥз емыш. Одигез сю пол, мукетыз куатьтон, куинетӥез куамын пол.
9
Кинлэн вань пельыз, мед кылоз!
10
Дышетскисьёсыз Со доры лыктӥзы, но юазы:"Малы Тон притчаосын миленым вераськиськод".
11
Со шуиз соослы пумитазы:"Малыке шуоно тӥлед сётэмын тодыны Инмысь Царстволэсь лушкемлыксэ, нош соослы ӧвӧл.
12
Соин ик кинлэн вань, солы сётэмын луоз на, нош кинлэн ӧвӧл солэсь ӧвӧлзэ но таласа басьтозы.
13
Соин ик верасько соослы притчаосын, малыке шуоно соос учко но уг адӟё, кылско но уг но кыло уг но валало.
14
Исаия пророклэн соос сярысь верамез быдэсме, кудыз вера:" Пельыныды кылоды - но уд валалэ, синмыныды учкоды - но уд адӟе.
15
Малыке шуоно чурытомемын сюлэмыз та калыклэн, пельынызы секытэн кыло, синзы но кынемын. Соин ик уз адӟе синмынызы, уз кылэ пельынызы, уз но валалэ сюлэменызы. Соин ик уз лыктэ Мон доры, соосты Мон мед каттяло шуыса.
16
Шудоесь тӥ, малыке шуоно тӥляд синъёсты адӟе но пелъёсты кыло.
17
Соин ик шонер верасько тӥлед, тросэзлэн пророкъёслэн но шонер лэсьтисьёсъёслэн адӟемзы потэ вал сое, мае тӥ адӟиськоды, нош соос ӧз адӟе, кылыны сое, мае тӥ кылиськоды, нош соос ӧз кылэ,
18
Тӥ бен кылске кизись сярысь притчалэсь пуштроссэ.
19
Котькудызлы, кин кылэ Царство сярысь веранэз но уг вала сое, лыктэ лукавый но луӵка киземзэ солэн сюлэмаз - тини мар сярысь вера сюрес дуре кизем,
20
Нош киземез изо интые, возьматэ сыӵе адямиез, кудыз кылэ верамез но шумпотыса ик басьтэ сое,
21
нош выжы ӧз лэзьы верам кылэ, озьы ик малпанъёсыз но вошьяськисьэсь : куке вуо куректонъёс но ӧдъяло уллянъёс Инмарлэн кылыз понна, со ӵемтэ но усе.
22
Нош киземзэ жаг пӧлы, возьматэ со вылэ, кин кылӥз верамез нош та дуннелэн малпаськонъёсыз но пӧяськон узырлык ӵоксало Инмарлэсь кылзэ но солэн пайдаез уг луы.
23
Киземез ӟеч музъем вылэ, возьматэ сыӵе адямиез, кин кылэ верамез но вала сое, но сётэ емышсэ, кудыз сю пол, мукетыз куатьтон пол, мукетыз куамын пол.
24
Мукетсэ притча Со ӵектӥз соослы,вераса:"Инмысь Царство адями кадь, кудыз кизиз аслаз бусыяз ӟеч кидыс.
25
Куке калык изё вал лыктӥз тушмон но кизиз чабей пӧлы жаг турын кидыс но кошкиз.
26
Куке вожектӥз бусыез но адӟиськиз емышез, соку потӥз жаг турынэз но.
27
Лыктыса, ляльчиосыз корка кузёлэн шуизы :" Господин! Ӟеч кидыс тон ӧд-а кизьы бусыяд, нош кытысь татын жаг турын?"
28
Нош со шуиз соослы:"Адямилэн тушмонэз лэсьтӥз озьы". Ляльчиосыз шуизы солы:"Кулэ ке ми мыном но иӵком жаг турынэз?"
29
Нош со шуиз:"Кулэ ӧвӧл - жагзэ иӵкыкуды чабейзэ но соин ӵош медаз изъянтэ,
30
кельтэ будыны ӵошен сойзэ но тайзэ но аран дырозь.Но аран дырья мон верало арасьёслы:" Висъялэ нырысь жаг турынзэ, но кертылэ сое керттэтъёсы, бӧрысь тылын сутон понна, нош чабейзэ понэ мынам кеносъёсам.
31
Со эшшо одиг притча ӵектэм на, вераса:" Инмысь Царство горчица кидыс кадь, кудзэ адями кутскиз но кизиз аслаз бусыяз,
32
кудыз, вань кидысъёслэсь пичи ке но, нош куке будэ, луэ бадӟымгес котькуд турын будосёслэсь но писпу кадь луэ, озьыен лобась тылобурдоос пуксё солэн вайёсыз вылэ но, куарёсыз улэ ватско".
33
Мукет притча вераз но Со соослы:" Инмысь Царство чырсатон шӧмлы тупа, кудзэ кышномурт басьтыса, ваньмыз чырсаса вуытчозь, куинь мертэт пызе понэм"
34
Ваньзэ тае Иисус вералляз калыклы притчаосын, притчаостэк соослы ӧз вералля,
35
мед быдэсмоз Кузё Инмарлэн пророк пыртӥ гожтэмез, кудыз вера:"Вероло притчаосын но возьмато, дунне кылдон дырысен ватэмзэ".
36
Соку Иисус калыксэ лэзиз но Ачиз корка пыриз. Солэс дышетскисьёсыз дораз лыктыса, юазы :" Валэкты милем бусыысь жаг турын сярысь притчадэ".
37
Со вераз соослы :" Ӟеч кидыс кизись - со Адямилэн Пиез.
38
Бусы - со дунне. Ӟеч кидыс - Царстволэн пиосыз, нош жаг турын - лукавыйлэн пиосыз.
39
Тушмон, кудыз кизиз соосты, - со дьявол. Аран дыр - дуннелэн бырон дырыз, арасьёс - ангелъёс.
40
Соин ик кызьы люкало жаг турынэз но тылын суто. озьы ик луоз дунне бырон дыръя.
41
Адямилэн Пиез келялоз Аслысьтыз ангелъёссэ, соос Солэн Царствоысьтыз люкалоз ваньзэсты кинъс бичато мукетъёсэ сьӧлык лэсьтыны, но ваньзэсты, кинъёс законлы пумит султо,
42
но куштозы соосты ӝуась гурэ. Отын соос бӧрдозы но пиньзэс ваче пумит йыръёзы.
43
Соку шонер лэсьтӥсьёз пальпотозы, шунды кадь, соослэн Атайзылэн Царствояз. Кинлэн пельыз кылэ, мед кылскоз!.
44
Инмысь Царство узырлык кадь на, кудыз ватэмын вал бусыын. Кудзэ адями шедьтӥз но нокинлы но ӧз вера. Со шумпотэменыз, ваньзэ маиз солэн вал вузаз но басьтӥз со бусыез.
45
Озьы ик Инмысь Царство вузкарись кадь, кудыз утча дуно жемчужинаос,
46
кудыз шэдьтӥз одиг дуно жемчужина но вузаса, аслэсьтыз ваньзэ ваньбурзэ - басьтӥз сое.
47
Озьы ик Инмысь Царствоез ӵошатыны луэ сетен, кудыз салемын вал морее, но кудаз пыриз трос портэм чёрыг.
48
Куке сетьёс тырмизы чёрыгёсын сое кыскыса поттӥзы яр дурэ. Пуксизы но быръйизы : зечсэ чёрыгез понӥзы посудаосы, нош уродзэ палэнэгес куштизы.
49
Озьы ик луоз дуннелэн бырон дыръяз : потозы ангелъёс но висъялозы сьолыкын улисьёсты шонерлыко улисьёслэсь,
50
но куштозы соосты жуась гурэ: отын соос бӧрдозы но пиньзэс ваче пумит йыръёзы".
51
Но юаз соослэсь Иисус:"Валады-а тӥ ваньзэ тае!" Соос веразы:"Бен Госполин!"
52
Со нош вераз соослы:"Соин ик котькуд книжник, кудыз валаз Инмысь Царствоез, со кузё кадь, кудыз поттылэ кэносысьтыз выльзэ но вужзэ но".
53
Иисус дугдӥз веранзэ та притчаосты но кошкиз отысь
54
но лыктиз Аслаз вордӥськем городаз. Отын Со соосты дышетӥз синагогаын, калык паймылиз но юалляз :" Кытысь Солэн сыӵе визьмыз но кужмыз?
55
Ӧвӧл - а Со плотниклэн пиез? Солэн анаезлэн нимыз Мария ӧвӧл - а? Иаков но Иосий, Симон но Иуда Солэн вынъёсыз ӧвӧл - а?
56
Солэн ваньмыз сузэръёсыз ми пӧлын ӧвӧл шат? Нош кытысь Солэн ваньмыз со?"
57
Чемтылӥзы Со сярысь. Иисус нош шуиз соослы:" Уг лу пророк без чести, аслоз будэм городаз на аслаз будэм корказ сяна".
58
Соослэн осконтэменызы сэрен, Со ӧз лэсьты отын тросс чудоос.