12
1
Суббота нуналэ Иисус ортӵе вал кизем ю-бусыос дортӥ. Солэн дышетскисьёсызлэн туж зол котсы сюмам но соо шепъёсты иӵкыса сиыны ӧдъяллям.
2
Фарисейёс, сое адӟыса, Солы пыкылыса шуизы: " Тынад дышетскисьёсыд лэсьто сыӵе ужъёс, кудзэ субботае лэсьтыны уг яра".
3
Со шуиз соослы: " Тӥ ӧд шат лыдӟе, мар лэсьтӥз Давид но солэн эшъёсыз, куке котсы сюмаз?
4
Со пыриз Инмарлэн корказ но сииз нянез, кудзэ сиыны уг яра вал солы но солэн эшъёсызлы но. Священникъёслы гинэ яра вал сиыны нянез.
5
Яке ӧд лыдӟе Законэз, священникъёс Храмын субботае уг быдэсто "Субботаез", нош янгыш уг лэсьто?
6
Нош верасько тӥлед, татын марке но бадӟымгес Храмлэсь.
7
Тодысалды ке тӥ, мар со сыӵе: "Милостьтэс витиско, нош жертвоприношениедэс уг",, соку ӧй судьясалды янгыш лэсьтымтэосты.
8
Адямилэн пиез луэ " Субботалэн" кузёэз.
9
Отысь кошкыса, Со пырӥз синагогае.
10
Но тӥни, отын куасьмем киын адями вал.Но Иисусэз янгыше уськытон понна, юазы Солэсь: "Яра-а каттяны субботае?".
11
Со шуиз соослы: "Тӥляд одиг гинэ ке ыжды но соиз но ке усиз гуэ, уд шат поттэ сое отысь субботае?
12
Нош кӧнялы адями ӟечгес ыжлэсь! Соин ик ӟеч уж субботае лэсьтыны яра".
13
Соку вераз со адямилы: "Вай кидэ".Со сётӥз кизэ но киыз тупатскиз, луиз мукетыз кадь.
14
Нош фарисейёс, потыса, кенешешизы Со пумитэ - кызьы ке но Сое быдтыны. Нош Иисус сое тодыса отысь кошкиз.
15
Со сьӧры мынизы тросс калык, Со каттяляз соосты ваньзэсты
16
но ӧз лэзьы соосты Сое тодмо карыны,
17
мед быдэсмоз шуыса верамез Кузё Инмарлэн Исаия пророк пыртӥ, кудыз вера:
18
"Тани Егит Пие Мынам, Кудзэ Мон быръи. Яратоное Мынам, Кудыз кельше Мынам лулылы. Сёто духме Со вылэ, но Со ялоз калыклы судлэсь решениезэ.
19
Уз вожвылъяськы. Уз кесяськы.Нокин но уз кылы Солэсь ульчаын куаразэ.
20
Чигем тростникез но уз тӥялты, гыбдась етӥнэз но уз кысы, судлэн шонерлыкез вормытозь,
21
но Солэн нимызлы калыкъёс оскыса улозы".
22
Соку Со доры ваизы бесноватся кариськись адямиез, кудыз вал глухонемой. Иисус сое каттяз но глухонемойлэн пельыз но кылыны, синмыз но адӟыны ӧдъяз.
23
Паймиз вань калык но вераз: "Та ӧвӧл-а - Христос, Давидлэн пиез? "
24
Фарисейёс нош сое кылыса, шуизы: "Со улля бесъёсты, Веельзевуллэн, бесъёслэн кузёзылэн кужымэныз гинэ".
25
Нош Иисус, тодыса соослэсь малпанъёссэс, шуиз соослы: "Котькыӵе царство кудыз куаӵкатэ ассэ, буш кылёз. Озьы ик котькыӵе город яке корка кудыз куӵкатэ ассэ, сылыны уз быгаты.
26
Нош сатана сатанаез улля ке, соку со ачиз ассэ куаӵкатэ. Кызьы нош солэн царствоез сылыны быгатоз?
27
Нош Мон Веельзевулэн кужыменыз ке уллясько бесъёсты, соку тӥляд пиосты кыӵе кужымен улляло? Соин соос тӥледлы судьяос луозы.
28
Нош Мон Инмарлэн Духеныз ке уллясько бесъёсты, соку тӥ доры Инмарлэн Царствоез вуиз.
29
Яке, кызьы кин ке пыроз кужмолэн улоннияз, но луӵкалоз солэсь корка-котырзэ, азьло кужмоез ӧз ке думылы? Нош думылэмез бере гинэ быгатоз луӵканы корка-котырзэ.
30
Монэным кин ӧвӧл, со Мон пумитэ. Кин Монэным уг люка, со пазяса быдтэ.
31
Соин ик верасько тӥлед: "Котькыӵе сьӧлык но хула простить каремын луоз калыклы, нош хула Духлы простить каремын уз луы калыклы.
32
Кин Адямилэн Пиез вылэ кыл вералоз, солы простить каремын луоз, нош кин Святой Дух вылэ вералоз, солы таяз даурын но, вуноаз но простить каремын уз луы.
33
Яке лыдъяськоды писпуэз ӟечен, соку солэн емышъёсыз но ӟечесь. Яке лыдъяськоды писпуэз уродэн, соку солэн емышъёсыз но уродэсь. Малыке шуон котькыӵе писпуез емышезъя тодманы луэ.
34
Кенӟяли выжыос! Кызьы тӥ ӟечез вераны быгатӥськоды, куке тӥ лекесь? Уго маин тырмемын сюлэм, соин ик со вераське.
35
Ӟеч адями ӟеч шыкысысьтыз поттэ ӟечсэ, нош урод адями урод шикысысьтыз поттэ уродзэ.
36
Верасько Мон тӥлед котькуд юнме кыл понна, кудзэ вералозы калык, суд нуналэ кыл кутозы.
37
Малыке шуоно аслаз кылъёсызя адями шонерэ поттэмын яке судить каремын луоз".
38
Соку куд ог книжникъёс но фарисейёс шуизы: " Дышэтӥсь! Адӟеммы потэ вал Тынысьтыд знамениедэ".
39
Нош Со пумитазы вераз: " Урод но азэм поколениос утчаськоды знамение, знамение сётэмын уз луы тӥлед, Иона пророклэн знамениез сяна.
40
Уго, кызьы Иона вал кит пуӵкын куинь нунал но куинь уй, озьы ик Адямилэн Пиез но луоз музъемлэн сюлэмаз куинь нунал но куинь уй.
41
Неневияын улэмъёс султозы та поколениелы пумит судын но соосты янгыше уськытозы, малыке шуоно соос покаятся кариськизы Ионалэн проповедезлэсь. Нош татын Кинке, Кин быдӟымгес Ионалэсь.
42
Лымшорысь нылкышно царь та поколениелы судын пумит султоз но янгыше уськытоз, малыке шуоно со лыктылӥз кыдёкысь шаерысь кылскыны Соломонлэсь вйзьмо верамзэ. Нош татын Кинке, Кин Соломонлэсь быдӟымгес.
43
Куке нечистой дух потэ адямиысь, со ветлэ вутэм интыостӥ, утчаса каньыл улон, но уг шедьты.
44
Соку вера: "Берто аслам коркам, кытысь мон потӥ". Лыктэ но адӟе, нокин но уг улы, отын ӵужемын но утялтэмын.
45
Соку мынэ но басьтэ сьӧраз сизьым мукет духъёсты, кудъёсыз солэсь но лекесь.Пыро но уло отын.
46
Ку нош Со калыклы вера вал, Солэн анаез но вынъёсыз Соин вераськемзы потэ вал нош соос коркалэн педпалаз сыло вал.
47
Соку кинке вераз Солы:"Тани, Тынад анаед но вынъёсыд сыло педлон, Тонэныд вераськыны потэмзы потыса".
48
Нош Со вераз пумитаз:"Кин Мынам анае? Но кинъёс Мынам вынъёсы?"
49
Ас киыныз Аслаз дышетскисьёсыз шоры возьматӥз но шуиз:"Тани Мынам анае но вынъёсы Мынам.
50
Малыке шуоно кин Мынам Инмысь Атаелэсь куронзэ быдэсялоз, со Мыным вын но сузэр но анай но".