14
1
Со дыре ньылетӥкузёяськись Ирод тодӥз Иисус сярысь ивор.
2
Но шуиз аслаз ляльчиосызлы:" Со Крестить карись Иоанн, кудыз кулэмысь лулӟем, соин со лэсьтэ чудоос".
3
Уго Ирод, Иоаннэз кутэм но керттылыса тюрмае пытсам Иродиана понна, Филипп вынызлэн кышноез понна,
4
малыке шуоно Иоанн вералляз солы:" Уг яра тыныд соин ӵош кӧланы".
5
Иоаннэз виемез потэ вал, но калыклэсь кышка вал, малыке шуоно сое лыдъяло вал пророк шуыса.
6
Иродлэн вордӥськем нуналзэ пусъён дырья Иродианалэн нылыз эктӥз куноос азьын но кельшиз Иродлы.
7
Соин ик со кылзэ сётӥз солы сётыны ваньзэ, мае уз куры.
8
Нош со, анаезлэн дышетэмезъя, шуиз :"Вае мыным татчы тэркые поныса Крестить карись Иоаннлэсь йырзэ.
9
Соку царь ӝожомиз, нош, кыл сётэмез понна но куноосыз понна, кудъёсыз пуко вал вӧзаз, косӥз вайыны солы куремзэ.
10
Но келяз тюрьмае ӵогыны Иоаннлэсь йырзэ.
11
Иоаннлэсь йырзэ ваизы тэркыын но сётӥзы ныллы, нош со аслаз анаезлы нуиз.
12
Нош солэн дышетскисьёсыз лыктыса басьтӥзы солэсь мугорзэ но ватӥзы. Собере мынӥзы но Иисуслы ивортӥзы.
13
Иисус, сое кылыса, огняз кошкиз отысь лодкае пуксьыса пустыняе. Нош калык, сое кылыса, мынӥзы Со сьӧры городъёсысь пыдын.
14
Иисус лодкаысь потӥз но адӟиз тросс калыкъёсты, Солы соос жаль потӥзы но висисьёсты катьялляз.
15
Ӝыт вуэм берэ, Солэн дышетскисьёсыз Со доры матэ лыктӥзы но веразы:"Кыр инты татын, дыр но бер ини. Лэзь калыкез, мед соос ветлозы гуртъёсы но басьтозы асьсэлы сион".
16
Нош Иисус шуиз соослы:" Нокытчы но ӧвӧл вэтлоно. Тӥ сётэ соослы сион".
17
Нош соос Солы верало:" Мылям татын вить няньмы но кык чёрыгмы гинэ".
18
Со шуиз:" Вае соосты Мыным татчы",
19
Но Со косӥз калыклы пуксьны турын вылэ. Басьтӥз вить нянез но кык чёрыгез, учкиз инме но благославить кариз.Тӥялтӥз, сётӥз дышетскисьёсызлы,нош дышетскисьёсыз - калыклы.
20
Ваньмыз сиизы но кӧтсы тырӥз.Нош кылем юдэсъёсты люказы на дас кык тыр куды.
21
Ваньмыз сиисез вал вить сюрс адями пала, нылкышноос но нылпиос сяна.
22
Иисус соку ик кужмысь косӥз дышетскисьёссэ пуксьны лодкае но Солэсь азьло мукут палаз выжыны, Со калыкез лэзьытозь.
23
Нош калыкез лэзем бераз, Со тубиз гурезе огняз вӧсяськыны но ӝытазе огняз отчы кыльиз.
24
Соос морелэн шораз вуэм бере, потӥз пумит пельтӥсь тӧл но тулкымъес лодкаез шуккылыны ӧдъяз.
25
Нош уйлэн ньылетӥ люкетаз Иисус соос доры мынӥз, ву вылтӥ вамышъяса.
26
Нош дышетсисьёсыз, адӟыса Солэсь ву вылтӥ вамышъямзэ куалектӥзы но шуизы:" Та - син азе адскон" Но кышкаменызы кесяськыны ӧдязы.
27
Иисус соку ик вераськыны кутскиз соосын но шуиз:"Садьяське! Мон со.Эн кышкалэ!"
28
Пётр пумитаз вераз:"Господин! Тон ке со, кос монэ ву вылтӥ Тон доры мыныны".
29
Со шуиз:"Мын" Лодкаысь потыса Пётр вамышъяса мынӥз ву вылтӥ Иисус доры.
30
Нош кужмо тӧлэз адӟыса, кышказ но выйыны кутскыса кеськиз:"Господин! Юртты мыным".
31
Иисус соку ик кизэ мычыса, возиз сое но шуиз:"Ичи тынад осконэд! Малы тон усомнится кариськид?"
32
Куке соос пуксизы лодкае, тӧл чусомиз.
33
Соос, кинъёс вал лодкаын лыктӥзы, йыбырттӥзы Солы но шуизы:" Зэм ик Тон - Инмарлэн Пиез".
34
Соос мукет ярдуре выжыса, вуизы Геннисарет музъёме.
35
Со интыын улӥсьёс, Сое тодмаса, ыстэмъёсты келязы котырысь вань ёросъёсы но вайизы Со доры ваньзэ висисьёсты.
36
Но куризы Солэсь, Солэн дисьэзлэн сӧзы бордаз гинэ ке но кутскыны. Но катьяськылӥзы соос, кинъёс кутскылӥзы Солэн дӥсезлэн сӧзы бордаз.