5

¹ Христос кузьмаз асьмеослы мозмон, озьыен, эн нӥ выльысь зибет улэ пыре.

² Тани, мон, Павел, верасько тӥлед: тӥ обрезаться кариськиськоды ке, тӥледлы Христослэсь нокыӵе но пайдаез уз луы.

³ Эшшо верасько на тӥледлы, котькудӥз кин обрезаться кариськоз, быдэстыны кулэ законысь ваньзэ.

⁴ Тӥ, асьтэосты законэн оправдать кариськоды ке, соку тӥ Христосэн ӧвӧл ини, но благодатьлэсь усиды.

⁵ Нош ми духен витиськомы но оскиськомы Инмар азьын оправдаться кариськыны оскон пыртӥ.

⁶ уго Иисус Христос пушкын ӧвӧл ни обрезаться кариськемлэн но обрезаться кариськымтэлэн пайдаез. Пайда сётэ оскон гинэ, кудӥз яратонэн тырше.

⁷ Тӥ ӟеч бызиськоды вал. Кин дугдытӥз тӥледды, но люкетӥз тӥледлы шонерлыклэсь кылзӥськыны?

⁸ Таӵе валэктон ӧвӧл Солэсь, Кин тӥледды ӧтиз.

⁹ Тодады возе, шӧм тросс ӧвӧл ке но быдэс колӟоез чырсатэ.

¹⁰ Мон оскисько тӥледлы асьмеос Кузё-Инмарен улӥськомы бере, тӥ мукет сямен уд малпаське. Нош кин тӥледды пӧяськонние пыртэ, котькин со мед луоз, осудить каремын луоз.

¹¹ Мон али ке но обрезаниез проповедовать карисько, соку малы монэ уйыло, вынъёсы? Соку кирос сярысь верамэлэсь дугдысалзы ни ӵемтэмысь.

¹² Э, тӥледыз пӧяськонние пыртӥсьёслы ӟеч луысал соос вандысалзы ке асьсэлэсь быдэсак.

¹³ Вынъёс, тӥ свободалы ӧтемын. Нош тӥляд свободады медам нуы тӥледды быдэсъяны мугордылэсь мылпотэмъёссэ, ӟечгес луоз яратыса ог огды понна тыршиды ке.

¹⁴ уго быдэс закон одӥг кылын быдэсме:”Яраты матысьтэ, астэ ачид кадь”.

¹⁵ Нош тӥ ог огдэс лекаськоды но йыръиськоды ке, соку учке, тӥ ог огдэс медам быдтэ вал.

¹⁶ Мон верасько: духъя улэ, соку тӥледын уз ни кивалты мугорлэн мылпотэмъёсыз.

¹⁷ уго мугорлэн мылпотэмъёсыз пумит луо духлы, нош дух - пумит луэ мугорлы: соос ог огзылы пумит луо, озьыен тӥ уд лэсьтӥське сое, мае лэсьтэмды потэ вал.

¹⁸ Тӥледды дух ке нуллэ, соку тӥ закон улын ӧвӧл ини.

¹⁹ Мугорлэн ужъёсыз тодмоесь: кузпал воштон, азыса-калгыса улон, асгынмон,

²⁰ идолъёслы йыбырттон, веднаськон, тушмонъяськон, керетон, вожъяськон, вожпотон, ӵошатскон, люкиськон, ересьяськон,

²¹ синазькыль карон, адями виён, вина юон, укылтэмъяськон но мукетъёсыз. Верасько мон тӥлед, кызьы азьло но вералляй, кин тазьы лэсьтэ со Инмарлэн Царствоаз уз пыры.

²² Нош духлэн емышез: яратон, шумпотон, тупаса улон, кема чидан, ог огед сярысь чаклан, ӟечлык, оскон,

²³ востэмлык, астэ возён. Таӵеос закон улын ӧвӧл.

²⁴ Соос, кинъёс Христослэн, кортӵогазы мугорзэс азон - калгон малпанъёсыныз но мылпотэмъёсыныз.

²⁵ Нош духен ке асьмеос улӥськомы, соку духъя лэсьтыны но кулэ.

²⁶ Ум вылтӥяське, ог огмес леке ум вуттэ но ог огмылы ум вожъяське.