6
1
Братъёс! Кинке лэсьтӥз ке сьӧлык, нош тӥ духовноесь бере, каньылэн юрттэ со адямилы. Нош асьтэды чаклалэ, ӵемтыса усёно медам лу шуыса.
2
Ог огдылэсь шуг-секытъёстэс нуллэ, озьы Христослэсь законзэ быдэстоды.
3
Уго кинке лыдъя ке асьсэ кинэн ке, нош ачиз но уг луы, со асьсэ ачиз пӧя.
4
Мед котькудӥз эскероз аслысьтыз ужзэ, соку со аслаз лэсьтэмезлы шум потыны быгатоз, мукетыныз ассэ ӵошатытэк.
5
уго котькуд адями нуоз аслысьтыз шуг-секытъёссэ.
6
Инмарлэсь кылзэ дышетэм мурт, ваньбурдэ шори люк дышетӥсеныд.
7
Эн пӧяське: Инмарез куасаны уз луы. Мае кизёз адями, сое ик аралоз:
8
кин кизе аслаз мугораз кулон мугорызлэсь ик аралоз, нош духе кизись духлэсь аралоз пумтэм быронтэм улон.
9
Ӟеч уж лесьтыкумы, ум куректэ, уго аслаз дыраз араломы, ӧм ке лябоме.
10
Озьыен, дыр ваньна бере, ӟеч ужъёс лэсьтомы ваньмызлы, уката но осконъя братъёсмылы но сестраосмылы.
11
Адӟиськоды а, кыӵе бадӟым букваосын аслам киыным мон гожтӥ тӥледлы.
12
Мугорынызы ушъяськыны яратӥсьёс тӥледды обрезаться кариськыны косо со понна гинэ, Христослэн киросэз понна уллямын медам луэ шуыса.
13
уго асьсэос кинъёс обрезаться карисько законэз уг быдэсъяло, соос витё тӥлестыд обрезаться кариськемдэс, собере ушъяськыны тӥляд мугорыныды.
14
Нош мон номырин но уг ушъяськы, асьмелэн Иисус Христос Кузёмылэн киросэс сяна, кудӥныз мон понна дунне кортӵогамын, нош мон дунне понна.
15
уго Иисус Христос пушкын номырлы но уг яра обрезать карем но обрезать карымтэ но, нош ӟечез со - луид а тон выль кылдытэмен?
16
Соослы, кинъёс та куронъёсты быдэсъяса уло, тупаса улон но милость, Инмарлэн Израилезлы но озьы ик мед луоз.
17
Азьланяз нокин но медам вайы мыным курадӟён, уго мон нуллӥсько аслам мугор вылам Иисус Кузёлэсь ранаоссэ.
18
Асьмелэн Иисус Христос Кузёмылэн благодатез, вынъёсы, тӥляд духэныды. Аминь.