4

¹ Шуи ке: наследник пинал дыръяз, кузё но ке, номырин но пӧртэм ӧвӧл ляльчиослэсь, атаеныз пуктэм дырозь, ² соин кивалто опекунъёс но корка кивалтӥсь.

³ Озьы ик асьмеос но пинал дыръямы - улонлэн шуг-секытъёсыныз пачкатэмын.

⁴ Нош куке дырлэн тырмемез вуиз, Инмар келяз Аслысьтыз Пизэ, Кудӥз кышномуртлэсь вордӥськиз закон улын,

⁵ закон улысь басьтыны асьмеосты, Аслыз пи карон понна.

⁶ Нош тӥ Солэн пиосыз бере, соку Инмар келяз тӥляд сюлэмъёсады Аслысьтыз Пиезлэсь Духсэ, кудӥз шум потыса вера: «Авва! Атай!»

⁷ Соин ик тон ӧвӧл ни законлэн рабез, нош Солэн пиез. Нош пиез ке, соку Иисус Христос пыртӥ Инмарлэн наследникез.

⁸ Куке тӥ Инмарез уд тодӥське вал, тӥ вал рабъёс соослы, кинъёс инмар уг луо.

⁹ Нош табере, куке тӥ Инмарез тодӥды, шонергес вераны луоз, Солэсь тодонлык басьтӥды, малы тӥ выльысь пайдатэм но мискинь законлы но нош ик солэн рабез луэмды потэ?

¹⁰ Эскере нуналъёсты, толызъёсты, дыръёсты но аръёсты.

¹¹ Кышкасько тӥ понна, юнме ӧй а меда мон тыршы тӥ дорын.

¹² Курисько тӥледды, вынъёс, мон кадь ик луэ, уго мон но, тӥ кадь ик. Номырин тӥ монэ вӧсь ӧд каре.

¹³ Тӥ тодӥськоды, мынысьтым нырысьсэ Ӟеч Ивор верамме, соку мынам мугоры висе вал шуыса,

¹⁴ нош тӥ мынам висеме шоры учкыса ӧд палэнске мон дорысь, ӧд но юрдэ, нош пумитады монэ Инмарлэсь ангелзэ но Иисус Христосэз кадь.

¹⁵ Кыӵе тӥ шудоесь вал! Тӥ сярысь верасько, тӥ быгатысалды ке, асьтэлэсь синдэс ишкалтыса мыным сётысалды.

¹⁶ Озьыен, шонерзэ вераме понна шат мон тӥледлы тушмон луи?

¹⁷ Кужмысь тӥледды висъяны тыршемзы, ӟечлы ӧвӧл, соос малпало тӥ соос понна мед тыршоды шуыса.

¹⁸ Мон дорады дыръя гинэ эн возьматэ ӟечсэ лэсьтэмдэс, нош кужымдэс поныса тыршелэ ӟеч ужъёсты лэсьтыны котькыӵе дырын.

¹⁹ Нылпиосы мынам, тӥ пушкын Христос адӟиськытчёзь, мыным вӧсь луоз, кышномуртлэн нылпи вайыкуз курадӟемез кадь!

²⁰ Мынам потэ вал али тӥледын луыны но вераськон сямме воштыны, уго мон тӥ сярысь мар вераны но уг тодӥськы.

²¹ Вералэ мыным тӥ, закон улын улэмды потӥсьёс: шат тӥ уд кылӥське мар шуэ закон?

²² Уго гожтэмын: «Авраамлэн вал кык пиез: одӥгез ляльчилэсь, нош мукетыз свободнойлэсь».

²³ Ляльчилэсез, вордӥськемын вал мугоръя. Нош соиз, кудӥз свободной кышномуртлэсь,- кыл сётэмъя.

²⁴ Та верамъёс аллегория луо. Та кык заветъёс: одӥгез Синай гурезьын сётэмын, отысь потэмын рабствое вордӥськем калык, - Агарь.

²⁵ Агарь луэ Аравиысь Синай гурезь но тупа туала Иерусалимлы, уго со аслаз нылпиосыныз рабствоын.

²⁶ Нош инмысь Иерусалим свободной: со анай луэ ваньмылы асьмеослы.

²⁷ Уго гожтэмын:"Шум пот, пинал вайыны быгатӥсьтэм но пинал вайылымтэ кышномурт. Шумпотыса черекъяськы, пинал вайёнлэсь вӧсьсэ адӟёнэз тодӥсьтэм, уго кышномуртлэн, кудзэ картэз кельтӥз, картэн улӥсь кышномуртлэсь, тросгез пиналъёсыз.

²⁸ Ми, вынъёс, Исаакъя кыл сётэм пиналъёс.

²⁹ Нош кызьы соку мугоръя вордӥськем уллялляз духъя вордӥськемез, озьы ик али но.

³⁰ Мар бен вера Писание? "Улля ляльчидэ но солэсь пизэ, уго ляльчилэн пиез свободнойлэн пиеныз ӵошен уг быгато луыны наследникен".

³¹ Озьыен, вынъёс, асьмеос свободнойлэн пиналъёсыз, нош ляльчилэн ӧвӧл.