Он бешки эге
1
2
3
1 Эртен эрте дээди бараалгакчылар, баштыңнар, ном-хоойлу тайылбырлакчылары база ниити чөвүлел шиитпир үндүрген. Олар Иисусту хүлүп алгаш Пилатка чедире берген.
2 Пилат Оон: "Сен иудей Хаан Сен бе?"- деп айтырган.
Иисус Аңаа: "Сен бодуң чугааладың"- деп харыылаан.
3 Иисуска удур хөй буруудадыышкынны дээди бараалгакчылар деткип үндүрүп турган.
4
5
4 Ынчангаш Пилат Оон: "Сен, чүге харыылавайн турарың ол? Сеңээ удур буруудадыышкын кайы хире хөй-дүр көрзүңзе?
5 Иисустуң ам база чүнү-даа харыылавааны Пилатты аажок кайгаткан.
6
7
8
6 Ол байырлалда Пилат чоннуң дилээ-биле бир херектээнни хостаар ужурлуг турган.
7 Үймээн үезинде бодунуң талалакчылары-биле өлүрүүшкүн кылган Варавва ол үеде хоругдалга чыткан.
8 Пилаттан бир херектээнни хостаар кылдыр дилеп турган хөй улус чыглып келген.
9
10
11
9 Пилат олардан: "Иудей Хаанны хостап бээримни күзээр силер бе?"- деп айтырган.
10 Дээди бараалгакчыларның Иисуска адааргааш, Ону садыпканын Пилат билип турган.
11 Ынчалза-даа Варавваны хостап бээрин Пилаттан дилээр кылдыр дээди бараалгакчылар улус-биле бүдүү дугуржуп алган турган.
12
13
12 Пилат олардан: "Силерниң иудей Хаан деп адап турарыңар демги Кижини канчаар шиидеримни күзеп тур силер?"- деп айтырган.
13 Олар: "Ону хере шаавыт! "- деп алгырышкан.
14
15
14 Пилат: "Ол кандыг багай чүве кылганыл?"- деп айтырарга, чыылган чон улам күштүү-биле: "Ону хере шавыңар!"- деп алгырышкан.
15 Пилат чыылган чоннуң күзелин хандырар дээш, оларга Варавваны хостап берген, а Иисусту кымчылааш, хере шавары-биле алгаш баарын дужааган.
16
17
18
16 Шериглер Иисусту Пилаттың ордузунда улус хүлээп алыр өрээлге эккелген, аңаа бир полк шериг база чыглып келген.
17 Олар Иисуска хүрең-кызыл шыва тон кедиргеш, тенниг оотпактан оваадай өрээш, Ооң бажынга кедиргеш:
18 "Иудей Хаан, өөрүп-хөгле!"- деп алгыржып, Аңаа байыр чедирген улус өттүнүп, кочулап эгелээннер.
19
20
21
19 Олар ыяштар тудуп алгаш, Иисустуң бажынче хаккылап-соккулап, Олче каккырып-дүкпүрүп, Ооң мурнунга дискек кырынга олура дүжүп, Аңаа тейлээн улус өттүнүп, кыжырып-каттыржып, дорамчылап турган.
20 Иисусту дорамчылап хыы-хангаш, Ооң хүрең-кызыл тонун ужулгаш, Бодунуң хевин кедиргеш, хере-шавары-биле алгаш чорупканнар.
21Ол үеде Александр биле Руфтуң ачазы, Киринея чурттуг Симон шөлден кел чыткан. Кажан ол Ооң чаны-биле эртип бар чыдырда, ону Иисустуң белдир ыяжын чүктээр кылдыр албадапканнар.
22
23
24
22 Иисусту Голгофа азы "Баш сөөгү"- деп адаар черге эккелгеннер.
23 Аңаа смирна холаан арага бээрге, Ол ону ишпээн.
24 Шериглер Иисусту белдир-ыяшка хере шаап кааш, Ооң хевин төлге октааш, үлежип алганнар.
25
26
27
28
25 Кажан Ону белдир-ыяшка хере шаап каанда, үшкү шак турган.
26 Ооң буруузун бижиир ужурлуг самбыражыгашка: "Иудей Хаан"- деп бижип кааннар.
27 Иисустуң оң-солагай талазында ийи дээрбечини база хере шаап каан турган.
28 "Кемниг-херек үүлгедикчизи"- деп санаттырган (Ис.53:12) Бижилгениң сөзү чогуп бүткен.
29
30
29 Эрткен-дүшкен улус Иисусту бак сөглеп, дорамчылал-биле баштарын чайып, кочулап: "Ээй! Сен Бурганның өргээзин үрегдеп-бускаш, үш хүннүң дургузунда тудуп үндүрүптер Мен"- деп турдуң чоп!
30 Бодуңну Бодуң камгала! Белдир ыяштан Бодуң дүжүп кел!"- деп турганнар.
31
32
31 Дээди бараалгакчылар, ном-хоойлу тайылбырлакчылары база Иисусту кыжырып-каттыржып, боттарының аразында: "Өске улусту камгалап турган, а Бодун камгалап шыдавас бе?
32 Израильдиң Хааны Христос белдир-ыяштан ам дүжүп кээр болза, ону көргеш, бүзүрей бээр бис"- деп чугаалажып турганнар. Иисус-биле кады хере шаптырган ийи дээрбечи безин Ону бак сөглеп турган.
33
34
35
33 Хүн үнгенден бээр, алдыгы шактан тоску шакка чедир бүгү чер кырын дүмбей караңгы шыва апкан.
34 А тоску шак үезинде Иисус ыыткыр алгырып: "Мээң Бурганым! Мээң Бурганым! Чүге Сен Мени кааптың!?- дээн.
35 Чоогунга турган, ону дыңнаан улустуң чамдыызы: "Дыңнаңарам, Ол Илияны кыйгырып тур"- дишкен.
36
37
38
36 Оларның бирээзи маңнап чеде бергеш, губканы уксуска өттүргеш, чиңгежек ыяш бажынга кедиргеш, Иисуска ижиртири-биле сунуп тура: "Адыр! Ону белдир-ыяштан дүжүрүп алыр дээш, Илияның келир-келбезин көөр бис"- деп, ол кижи чугаалаан.
37 Ыыткыр алгырыпкан соонда, Иисустуң амы-тыны үстү берген.
38 Ол өйде Бурганның өргээзиниң иштинде азып каан көжеге үстүнден адаанга чедир, ийи чара орлу берген.
39
40
41
39 Иисустуң чиге мурнунга турган чүс шериг баштыңчызы Ооң канчаар өлгенин көргеш: "Бо Кижи ылап-ла Бурганның Оглу турган-дыр!"-дээн.
40 Болган чүүлдү ырактан хайгаарап турган херээженнер аразынга Мария Магдалина, бичии Иаков биле Иосийниң авазы Мария база Саломия турганнар.
41 Иисус Галилеяга чоруп турда, олар база Ону эдерип чорааннар. Иерусалимче Ооң-биле кады чедип келген өске-даа херээженнер база турган.
42
43
44
42 Суббота хүнүнүң мурнунда кежээ
43 Дээди иудей чөвүлелдиң алдар-хүндүлүг кежигүнү боор, Бурганның Чагыргазының келирин манап чоруур, Аримафея чурттуг Иосиф дээр кижи чедип келгеш, Пилатче дидим базып кире берген. Ол Пилаттан Иисустуң мага-бодун аңаа бээрин дилээн.
44 Иисустуң ындыг дүрген өлү бергенин дыңнааш кайгап-харап, демги чүс шериг баштыңчызын кыйгыртып алгаш, Ооң кажан өлгенин айтырган.
45
46
47
45 Чүс шериг баштыңчызындан, Иисустуң шынап өлгенин билип алгаш, Пилат мага-ботту Иосифке бээрин чөпшээрээн.
46 Иосиф чуга пөс садып алгаш, Иисустуң мага-бодун дүжүргеш, ол пөзү-биле ораап алгаш, хаяда оя хаккан чевег-куйга орнукшудуп каан. Чевег-куйнуң аксын улуг даш чууп эккелгеш, дуглап каан.
47 Мария Магдалина, бичии Иаков биле Иосийниң авазы Мария Иисусту кайда орнукшудуп каанын көрүп алганнар.