Үшкү эге
Сөөлгү хүннерниң бүзүрел чогу
1
2
3
4
1Сөөлгү хүннерде аар-берге үе чедип кээрин билип ал. 2 Улус боттарын бодаар, акшага ынак, өрү көрдүнер , туразы улуг, ааспырак, ада-иезин дыңнавас, өөрүп четтирерин билбес, самыын-садар, кээргээр сеткили чок, 3 эптежир хөңнү чок, нүгүлчү, бодун туттунуп билбес, каржы, буян кылыр хөңнү чок, 4 өскерликчи, тоомча чок, бодунга идегээр, Бурганга ынакшыырынга көөрде, таалалга ынак,
5
6
7
5 ачы-буянныг кижи кылдыр көстүүр, ынчалза-даа Ооң күжүнден ойталап чоруур. Ындыг улустан ырак чор.
6 Оларга улустуң бажыңнарынче кажарлап киргеш, янзы-бүрү күзээшкиннериниң аайындан эртпес, кошкак херээженнерни дуурайлаар улус хамааржыр, 7 олар өөренип-ле турар, ынчалза-даа алыс шынны долузу-биле билип ап шыдавас.
8
9
8 Ианний биле Иамврийниң Моисейге удурланганы ышкаш, ол улус база алыс шынга удурланып, угааны солуудаан, бүзүреп билбес улус-тур. 9 Ынчалза-даа олар оон эки чүве чедип ап шыдавас, чүге дээрге оларның угаан чогу шупту улуска көстү бээр. Ианний биле Иамбрий база шак ынчаар мелегейин көргүскен.
10
11
12
13
10 А сен мээң амыдыралда туружумну, сорулгамны, бүзүрелимни, ынакшылымны, өөредиимни, шыдамыымны көрүп, мени эдерип чордуң, 11 Антиохияга, Иконияга болгаш Листрага истедип-сүрдүргеш шыдажып эрткеним, шупту хилинчек-човулаңымдан Дээрги-Чаяакчы мени адырып каан. 12 Бурганны билип ап, Христос Иисус-биле быжыг харылзаа тудуп чурттаарын күзээн улустуң шуптузун истеп-сүрер. 13 А бачыттыглар болгаш мегечилер боттарының бузуттуг херектериниң чедиишкиннери-биле өске улусту будаар, боттары база будалып каар.
14
15
14 А сен чүнү өөренип алган-дыр сен, сеңээ бүзүрелди ышкынма. Кымдан өөренип алганыңны утпайн чор. 15 Ыдыктыг Бижилгени бичииңден-не билир сен. Камгалал Иисус Христоска бүзүрээрин дамчыштыр келирин бадыткаарынга Бижилге сеңээ дузалаар.
16
17
16 Бүгү Бижилге Бурганның тынгарып, диргизип каан сөзү-дүр: ол алыс шынны өөредиринге, бачыт-бурууну айтырынга, чазыгларны эдеринге, чөптүг-шынныг амыдыралды суртаалдаарынга ажыктыг. 17 Ындыг болганда, Бурганның кижизи бүрүнү-биле мергежээн база кандыг-даа буянныг херек кылыры-биле чепсегленген болур ужурлуг.