Ийиги эге
1
2
1 Христос Иисуста сиңген авырал-биле күш кирип көр, оглум. 2 Хөй улус мурнунга менден дыңнаан өөредиглериңни, өске улусту өөредип шыдаар, шынчы улуска идегеп берип каг.
3
4
5
3 Христос Иисустуң бердинген дайынчызы дег, хилинчекти Ооң-биле кады шыдажып эртеринге белен бол. 4 Кандыг-даа дайынчы, начальнигиниң күзелин хандырар дээш, тайбың амыдыралдың ажыл-херээ-биле бодун чардыктырбас. 5 Бир эвес, маргылдааны дүрүм ёзугаар эртирбес болза, шаңналды кым-даа албас.
6
7
6 Дерин төп ажылдаан тараачын, дүжүттүң башкылыын алыр ужурлуг. 7 Мээң чүнү чугаалаанымны бода. Ол бүгүнү угааптар харыкты Дээрги-Чаяакчы сеңээ бээр болзун.
8
9
10
8 Өлүглер аразындан дирлип келген, Давидтиң салгакчызы Иисус Христосту сактып чор. Өөрүнчүг Медээни суртаалдааным дээш, 9 хилинчек көрүп, херектен кижи дег кинчилеттим, ынчалза-даа Бурганның сөзүн кым-даа кинчилеп шыдавас. 10 Ынчангаш, Христос Иисуста сиңген алдарлыг, мөңге камгалалды, Бурганның шилээн улузу алзыннар дээш, чүнү-даа шыдажып чор мен.
11
12
13
11 Шынныг сөстер бо-дур: «Ооң-биле кады өлген болзувусса, Ооң-биле кады дирлип кээр бис. 12 Ам шыдажып турар болзувусса, Ооң-биле кады чагырар бис, бир эвес ойталаар болзувусса, Ол бистен база ойталаар, 13 бир эвес шынчы эвес-даа болзувусса, Ол шынчы бооп артар, чүге дээрге Ол Боду Бодундан ойталап шыдавас».
14
15
14 Улусту Дээрги-Чаяакчының мурнунга маргышпас кылдыр угаадып сагындыр. Оон эки чүве үнмес, харын-даа дыңнап турар улустуң хөңнүн баксырадыр. 15 Бурганның мурнунга шылгаттынган, алыс шынның сөзүн шыны-биле өөредип турар, тергиин эки ажылдакчы болуп, Ооң мурнунга чүткүлдүг бол.
16
17
18
16 А хоозун чугаалардан чайлап чор, чүге дээрге олар адың баксырадыр, 17 оларның ындыг чугаазы ыжык ышкаш тарай бээр. 18 Именей биле Филит алыс шындан азып, катап дирлиишкин болуп каапкан дээш, чамдык улустуң бүзүрелин ынчаар буза шаап турарлар.
19
20
21
19 Ынчалза-даа Бурганның Сөзүнүң быжыг үндезини: «Дээрги-Чаяакчы Бодунуң улузун билир», «Дээрги-Чаяакчыны адап турар кижи бүрүзү бачыттан ырай берзин»- дээн домакта туттунуп турар.
20 Улуг бажыңда чүгле алдын, мөңгүн эвес, ынчалза-даа оон аңгыда ыяш, дой савалар база бар. Бирээзи хүндүлүг ажыглалда, а өскезин хүн бүрүде ажыглаар. 21 Кым бодун бачыттан арыглап алганыл, ол ышкаш, Ээзинге ажыктыг, кандыг-даа буянныг херек кылырынга белен, ыдыктыг черге турар.
22
23
22 Чалыы үениң күзээшкиннеринден чайла, чүрээниң ханызындан Дээрги-Чаяакчыны кыйгырган улус-биле кады чөптүг-шынныг амыдыралче, бүзүрелче, ынакшылче болгаш амыр-тайбыңче чүткү. 23 Мелегей, бүдүүлүк чугааларга киришпе, чүге дээрге оларның алгыш-кырыш-биле доостурун билир сен.
24
25
26
24 Дээрги-Чаяакчының кулу алгыш-кырыш кылбас, а шупту улус-биле эвилең-ээлдек, өөредип билир, шыдамык боор ужурлуг, 25 аңаа удур улусту безин эп-чөп-биле эдип-чазап аар, чүге дээрге олар Бурганга бачыдын билингеш, алыс шынны билип, 26 боданы бергеш, бодунуң күзел-соруунга чагыртырынче албадапкан эрликтиң аспаандан адырлып, хосталы бээр чадавас.