Дөрткү эге
1
2
1 Кажан Ооң Чагыргазы чедип кээрге, өлүг-даа, дириг-даа улусту шиидер, Бистиң Дээргивис Иисус Христостуң болгаш Бурганывыстың мурнунга сенден дилеп тур мен: 2 таарымчалыг-даа, таарымчалыг эвес-даа үеде, улустуң буруузун билиндирип, соксадып, бар-ла шааң-биле шыдамык шынзыдып, чагып-сургап өөрет.
3
4
5
3 Чүге дээрге оларның шынныг өөредигни дыңнаар хөңнү чок, боттарының дыңнаксаан чүүлүн чугаалаар, янзы-бүрү башкыларны шилип эгелээри үе чедип кээр. 4 Улус алыс шынны дыңнавайн, бодунуң бодалдарын чугаалаан улусту дыңнаар. 5 Ынчалза-даа сен бүгү чүүлге серемчилелиң салба, бергелерни шыдажып эртип чорааш, Өөрүнчүг Медээни суртаалдаар ажыл-херээңни күүседип чор.
6
7
8
6 А мээң чоруур үем келген, мен ам өргүл апаар мен. 7 Мен төлептии-биле демисештим, чарышты төндүр маңнадым, бүзүрелди кадагаладым. 8 Дээргивис, Чөптүг Шииткекчи тиилекчиге бээр шаңналын, ол Хүн кээрге меңээ тыпсыр дээш белеткеп каан. Ол шаңналды чүгле меңээ эвес, а Ооң ээп кээрин шыдамык манап турар бүгү улуска база тыпсыр.
9
10
9 Менче дүрген чедип кээрин кызыт,10 чүге дээрге Димас бо делегейге хандыкшааш, мени каапкаш, Фессалоникаже чоруй барган, Крискент – Галатияда, Тит – Далматияда барган. Мээң чанымда Лука чааскаан арткан.
11
12
13
11 Кээриңде, Маркты эдертип эккел, чүге дээрге ол мээң ажыл-херектеримге дузалажып шыдаар. 12 Тихикти Ефесче чорудуптум.
13 Кажан бээр кээриңде, Троадада Карп сугда каапкан тонумну, оон ыңай номнарымны, ылаңгыя эттеп каан хөмде бижээн номнарымны эккеп көр.
14
15
16
14 Александр дарган меңээ хоралыг чүүлдерни хөйнү кылган. Дээрги-Чаяакчы ооң кылган херектерин барымдаалап, элбээ-биле бээр болзун! 15 Сен база оон кичээн, чүге дээрге ол бистиң суртаалывыска аажок удурланып турар.
16 Мээң херээмни шииткел черинге бир дугаар дыңнап турда, мээң чанымга кым-даа турбады, шупту мени каапканнар. Ону оларның буруузу кылдыр санавас болзунам!
17
18
17 Ынчалза-даа Дээрги-Чаяакчы мээң-биле кады бооп, өске чоннар улузунга Өөрүнчүг Медээни суртаалдаар күштү берген. Ол мени арзылаңнар аксындан камгалады. 18 Дээрги-Чаяакчы мени кандыг-даа бачыттан камгалаар база Бодунуң Дээрде Чагыргазынче бүдүн-бүрүн чедире бээр, Аңаа кезээ-мөңгеде алдар! Аминь.
19
20
21
22
19 Прискилла биле Акилага болгаш Онисифорнуң өг-бүлезинге байырым чедир. 20 Ераст Коринфиде артып калган. Трофим аарый берген, Милитте кааптым. 21 Кыш бетинде чедип кээрин кызыдып көр. Еввул, Пуд, Лин, Клавдия база бүзүрээн ха-дуңмавыс шупту сеңээ байыр чедирип тур.
22 Дээрги-Чаяакчы Иисус Христос сээң сүлдең-биле кады болзун!
Авырал силерге доктаазын! Аминь.