Маркас 4 бөлг.
1
2
1. Иисус дәкн теңгсин өөр сурһв. Терүнә өөр дала әмтн хурҗ, тегәд Иисус оңһцд орв. Оңһц теңгс дотр зогҗасмн, цуг әмтн болхла теңгсин көвә деер зогсад Терүг соңсҗ.
2. Иисус олн цецн келврмүдәр әмтиг дасхад, эврәннь дасрҗах сурһулин тускар иим цецн келвр орулад келсмн:
3
4
5
3. Соңсцхатн. Нег тәрәч тәрхәр һарч.
4. Цацсн тәрәнә экн зәрмнь хаалһин өөр унҗ. Шовуд терүгинь чоңкад идчкҗ.
5. Наадкснь чолута һазрт унҗ, тенд һазрнь баһ билә. Энд буудя шулун урһҗ, юңгад гихлә эн һазр гүн биш билә.
6
7
6. Зуг нарн һархла, эн шулун урһсн буудя хумхарад хагсна, яһад гихлә урһмл уңг уга билә.
7. Талдан экнь хатханчг загт унҗ. Зуг хатханчг урһад, өндр болад,тәрәнә экиг бүтәһәд дарв, тегәд буудән экн урһц өгсн уга.
8
9
8. Зәрмнь сән һазрт унад, темс өгдг болв. Негнь - зун холван, наадкнь – җирн холван, таалданнь һучн холван ик урһц өгдг болв.
9. Тегәд Иисус эднд келв: «Ямаран чигн күүнд чикнь соңсхин төлә бәәхлә соңстха!»
10
11
12
10. Иисус һанцарн үлдсн кемлә өөрнь бәәсн улс болн сурһульчнрнь эн цецн келвр юуна тускар цәәлһҗәхинь Терүнәс сурцхаҗ.
11. Иисус эднд келв: «Теңгрин Бурхна нутгин нуувч таднд сәкәтә, болв наадк улст цуг эн нууц цецн келврмүдәр өггдҗәнә.
12. Тегәд чигн эдн нүдәрн үзвчн – үзҗәхш, чикәрн соңсвчн – медҗ чадҗахш. Цуг энүг медҗ чадсн болхла, тедн Бурхиг күндлҗ тевчәд, эврәннь килнцән тәвүләд цеврлгдх билә.»
13
14
15
13. Цааранднь Иисус теднәс сурв: «Эн цецн келврт юуна тускар келгдҗәхнь тадн медҗ чадҗахшвт? Тегәд цуг цецн келврмүдин чинрнь тадн яһҗ медҗ авхмт?
14. Бурхна үг – Байрта зәңг – тәрәч тәрхәр һарч.
15. Хаалһин өөр тәрсн тәрән иим улсин тускар: Бурхна үг-Байрта зәңг – соңсвчн, ухандан оруллго, эс медҗ чадсн учрар хар саната эрлг ирәд, зүркнднь тәрсиг хулхалад авчкна.
16
17
16. Чолута һазрт тәрсн экн – Бурхна Үгиг соңсар, шулуһар болн байртаһар бийдән орулҗ авсн улс,
17. зуг тедн йозур уга болн бат иткл уга улс болҗана. Тегәд Бурхна Үгәс көлтә зовлң болн көөлдән ирхлә, тер улс дарунь Бурхна Үгиг ардан үлдәһәд хайчкна.
18
19
20
18. Хатханчг дунд тәрсн экн – Бурхна Үг соңссн улс зааҗана,
19. зуг җирһлин зовлңгдан даргдад, алтнд, мөңгнд дурлад болн нань чигн талдан санан — седвәртән авлгдад Бурхна Үг хаяд, тегәд урһц уга үлднә.
20. Сән һазрт тәрсн экн – Бурхна Үгиг чикәр медсн болн зүркндән орулсн улс. Иим улс дала урһц авч ирнә. Теднәс негнь — зун холван, наадкнь — җирн холван, талдань — һучн холванас ик урһц өгнә.
21
22
23
21. Иисус эднд келв: «Шомр орн дор тәвхәр эс гиҗ деерәснь ааһар хааһар авч ирдв?
22. Нег чигн юмн нууц уга, юңгад гихлә цуг нууц юмн тәәлгдх, бултулгдсн юмн секгдх.
23. Соңсхин төлә бәәх чиктә болн соңсхар седҗәхлә – тер улс соңстха!»
24
25
24. Иисус эднд иим үгмүд келв: «Мини келсн үгиг оньган өгәд соңстн. Ямр кевәр бийдән орулҗ авнат, тер кевәр таднд өггдәд болн деерәс немгдх.
25. Кенд бәәсинь, терүнд деерәс өггдх, кемр күүнд уга болхла терүнәс бәәснь булагдад авгдх.»
26
27
28
29
26. Иисус цааднрань келв: «Бурхна Теңгрин орн-нутг һазрт тәрә тәрчксн күүнлә әдл.
27. Тер күн сөөд унтад, өдртнь босад йовна, зуг тәрсн буудянь яһҗ һазр дор урһҗахнь медхш,
28. юңгад гихлә һазр эврән бийнь урһцан өгнә. Түрүләд буудән экн һазрт батрад, көк ишнь һазрас бултаһад, урһлм өсәд, буудян толһа һарна.
29. Буудя болсн кемлә, дарунь күн хадуран авад ирнә, юңгад гихлә хадх цаг ирсмн.»
30
31
32
30. Тегәд Иисус игҗ келв : «Теңгрин Бурхна орн-нутгиг юунла дүңцүлҗ болх? Ямаран цецн келврәр цәәлһҗ болх?
31. Бурхна Теңгрин орн-нутг һазрт тәрсн хамгин бичкн горчисин экнлә әдл болҗана.
32. Зуг эн урһад ирхләрн цуг урһлмудас ик болна, тегәд терүнә ик ацмудын сүүдр дор теңгрин шовуд үүрән ясцхана.
33
34
33. Тиим дала цецн келврмүдәр Иисус Байрта зәңгс әмтн тодлҗ, соңсҗ, ухалһҗ авхин төлә дасхдг бәәсмн.
34. Цецн келврмүд угаһар Иисус әмтиг сурһдго билә. Зуг эврәннь сурһульчнртаһан үлдсн цагт цецн келврмүдин чинрнь Иисус цәәлһҗ өгдмн.
35
36
37
35. Тер өдрин асхн болҗ йовсн кемлә Иисус сурһульчнртан келв: «Теңгс һатлад талдан эргүр күрхмн.»
36. Өөрән бәәсн әмтиг үлдәһәд, эдн Иисусин суусн оңһцур орв. Эднә оңһцин ардас талдан оңһцс усчв.
37. Генткн чаңһ салҗкн көдләд, ик дольганд оңһц усар дүүрв.
38
39
38. Иисус оңһцин зах талнь дерләд унтҗ. Сурһульчнрнь Терүг серүләд келҗ: «Багш! Мадн уснд авгдад, чивәд үкн гиҗәнәвидн! Та мадна тускар зовҗахшийт?»
39. Иисус босад, салькнд болн теңгст закв: «Тагчг бол! Зогс!» Тер дарунь салькн зогсв. Тагчг болҗ одв.
40
41
40. Иисус сурһульчнрас сурв: «Юңгад тадн әәцхәвүт? Иткл таднд угай?»
41. Сурһульчнрнь йир икәр әәһәд, нег-негндән келҗ: «Кемб Эн, салькн чигн, тежгс чигн Терүнә заквр соңсад зогсдг?»