Маркас 5 бөлг.
1
2
1. Тедн теңгс һатлад, Гадарин орн-нутгур ирсмн.
2. Иисус оңһцас һархла, үксн улс оршадг хадын көндәсәс һарсн күн Терүнүр өрдәд ирв. Эн күн шулмд авлгдсн бәәҗ.
3
4
3. Үксн улс оршадг хадын көндәсд бәәдг бәәҗ, юңгад гихлә энүг нег чигн күн цевәр күлҗ чаддго бәәсмн.
4. Кесг дәкҗ энүг цевәр күлв чигн, зуг эн цев таслад, һарад гүүдг бәәҗ, тегәд нег чигн күн энүг тогнулҗ чаддго билә.
5
6
5. Өдрр-сө болһн эн уулмуд заагт болн үксн улс оршадг хадын көндәсәр хәәкрәд-оркрад, бийән чолудар цокад бәәдг бәәҗ.
6. Иисусиг холас үзәд, эн гүүҗ ирәд, Терүнә өмн унад, чаңһур хәәкрв:
7
8
7. «Иисус, Деед Эзн Бурхна Көвүн, Танд нанас ю кергтә? Бичә намаг зоватн гиҗ би Таниг сурҗанав.»
8. Юңгад гихлә Иисус энүнд иигҗ келсмн: «Шулм, эн күүнәс һарч әрл!»
9
10
9. Энүнәс Иисус сурв: «Чини нер кемб?» «Мини нерн – түмн, юңгад гихлә мадн тооһарн олн» - гиҗ эн хәрү өгв.
10. Эдн ээрәд сурцхав: «Мадниг эн һазрас бичә көөтн.»
11
12
13
11. Тенд, уулын өмн дала һахас идшлҗ йовсмн.
12. Цуг шулмс Терүг сурҗ: «Мадниг эн һахас дотр орх зөв өгтн.»
13. Иисус зөв өгхлә, шулмс күүнәс һарад һахас дотр орҗ. Дарунь хойр миңһн һахас эднә тонь иим бәәсмн – эрг деерәс һәрәдәд, теңгсин уснд чивҗ одсмн.
14
15
14. Һахас хәрүлҗ йовсн улс гүүһәд цуг болсн йовдлын тускар балһсна болн селәдин улст келсмн, тегәд тедн юн болсинь хәләхәр ирҗ.
15. Әмтн цуһар Иисусур ирхлә шулмд авлгдсн күн Терүнә өөр ухата болн хувц өмссн сууснь үзәд, ик гидгәр әәцхәҗ.
16
17
16. Шулм авлгдсн күүнә тускар болн һахасла юн болсинь нүдәрн үзсн әмтн ирсн улст цугинь келҗ өгч.
17. Тегәд һазрт бәәдг улс Иисусиг теднә һазрас һархинь сурад бәәҗ.
18
19
20
18. Иисусиг оңһцд орад суухла, шулмас сулдсн күн Терүнәс дахч йовх зөв сурсмн.
19. Зуг Иисус энүнд зөв өгл уга, иигҗ келсмн: «Герүрн хәәрәд, чамд Деед Эзн ю кесинь, яһҗ хәәрлсинь элгн-садндан келҗ өг.»
20. Эн күн йовад Десятиградын әмтнд Иисус бийднь кесг юм кесин тускар келәд йовҗ. Цуг соңссн әмтн икәр алң болад өврәд бәәцәҗ.
21
22
23
24
21. Иисус оңһцар һатлад талдан эрг деер ирхләнь, Терүнә өөр дала әмтн хурцхаҗ.
22. Тиигән синагогин ахлач Иаир бас ирҗ. Эн Иисусиг үзн, Терүнә көлднь унад,
23. эрәд сурҗ: «Мини күүкн ода өңгрн гиҗәнә, кемр Та ирәд Эврәннь һаран күргхлә, күүкм әмдрх.»
24. Иисус энүг дахад һарв. Терүнә ардаснь дала әмтн дахч. Әмтн деегд дала болад Терүг дарцад йовцхаҗ.
25
26
27
25. Әмтн дунд арвн хойр җилдән цусна гемәр муулян эдлсн нег гергн йовсмн.
26. Эн гергн кесг эмчнр эргәд, бийән эмнүләд бәәсн мөңгән цугтаһинь һарһв чигн, зуг гемнь эдглго, улм икәр гемтәд бәәсмн.
27. Болв гергн Иисусин тускар бас соңссмн, тегәд ирәд, олн әмтнә заагур Терүнүр өрдәд, Иисусин хувцна хормаднь һаран күргҗ.
28
29
28. Гергн иигҗ келдг бәәҗ: «Кемр би Иисусин хувцна хормаднь һаран күргхлә – дарунь эдгҗ одхв.»
29. Тегәд гергн Иисусин хувцна хормаднь һаран күргхнә хөөн, тер дарунь цусн һардган уурч оч.
30
31
32
30. Эн кемлә Иисус күчн һарснь медәд ардан хәләһәд сурв: «Мини хувцнд кен һаран күргв?»
31. Сурһульчрнь келҗ: «Та юңгад кен һаран күргв гиҗ сурҗанат? Дала гисн әмтн Таниг дахад, ардастн дарцҗ йовналм!»
32. Зуг Иисус Терүнә хувцна хормад һаран күргсн гергиг үзхин төлә эргәд хәләв.
33
34
33. Гергн чичрәд, икәр әәһәд, энүнлә юн болсинь медәд, Иисусур өөрдәд, Терүнә көлднь унад, цугтаһнь үнәр келҗ өгсмн.
34. Иисус гергнд келв: «Күүкн Мини! Чини итклчн гемичн эдгәв. Нә, тегәд төвкнүн, әрүл-менд йович!»
35
35. Иисус гергнд келҗәсн цагла, синагогин ахлачин гертәснь ирсн әмтн ахлачд иигҗ келв: «Чини күүкн өңгрҗ одв. Багшиг бичә зоваҗ үүмүл.»
36
37
38
36. Зуг Иисус теднә келснь соңсвчн, синагогин ахлачд келв: «Бичә ә, итк!»
37. Иисус Пётриг, Иаковиг болг Иаковин ахиг Иоанниг бийләһән дахулад һарв, зуг дәкҗ нег чигн күүнд Терүг дахад йовх зөв өгсн уга.
38. Синагогин ахлачин герт Иисус орҗ ирхлә, тенд оркрад уульҗасн әмтнә дун соңсдҗ.
39
40
39. Орҗ ирсн, Иисус келв: «Тадн юңгад уульҗахмбт? Күүкн өңгрсн уга, унтҗ кевтнә.»
40. Герт бәәсн әмтн Иисусар наад бәрәд инәлдцхәв. Зуг Иисус эдниг һарһҗ көөһәд, күүкнә эк-эцк хойринь болн ирсн һурвн сурһульчан авад күүкн кевтсн хораһур орв.
41
42
43
41. Күүкиг һараснь авад, Иисус келв: «Талифа куми.» 42. Эн үгмүдин чинр иим: «Күүкн, Би чамд келҗәнәв: Бос!» Арвн хойр зембл үлдсн өдмгәр болн заһсар дүүрв.