Марк 15 белг.
1
2
3
1. Өр цәәҗ йовсн цагла Иисусин тускар медәтнр дегтр бичдг, Бурхна ах әрүн улс болн цуг синедрион селвлцәд шиидцхәҗ. Эдн Иисусиг күләд Пилатур авч оч.
2. Пилат Терүнәс сурҗ: Чи Иудеин хан болҗахмбч? Иисус хәрү өгв : “Чи тиигҗ келҗәнәч.”
3. Бурхна ах әрүн улс Иисусиг ийр икәр гемшәцхәв.
4
5
4. Тиигхлә Пилат дәкн Иисусас : “Кесг күн Чамаг гемшәхин төлә герчлҗәхнь Чи үзҗәнәч? Теднд хәрү юңгад эс өгнәч?”
5. Болв Иисус нег чигн гемшәлһна хәрү өгсн уга, тегәд Пилат йир икәр өврәд бәәв.
6
7
8
6. Паасхин сән өдрлә Пилат тер цагт бәәсн авчясар нег кү түүрмәс сулдхдг бәәҗ. Ямаран кү түүрмәс сулдххнь олн әмтн шүүҗ авдг бәәҗ.
7. Тер цагт Варрава түүрмд сууҗ, эн эврәннь буцлт кесн әмтнлә хамдан кү алсмн бәәҗ.
8. Дала әмтн цуглрад , Пилатыг байрин өдрлә түүрмәс нег кү сулдхтха гиҗ сурҗ.
9
10
11
9. Пилат эднәс сурҗ: “Тадн намаг Иудеин улсин хааг сулдхтха гиҗ сурхар бәәнәт?
10.Бурхна әрүн ахулс Иисуст үлү үзәд, тегәд Терүг зарһд бәрүлснь Пилат медчксмн.
11. Пилатас Варравиг сулдххин төлә суртн гиҗ, Бурхна ах әрүн улс олн әмтиг күчәр түкрсмн.
12
13
12. Пилат теднәс сурв : Иудеин хан гиҗ тадн нерәддг Иисусла би ю кехмб?
13. Тедн хәәкрлдәд бәәҗ : “ Кирстд хадтн.”
14
15
14. Пилат сурв : “Ямаран му юм Тер кесмб?” Зуг эдн улм чаңһур хәәкрлдв : “Кирстд хадтн”
15. Тегәд Пилат олн әмтнд сән болҗ үзгдхәр , Варравиг сулдхв, болв Иисусиг цокад, кирст хадтн гиҗ закв.
16
17
18
16. Салдсмуд Иисусиг бәәшң дотр бәәсн преторийд орулад, цуг цергән цуглулв.
17. Тедн Иисуст улан өңгтә хаана хувц өмскәд, толһа деернь хатханчгар гүрсн титм өмскәд
18 инәлдәд,наад бәрәд келв : “Иудеин Хан! Байрл!”
19
20
21
19. Тедн Иисусиг бураһар толһаһарнь цокад, Терүнүр нульмад, наад бәрәд , өвдг деерән сөгдцхәв.
20. Тедн Иисусар наад бәрснә хөөн, улан өңгтә хаана хувцинь тәәләд, Бийиннь хувцнь өмскәд, кирст хадулхар көтләд йовв.
21. Эн цагла Симон нертә Кирияна күн, Александр Руф хойрин эцк, тәрәнәс йовҗ йовсмн. Симон теднә өөр йовхлань , энүг күчәр Иисусин кирс авч йовтха гиҗ закв.
22
23
24
22. Иисусиг “Маңнан орм” нертә Голгоф гидг һазрур авч ирҗ.
23. Иисуст миррин уста чаһр уутха гиһәд өгхлә, Иисус уусн уга.
24. Салдсмуд Иисусиг кирст хадчкад, эдн җирв хаяд, Терүнә хувц хоорндан хувацхаҗ.
25
26
27
28
25. Һурвн час болсн цагла Иисусиг кирст хадсмн.
26. Иисусин толһа деер тедн эврәннь дурар гемшәҗәх цаас наалдулҗ.Эн цаасн деер тедн иигҗ бичсмн : “Иудейин Хан”
27. Терүнә өөр хойр деермч күн бас кирст хадгдв : негнь – барун талас, хойрдгчнь – зүн талас.
28. Тиигҗ Бурхна Үгд бичснь күцв : «Тегәд Терүг деермчнрлә әдлцүлв. (әдл гиҗ санв )
29
30
29. Эн цагла хаҗуһарнь йовҗ йовсн Терүг му келәд, хәәкрлдәд бәәв.
30. Эдн толһаһарн заңһад , наад бәрәд келцхәҗ : “Чи сүмиг хамхлад, һурвн хонгин туршарт тосххв гиҗ келләч. Ода Бийиннь әмән харсад , кирсәс бу.”
31
32
31. Бурхна ах әрүн улс дегтр бичдг улсла бас Иисусар наад бәрәд, инәлдәд, нег-негндән келцхәҗ : “Талдан улс аврдг, болв Эврә Бийән аврч чаддго.
32.Ода Христос , Израилин хан болхла кирсәс бууһад ирхлә, тегәд бидн Иисуст иткхвидн.” Терүнлә хамдан кирст хадгдсн деермчнр Терүг бас му келцхәҗ.
33
34
35
33. Зурһан часас авн йисн час күртл цуг һазр деер харңһу болв.
34. Йисн час болҗ йовхла, Иисус чаңһур хәәкрв : “Элои! Элои! Ламма савахфани? Тернь - эн : “Бурхн Мини ! Яһад Та Намаг үлдәвт?”
35. Тенд зогсҗасн улсин зәрмнь энүг соңсчкад келцхәҗ : “ Тер Илияг дуудҗана?”
36
37
38
36. Теднәс негнь дарунь гүүҗ одад, кенчриг уксусар норһад, бура деер бооһад Иисуст уутха гиҗ өгәд келв : “Хәләхм, Илия ирҗ Терүг кирсәс буулһҗ авхий ?”
37. Иисус чаңһур хәәкрв, әмнь һарч одв.
38. Тер дарунь һол сүмин көшг деерәс авн дора күртл тасрҗ одв.
39
40
41
39. Римин цергин толһач Иисусин әмнь һарсинь үзәд келв : “Эн йоста Бурхна Көвүн бәәҗ!.”
40. Тенд холас хәләһәд, цугнь үзсн күүкд улс билә.Тенд дунд Мария Магдалена, Мария , Иаковин болн Иосин эк, болн Саломия
41. Эдн Иисусин ардас ирсмн, Терүнд Галилейд нөкд болсмн бәәҗ. Иисусин ардас дахад, Иерусалимд ирсн талдан чигн дала улс тенд бәәсмн.
42
43
44
42. Суббот өдрин өмн асхн билә,
43. Арифафеяс Иосиф гидг күн ирҗ. Иосиф Деед хургт орлцдг болн Теңгрин Бурхна орн-нутг ирхнь күләдг бәәсмн.Эн күн зөрмгтәһәр Пилатур орад, Иисусин цогц өгтн гиҗ сурсмн.
44. Иисусин әмнь иим шулун һарснднь Пилат алң болад, цергин толһачиг дуудад сурв: “Иисусин әмнь кезә һарв?”
45
46
47
45. Цергин толһачас Иисусин әмнь һарснь медәд, Пилат цогцнь Иосифт өгв.
46. Иосиф некмр эд хулдҗ авад, Иисусин цогц кирсәс буулһв. Эн некмр эдар Иисусин цогц ораһад, уулын көндәд чавчсн шин оршалһна яршгт тәвв. Оршалһна яршг бәәсн уулын көндән үүдиг ик чолуһар тулчкв.
47. Иисусин цогцинь альд тәвсинь Мария Магдалена болн Иосиин эк Мария үзчхәҗ.