Марк 14 белг.
1
2
1. Паасхин болн эс искәсн һуйрин байрин өдр иртл хойр өдр үлдсмн.Дегтр бичдг болн Бурхна ах әрүн улс Иисусиг нуувчар бәрҗ авад алхар ухалцхаҗ.
2. Эдн хоорндан келцхәҗ : “Байрин өдрлә Иисусиг бәрҗ болшго, юңгад гихлә олн әмтн үүмлдәд буцлдх.
3
4
5
3. Иисус Вифаньд бәәсн цагт, хальдвр гемтә Симона герт одад , хот уудг ширән өмн суусмн. Күүкд күн Симона герт орад, Иисусур өөрдв, энүнә һартнь алебастрас кесн буһшд эрднь тосн билә. Эн күүкд күн буһшин амнь секәд, Иисусин толһа деер кеһәд бәәв.
4. Тенд суусн әмтнә зәрмнь уурлад, нег-негндән келцхәҗ : “Яһад тоолвр угаһар мөңг һарһҗахмб?
5. Эн үнтә тосиг хулдҗ болх билә, һууль һууҗҗах әмтнд мөңгинь өгхмн билә.” Эдн күүкд күүг гемшәһәд бәәҗ.
6
7
8
9
6. Болв Иисус келсинь медәд, теднд келв : Юңгад эн гергиг эмәлһәд бәәнәт? Эн Нанд ик сән керг кеҗәнә.
7. Юңгад гихлә һууль һуудг улс кезә чигн таднла бәәх, болв Би таднла оньдинд бәәшгов.
8. Эн гергн Мини цогциг оршалһнд белдв, эн бәәсәрн , чадсарн Нанд ик керг кеһәд, нөкд болв.
9. Таднд үнәр келҗәнәв : “Альд болв чигн , цуг делкәд Байрта Зәңг келгдхлә, эн гергиг мартшго, ю кесинь бас төрүц мартгдшго – олн әмтнд келгдәд бәәх.”
10
11
10. Иуда Искариот гидг нертә арвн хойр сурһульчнрин негнь Иисусиг бәрҗ өгхәр седәд, Бурхна ах әрүн улсур ирв. Энүг Бурхна ах әрүн улс соңсад, икәр байрлад, энүнд мөңг өгх болҗ. 11. Түүнә хөөн эн Иисусиг бәрүлх эвтә цаг хәәдг болв.
12
13
14
12. Эс искәсн һуйрин байрин түрүн өдр ирв. Эн өдр пасхальный хурһ алад белдг бәәсмн, сурһульчнрнь Иисусас сурв: “Паасх байрин хот Та альд эдлх санатавт? Мадн одад белдәнвидн.?
13. Иисус хойр сурһульчдан келв : “Балһс ортн.Тенд буһшта ус авч йовсн кү үзхт.
14.Энүнә ардаснь дахтн, орсн гертнь орад, герин эзнднь Мини келсн үг келтн : “Би сурһульчнртаһан Паасх байрин хот альк хорад эдлҗ болхинь танас сурҗанав.”
15
16
15. Герин эзн таднд у болн өргн , деер белдчксн хора үзүлх.Эн хорад Паасхин хот белдтн, “ – гиҗ Иисус Эврәннь сурһульчнртан келв.
16. Балһс орад йовсн сурһульчнрнь тер күүнә герт, деерк хоранднь Иисусин келсәр Паасхин асхни хот белдв, тиигҗ Иисусин келсн үгнь цуһар күцв.
17
18
19
17. Тенд Иисус арвн хойр сурһульчнртаһан Паасхин асхни хотан эдлцхәв.
18. Тедн хот эдлҗәх цагла Иисус келв : «Таднд үнәр келҗәнәв: тадна негнтн Намаг бәрүлҗ өгх .”
19. Тенд йир икәр һундад, күн болһн Терүнәс сурв : “ Би биший?”
20
21
20. Иисус келв : “Таднас, арвн хойрас негнь Нанла һарарн нег ааһд шүүслсн , тер Намаг бәрәд өгх.
21. Болв Күмни Көвүн Бурхна Үкд бичгдсн хаалһар йовҗ йовна. Зуг Күмни Көвүг бәрүлҗ өгсн күн зовлң эдлх, тер күн төрлго бәәсн болхнь , сән болх билә.”
22
23
24
25
22. Хот эдлҗәсн цагла, Иисус өдмг авад, әдсләд, хуһлад, сурһульчнртан өгәд келв : “Авад идтн. Эн Мини цогц.»
23. Дарунь ааһ авад, ханлтан өргәд, эднд өгв. Цуг сурһульчнринь ааһас уув.
24. Иисус эднд келв : Эн Мини Шин бооцана цусн, олн улсин килнцс тәвүлхин төлә асхрҗах.”
25. Таднд үнәр келҗәнәв : “ Уста үзмин темсәс тер өдр күртл уухшв, шин чаһр Мини Теңгрин эцкин орн-нутгт уутл.”
26
27
26. Иисус эднд келв: “Эн сө тадн итклән геһәд, Намаг үлдәхт, юңгад гихлә бичәтә : 27. Хөөчиг алхла – хөд тарҗ одх.
28
29
28. Болв хөөнь Би әмдхв. Би Галилейд тадниг күләхв.”
29. Петр Иисуст келв: “Цугтан Таниг үлдәв чигн, би төрүц цөкрлшгов”
30
31
30. Иисус Петрт келв : “Үнәр чамд келҗәнәв, эн сө эр така хойр дәкҗ хәәкрлт, чи Нанас һурв дәкҗ цөкрхич”.
31. Зуг Петр улм чаңһур давтв : “Кемр нанд Танла хамдан үкх учр харһвчн, би Танас хооран цухршгов.” Цуг сурһульчнрнь бас тиигҗ келцхәв.
32
33
34
32. Гефсимания гидг һазрур эдн ирхлә, Иисус Эврәннь сурһульчнртан келв : “Би одад зальврнав, тадн Намаг энд күләҗәтн.”
33. Иисус Бийләһән Петриг , Иаковиг болн Иоанниг дахулв. Зовлң болн һашудлһн Иисусин зүркнь үүмүлв.
34. Иисус эднд келв : “Мини седкл үкм дүңгә зовҗана.Мини өөр серглң бәәтн, бичә унттн.”
35
36
35. Тер невчк хооран һарад, һазр деер чирәһән киисәд, эн зовлңгас хәәрлхин арһ бәәвзә гиһәд зальврв.
36. Иисус келв: “Аава! Эцк Мини! Та цугинь чаднат. Арһ бәәхлә, эн ааһ мини хәврһәр һарһтн.Болв Миниһәр биш, Танаһар болтха!”
37
38
39
37. Иисус хәрү сурһульчнр талан ирәд, тедниг унтснь үзв. Петрт келв : “Симон! Чи унтвчи? Нег частан чи унтлго бәәҗ чадҗахшийт?
38. Җилвтлһнд орлго бәәхин төлә, серглң бәәтн, зальвртн.Сүмсн сергмҗтә, чидлтә, цогц чинән – чидл уга.
39. Иисус теднәс невчк цааран һарад, келсн үгән дәкн давтад зальврв.
40
41
42
40. Иисус ирәд дәкн тедн унтснь үзв, юңгад гихлә теднә нүднә зувкнь күндрҗ оч. Эдн нүдән секҗ чадлго, ю келхән медсн уга.
41. Һурвдад Иисус ирәд эднд келв : “Тадн одачн амрад, унтад бәәнтә?Болҗана.Цаг ирв. Күмни Көвүн килнцтә әмтнә һарт бәрүлҗ өггдх.
42. Бостн, йовий, цаатн Намаг бәрүлҗ өгх күн өөрдәд аашна.
43
44
45
46
43. Иисус үгән келә бәәтл, Иуда ирв, эн арвн хойр сурһульчнрас негнь билә. Энүнлә үлдтә җидтә дала әмтн ирҗ. Эдниг медәтнр, дегтр бичдг болн Бурхна ах әрүн улс илгәҗ.
44. Урвач Иуда тер улсла үгцәд күүндәд авчкад, иигҗ келв : “Мини үмссн – Иисус болх, Терүг бәрҗ авад, харулд өгтн.”
45.Иуда шулуһар Иисусур өөрдәд, үмсәд келв :”Багш”
46. Тиигхлә эдн Иисусиг бәрәд авчкв.
47
48
49
50
47. Иисуста бәәсн әмтнәс негнь һаран өмнәгшән татад, үлдән һарһҗ авад, Бурхна ах әрүн ах күүнә мухлаг цокхла, үлднь терүнә чикинь тәәрчкв.
48. Иисус эн әмтнд келв : “ Тадн үлд болн җид авсн, Намаг бәрхәр ирвт, Намаг деермч гиҗ санҗанат? Өдр болһн Би таднла сүмд сууһад, тадниг сурһдг биләв. Намаг тадн көндәсн угат. 49. Болв урдаснь медҗ әәлдәч Бурхна Бичгт бичснь күцгдтхә.
50. Тиигхлә цуг сурһульчнрнь Иисусиг үлдәчкәд, гүүһәд йовҗ одцхаҗ.
51
52
51. Зуг нег баахн көвүн Иисусин ардаснь дахҗ йовсмн. Эн бийән хучаһар бүрксн йовҗ.
52. Цергчнр энүг бәрҗ авхар седхлә, тер бийән бүрксн хучаг теднә һарт үлдәһәд, бийнь хувцн уга, нүцкәр гүүҗ оч.
53
54
53. Иисусиг Бурхна әрүн ах күүнүр авч ирҗ, тенд цуг медәтнр, дегтр бичдг болн Бурхна ах әрүн улс цуглрсн бәәҗ.
54. Петр Иисусин ардас хол биш йовад, Бурхна әрүн ахин хаша дотр орв. Тенд эн ялчнрта шачах һалын өөр дуладад суув.
55
56
55. Бурхна ах әрүн улс болн цуг синедрион Иисусиг гемшәхәр седәд, үклин засчла харһулх герчллһс хәәвчн, зуг олҗ чадсмн уга.
56. Кесгнь Иисусиг гемнхәр худл герчлһс келвчн , теднә худлнь нег-негнләһән ирлцсмн уга.
57
58
59
57. Зәрмнь босад дәкн худл Иисусин тускар келцхәҗ:
58. “Мадн Иисус иигҗ келҗәснь соңславидн : “Би эн әмтнә тосхсн сүм хамхлад, һурвн өдрин туршарт әмтн эс тосхдг сүм босхҗ чадхув.”
59. Зуг эн герчллһн күцц эс болсмн.
60
61
62
60. Тиигхлә Бурхна әрүн ах күн босад, Иисусас сурв : “Юңгад Чи хәрү эс өгнәч? Юңгад эдн Чамаг гемшәҗәхмб?
61. Болв Иисус тагчг билә , нег чигн үг келсн уга. Бурхна әрү ах күн дәкн Терүнәс сурв : Чи Христосвч? Әдстә Бурхна Көвүн болҗанач?
62.Иисус келв :”Э-э,Би. Тегәд Күмни Көвүг Бурхна барун тал сууснь болн наран теңгрин үүлд деер аашсинь тадн үзхит”.
63
64
65
63. Тиигхлә Бурхна ах әрүн күн эврәннь хувцан шуучад келв : “Тадн соңсвт? Түүнәс үлү ямаран герч таднд кергтәв?
64.Тадн Бурхиг му келҗәснь соңсвт? Тегәд тадн энүнә тускар ю келцхәнәт? Тедн цуһар Иисус үкх зөвтә гиҗ келцхәв.
65. Зәрмнь Иисус деер нульмад, нүднь бооһад, чирәһәрнь цокад келҗ : “Кен цокснь әәлдҗ кел? Зарцнр бас Терүг цоксмн.
66
67
68
66.Петр ардк хашад бәәсн цагла Бурхна ах әрүн күүнә нег зарц күүкд күн ирҗ.
67. Эн Петриг һалын өөр сууснь үзәд, сәәнәр Петриг хәләчкәд келв : “Назаретин Иисусла чи бас биләч?”
68. Зуг Петр гөрдәд келв: “Чини келсичн би медҗ чадҗахшв”. Тегәд Петр өмнк хашаһур һарч йовхла , эр така хәәкрв.
69
70
69.Зарц күүкд күн дәкн Петрин үзчкәд, өөрән бәәсн әмтнд келв : “Эн бас Назаретин Иисусин үр.”
70. Петр дәкн Иисусиг меддгов гиҗ гөрдв. Невчкн цаг давҗ одхла, тенд зогсҗасн әмтн дәкн Петрт келцхәв : “Чи теднә негнь болҗанач, юңгад гихлә чи Галилеяс”.
71
72
71. Тиигхлә эн андһар өгч келв : “Тана келҗәсн күүг би меддгов”
72. Дарунь эр така хойрдад хәәкрҗ, тегәд Петрин сананднь(уханд) Иисусин келсн үгмүд сангдв : “Эр така хойрдад хәәкрлтн, чи һурв дәкҗ Намаг меддгов гиҗ гөрдхч (келхич).Тегәд Петр һашун нульмсан асхрулад уульв.