Марк 13 белг.
1
2
1.Иисусиг Иерусалимин сүләс һарч йовхлань, Терүнә нег сурһульчнь келв : “Багш!Эн бәәшңгүд ямаран үнтә сән чолуһар бәрснь хәләһит.”
2. Иисус энүнд хәрү өгв : “ Ик бәәшңгүдиг үзҗ бәәнч? Цуг эн хамхрад хольврҗ одх, чолун деер чолун үлдшго.”
3
4
3. Иисус Элеона уул деер сүмин өмн суутл, Петр, Иаков, Иоанн болн Андрей ирәд сурв ;
4. “Кезә эн болхмб? Цуг Тана келссн юмн кезә болхнь ямаран темдг медүлхмб?
5
6
5. Иисус эднд экләд келв: Болһатн, саглҗ бәәтн! Тадниг кен чигн худл үг келәд, бий талан татад төөрүлхәр седх.
6. Юңгад гихлә кесгнь Мини Нерәр ирәд : “Би Христосв,” – гиҗ келәд олн әмтиг меклх.
7
8
7. Кемр тадн холд болн өөрхнд болсн дәәнә тускар соңсхларн, бичә әәцхәтн , юңгад гихлә тер болх зөвтә, зуг эн чилгч биш.
8. Келн-әмтн нег- негнәннь өмнәс босад буцлтх болн орн-нутгуд хоорндан бас босад буцлтх.Энд-тенд һазрин чичрлһн болн харһнлһн болх. Цуг эн күүкд күүнә цаһан төр болҗах зовлңгин эклцтә әдл.
9
10
9. Тадн болхла, саглҗ бийән хәләҗ бәәтн. Нанас көлтә тадниг зарһд өгх болн синагогмудт цокх. Мини тускар үн келҗ өгхин төлә болн герчлхин төлә, хаадудын болн толһачнрин өмн тадниг зогсах.
10. Болв түрүләд Мини туск Байрта Зәңг цуг келн-әмтнд цәәлһҗ келгдхнь лавта.
11
12
13
11. Тадниг бәрҗ авад, толһачнрин , хаадудын өмн зогсахла, тедн ямаран үг келхән урдаснь бичә ухалҗ зовтн.
Тер цагт Бурхна өгсн үгмүд келтн, юңгад гихлә тадн биш , Әрүн Сәкүсн келх.
12. Ахнр нег-негән бәрүлҗ өгх болн эцкнь эврәннь үрән бәрүлҗ алулх.
13. Мини Нернәс көлтә цугтан таднд дурго болх. Зуг сүл күртл, эн дала зовлң тессн болн даасн күн-авргдх.
14
15
16
14. Әәлдәч Даниилын келсәр-умшҗасн әмтн меддтхә - әрүн ормд цань уга җигшүртә юм үзхләрн Иудейд бәәсн улс уул тал гүүтхә.
15. Герин ора деер бәәснь, бууҗ герүрн хувцан авхар бичә ортха.
16. Кеер бәәснь хувцан авхар хәрү гер талан бичә эргҗ иртхә.
17
18
19
20
17. Тер өдрмүдт саата болн көкүл күүкд улс ик зовлңгта болх.
18. Киитн үвләр тер өдрмүд бичә болтха гиҗ зальвртн
19. Юңгад гихлә тер цагт һашута болн йир уйдлта (зовлңгта) юмн болх . Тиим юмн нарта орчлң Бурхн үүдәснәс нааран ода күртл үзгдсн уга. Хөөннь чигн тиим юмн үзгдшго.
20. Кемр тер өдрмүдиг Бурхн эс ахрдулсн болхла, нег чигн күн әмд үлдшго, авргдшго билә. Зуг эврәннь шүүҗ авсн улсин төлә Бурхн тер һашута өдрмүдиг ахрдулх.
21
22
23
21. Кемр таднд кен болв чигн келхлә : “Христос эн бәәнә эс гиҗ Христос тенд бәәнә,” – гиснднь бичә итктн.
22. Юңгад гихлә худлч “Христосмуд” болн худлч әәлдәчнр ирх цаг болх.Тенд Бурхнд иткдг, Бурхн “шүүҗ авсн улсиг меклхәр, төөрүлхәр седәд ик өвәрцс болн темдгүд үзүлх.
23. Би таднд эртәснь тодрхаһар цәәлһҗ, медүлҗ келҗәнәв, тегәд оньган өгәд, ухалад, бийән саглтн.
24
25
26
27
24. Тер һашута , зовлңгта өдрмүдин хөөн нарн харңгурдх, сар герл өгдгән уурх.
25. Теңгрин оддуд унх, теңгрин чидл нәәхлҗ көндрх.
26. Тегәд Күмни Көвүн алдр туурмҗтаһар болн чидлтәһәр үүлн деер ирҗ йовхинь цуг әмтн үзх.
27. Эврәннь шүүҗ авсн улсан дөрвн үзгәс,һ азрин захас теңгрин зах күртл цуглулхин төлә эврәннь элчнрән тәвх.
28
29
28. Үлгүрләд келхлә, инҗрин мод авхмн : терүнә бурас җөөлрәд бәәхлә, зун өөрдҗ ирсинь тадн меднәт.
29. Терүнлә әдл, цуг келсн тоот күцҗәхнь үзхләрн , тадн эн цагин ирлһн өөрхн, үүднә өөр бәәхинь медәд автн.
30
31
32
30. Үнәр Би таднд келҗәнәв : “Эн үйнр чиләд уга бәәтл, цуг эн юмн ирх,
31.Теңгр һазр хойр уга болх, уурх, зуг Мини келсн үгмүд мөңкинд сольгдшго.
32. Тер өдрмүд кезә ирхинь нег чигн күн медхш. Бурхна Элчнр чигн болн Күмни Көвүн медхш.Һанцхн Мини Эцкм меднә.
33
34
33. Бийән саг-сергг бәртн, юңгад гихлә кезә тер цаг ирхнь тадн медхшлмт.
Иисусин келсн цецн келврин һол ухан ирх цагла ирлцүлҗ болхмн.
34. Нег күн гертәсн холагшан һарад йовҗаһад, цуг ялчнртан даалһввр өгв. Үүд манҗасн ялчд оньдин белн болтха гиҗ эзн закв.
35
36
37
35. Бийән саг-сергг бәртн! Яһад гихлә герин эзн кезә ирхнь тадн медҗәхшт.Эзн сөөни өрәллә чигн, өрүн өрлә чигн, асхндан чигн, эр така хәәкрлһнлә эзн күн ирҗ чадх,Тадн терүгнь медҗәхшт.
36. Тадниг унтсн цагла, герин эзн бичә генткн иртхә.
37. Биийән саг-сергг болн оньдин белн бәртн гиҗ, Би таднд болн цуг әмтнд келҗәнәв.”