Марк 12 белг.
1
2
3
1. Иисус эднд цецн келвр экләд келв: “ Нег күн уста үзм тәрәд, шахдг нүк малтад, деернь харулын гер тосхад хашалчкҗ. Энүгән эзн уста үзм тәрҗ урһадг көдлмшчнрт даалһҗ өгәд, бийнь йовҗ одв.
2. Уста үзмин темс цуглулхин цаг ирхлә, эзнь эврәннь ялчан тер көдләчнр тал темсән авхар илгәв.
3. Зуг көдләчнр ялчинь бәрҗ авад, цокад, юм өглго көөчкҗ.
4
5
4. Тиигхлә эзн теднүр талдан ялчан тәвҗ, зуг көдләчнр эн ялчинь му келәд, нернь һутуһад, толһаһинь цоолҗ.
5. Тегәд эзн һурвдгч ялчан тәвҗ, зуг тедн терүг алчкҗ.
6
7
6. Терүнә хөөн эзн кесг кү эврәннь уста үзмин һазрт көдлҗәсн улсур илгәсмн, зуг тер көдләчнр илгәсн улсиг зәрмнь - цокад, наадкснь – алсмн.
7. Сүүлднь , эзн эврәннь көвүһән илгәһәд келв : “Мини көвүнәс ичх, эмәх.”
8
9
8. Көдләчнр көвүһнь үзчкәд келв: “Тер өнчән авх көвүнь. Терүнә әминь өнчинь эзлҗ авхмн.”
9. Көдләчнр көвүһинь бәрҗ авад, алад уста, үзмин һазрас һарһад хайчкиҗ.
10
11
12
10. Тегәд уста үзмин һазрин эзн ирхләрн көдләчнриг яахмб? Эн ирәд , хар саната, көдләчнриг алад, уста үзмин һазран талдан улст өгх.
11. Тадн Бурхна Бичгт төрүц умшсн угавт : тосхачнрин һолсн чолун герин өнцгин һол чолун болв.
12. Эн Бурхнас ирсн өвәрцс маднд өврмҗ болҗану?”
13
14
15
13. Иисус эн цецн келвртән теднә тускар келҗәхнь дотран медәд, Иисусиг тедн бәрҗ авхар седҗ, зуг олн әмтнәс әәҗ. Тегәд Иисусиг үлдәһәд, тедн йлвҗ оч.
14. Терүнә хөөн Иисусиг келсн үгәрнь бәрҗ авхин төлә, эдн зәрм фарисеймудыг болн Иродын улсиг Терүнүр тәвҗ.
15. Тедн ирәд, Иисуст келҗ: “Багш! Та үнәр келҗ, Бурхна үгәр дасхнат, гиҗ меднәвидн ,юңгад гихлә Та күүнә чирә хәләлго, үн келнәт. Тана ухаһар болхла, маднд кесаврт алв өгч болхий аль угай? Кесаврт алв өгсмн аль угай?”
16
17
16. Болв Иисус мекнь медсмн, тегәд теднд келв : “Тадн Намаг юңгад келсн үгәрм бәрҗ авхар бәәнәт? Алв өгдг деншгән авад иртн, үзүлтн.”
17. Тедн деншг авч ирв. Тегәд Иисус эднәс сурв : “Кенә зург болн тәвсн һар эн деншгт зурата? Эдн келв : “Кесарин”
18
19
18. Тиигхлә Иисус эднд келв : “Кесарин юмиг кесарьт өгтн . Бурхна юмиг Бурхнд өгтн.”
Тер хәрүһинь соңсад,тедн алң болв.
19. Хөөннь Иисусур әмдрлһнд иткдго садукеймуд ирәд сурв :
20
21
22
23
20. “Багш! Моисей келсмн : кемр үрн уга бәәсн күн өңгрхлә, тер күүнә ахнь эс гиҗ дүнь белвсн үлдсн гергнь ахиннь тохминнь шинрүлхин төлә бийдән авх зөвтә.
21. Мадн долан ах-дүүнр биләвидн.Ууһн ах гер авад өңгрҗ одв. Эн үрн уга билә.
22. Хойрдгч ахнь эн гергиг авад бас өңгрҗ одв , эн бас үрн уга билә. Һурвдгч ахтань бас тиим юмн учрв.
23. Эн гергнлә долан ах- дүүнр гер авад, бәәһәд өңгрсмн, зуг цуһар үрн уга бәәсмн. Хамгин сүүлднь гергн өңгрҗ.
24
25
24. Тегәд әмдрнә хөөн, эн кенә гергн болхмб? Юңгад гихлә эн цуһараһиннь гергн болсмн.»
25. Иисус келв: “Тадн Бурхна Әрүн Үг болн Бурхна чидл-күч медҗәхшит,тегәд чигн эндүрҗәнәт.
26
27
26. Юңгад гихлә әмдрснә хөөн гер авдмн биш, хәрд һардм биш, зуг Бурхна элчнр болад бәәдм.
27. Өңгрсн улс әмдрх гиҗ Моисейин дегтрт бичәтә бәәснь, тадн умшсн угавт? Бурхн Мойсейд у тернового куста иигҗ келсмн. “Би – Авраамин Бурхн, Исаакин Бурхн болн Иаковин Бурхн!”
28
29
30
31
28. Эн Бурхн үксн улсин биш. Эн Бурхн әмд улсин Бурхн , Тегәд тадн йир икәр эндүрҗәнәт.”
29. Эн зүтклдә нег дегтр бичдг күн соңссмн болн үзсмн. Иисусин өгсн хәрүһинь таасад, өөрдәд Терүнәс сурв : Багш! Хамгин ик заавр ямаран?
30. Иисус энүнд келв: “Хамгин түрүнк ик заавр : “Израиль, соңс! Мана Деед Эзн Бурхн – һанцхн Бурхн.”
31. Эврәннь Деед Эзн Бурхндан цуг зүркәрн, цуг седкләрн ,цуг чидләрн болн цуг ухаһарн – дурл! – эн түрүңк заавр.
32
33
34
32. Хойрдгч заавр: “Бийләһән әдл эврәннь өөрән бәәсән дурл.”. Эн хойр заавр ик чинртә болн эднәс давунь уга.”
33. Тер дегтр умшдг күн келв: “Йир сән, Багш! Та үнәр келвт : Бурхн негн, һанцхн.Терүнәс талдан Бурхн уга.
34. Тегәд Бурхиг цуг зүркәрн, цуг ухаһарн,цуг чидләрн, цуг седкләрн дурлҗ болн өөрән бәәсән бийләһән әдл дурлсн – энүнәс даву юмн уга, эн цуг бәрцәс даву болҗана.
35
36
37
35. Иисус ухатаһар өгсн хәрүһинь үзәд, энүнд келв: “Чи Теңгрин Бурхна орн-нутгас хол биш, өөрхн бәәнәч.” Терүнә хөөн нег чигн күн Иисуст сурвр өгч чадсн уга.
36. Иисус сүмд цааранднь дасхв : «Христос – Давидин көвүн гиҗ юңгад дегтр бичдг улс келцхәнә?”
37. Давид бийнь Әрүн сәкүсәрн келсмн : Деед Эзн мини Деед Эзнд келв : “ Мини барун бийд су, Чини хортдудиг Чини көлд тәвтл.”
38
39
40
38. Тегәд Давид Терүг Мини Деед Эзн гиҗ нерәдҗәхлә, яһад Эн энүнә көвүн болҗахмб? Дала әмтн Иисусиг йир таастаһар соңссмн.
39. Цааранднь Иисус иигҗ дасхв : “ Олн әмтнә хургт күндлснд болн ут хувц өмсхдән дурта дегтр бичдг улсас бийән саглтн.
40. Нәр болсн цагт ачта ормд кевтхдән дурта, синагогмудт болхла деегшән һарад суухдан дурта улс.
41
42
41. Эдн белвсн күүкд улсин герт одад, ик олз бийдән төлә, худлар удан зальврцхана. Тегәд эдн ик догшар цааҗла харһх? (цааҗлгдх)
42. Терүнә хөөн Иисус сүм дотр бәрцин хәәрцгин сууһад, яһҗ әмтн мөңг тәвсинь хәләсм. Кесг байн улс далаһар тәвҗ.
43
44
43. Нег угатя белвсн күүкд күн ирәд хойрхн деншг тәвҗ, тернь кодрант
болҗана. Иисус Эврәннь сурһульчнран дуудад келв: «Би таднд үнәр келҗәнәв, эн угатя белвсн гергн цугтаһаснь икәр хәәрцгт тәвв,
44.Юңгад гихлә цуг әмтн эврәннь байн зөөрәсн тәвв, зуг белвсн күүкд күн угатя болад, бәәсн эдлвриннь мөңгән цугтаһнь бәрцд тәвв.