Марк 16 белг.
1
2
1. Бурхна Суббот өдр давхла, Мария Магдалена , Иаковин эк Мария болн Саломия сәхн каңкнсн үнртә тос хулдҗ авад, Иисусин цогцинь тосар түркхәр ирҗ.
2. Долан хонгин түрүн өдрин өр цәәһәд, нарн һарч йовхла, эдн хадын көндәд бәәсн оршалһна һазрур ирв.
3
4
3. Эдн тигәрән йовҗ йовад, нег-негнәсн сурлдад бәәсмн : “ Оршалһна яршг бәәсн хадын көндән үүдиг тулчксн ик чолуг кен маднд нөкд болҗ хооран түлкҗ өгхмби?”
4. Болв эн күүкд улс ирәд, тер ик гидг чолуг хадын көндән үүднәс цааранднь түлкәд тәвчкснь үзв.
5
6
7
5. Эдн хадын көндәд бәәсн оршалһна һазрур орад, баһ наста, цаснла әдл цаһан хувцта көвү барун бийд сууснь үзв. Ик гидгәр эн күүкд улс әәһәд, чичрәд бәәсмн, зуг эн келв :
6.Бичә әәтн .Тадн кирст хадгдсн Назаретин Иисусыг хәәҗәнәт? Тер эдн уга. Тер әмдрлә! Терүнә кевтснь ормнь эн бәәнә.
7. Ода шулуһар йовад, Терүнә сурһульчнрт болн Петрт келтн. Иисус таднас түрүләд Галилейт тадниг күләҗәнә. Урднь Иисус келсәр, тадн Терүг Галилед үзхт”
8
8. Икәр әәсн болн өврсн күүкд улс оршалһна һазрас һарад ирув.Тегәд тедн йир икәр әәсндән, нег чигн күүнд юм келсмн уга бәәҗ.
9
10
11
9. Долан хонгин түрүн өдрин өрүн өрлә Иисус әмдрәд, Мария Магдаленд түрүн болҗ үзгдҗ ирсмн. Эн Марияс Иисус урднь долан хар сәкүс көөҗ һарһсмн.
10. Мария Магдалена йовад, Иисусиг дахсн улст үзсән келҗ өгсмн эдн Иисуст санань зовад, , уульдад, һундад бәәсн бәәҗ.
11. Болв Иисус әмдрәд, Марияд үзгдҗ ирснь(ирснднь) эдн итксмн уга.
12
13
12. Терүнә хөөн Иисус талдан бәәдл дүрстәһәр селәнүр орҗ йовх хойр күүнд үзчдәд ирҗ.
13. Тер хойр күн ирәд наадксндан эн йовдлын тускар келхлә, болв тедн тер хойрт бас итксмн уга.
14
15
16
14. Терүнә хөөн арвн негн сурһульчнртан хот ууҗахлань Иисус ирәд үзгдҗ.Иисус сурһульчнран уурлҗ, юңгад гихлә эдн хату зүрктә болн иткл уга болад, Әмдрсн Иисусиг үзсн итксмн уга.
15.Иисус сурһульчнртан келв : Цуг орчлң эргәд, Бурхна Байрта Зәңг цуг келн-әмтнд келәд йовтн.
16. Байрта зәңгд иткәд, килнцән хаяд бийән уснд кирслсн күн – авргдх, әс иткснь – цааҗла харһх.
17
18
17. Байрта Зәңгд итксн улст иим өвәрц темдгүд өггдх : Мини Нерәр хар сәкүсд көөһәд һарһх, шин келмүдәр келх,
18. хорта моһа һарарн аввчн, хор уувчн үкшго, гемтә улст һаран күргхлә – тедн эдгҗ одх.”
19
20
19. Эврәннь сурһульчнртаһан күүндсн хөөн, Деед Эзн Иисус деер теңгрт күрәд, Бурхна барун бийд суув.
20. Сурһульчнринь делкә эргәд, цуг келн-әмнд Байрта Зәңг келәд йовҗана. Эдн альд йоввчн, Деед Эзн Бурхн тедниг хәләһәд ,нөкд болад, теднә кесн юмнь болн келсн үгмүднь өвәрц темдгүдәр оньдин батлад бәәдмн.