Yesus nyemuh ke urang pada ari Sabat ¹ Udah yak Yesus tamak agik ke rumah ibadat. Diak bisik urang te temati jari sepiak. ² Sidak ngelinir ke Yesus, kalau-kalau Ya nyemuh ke mensia yak pada aari Sabat, isak sidak tau nyalah ke Ya. ³ Jekuh Yesus ngau urang te temati jari sepiak yak: "Kituk, bediri de tengah!" ⁴ Udek jekuh Ya ngau sidak: "Ni te tau depulah pada ari Sabat, mulah te baik atau mulah te jaik, nyelamat ke nyawa uraang ataau munuh urang?" Tapi sidak sunyik na. ⁵ Ya piluk medak pengerampak sidak, ngau luat Ya medak sekeliling sidak, lalu banai ngau mensia yak: "Ulur ke jari dirik!" Dulur ke ya jari, lalu semuh. ⁶ Udek keluar uraang-urang Farisi, sekelin yak bepekat ngau urang-urang Herodian untuk munuh Ya. ⁷ Udah yak Yesus ngau bala murid angkat ke danau, mayuh urang re Galilea tamai Ya. Re Yudea, ⁸ re Yerusalem, re Idumea, re seberang Yordan, re daerah tirus ngau Sidon datai mayuh urang ngau Ya, udah sidak ninga semua te depulah Ya. ⁹ Ya nyuruh bala murid nyiap ke perau untuk Ya isak urang mayuh ndai ngampir Ya. ¹⁰ Empadai Ya dah nyemuh ke mayuh urang, nyuruh urang te pedih bedesak-desak kak nyapai Ya. ¹¹ Antik bisik roh-roh jaik medak Ya, sidak jatuk tesungkam de mua Ya, samil menciak: "Mih Anak Allah." ¹² Tapi ya ndai nyagi sidak madah sapa-sapa sapa Ya. ¹³ Udaah yak Yesus naik katau bukit. Ya ngumai sidak te kedekak Ya, sidak pun datai ngau Ya. ¹⁴ Ya netap ke dua belas urang untuk namai Ya ngau untuk dutus Ya madah ke Injil ¹⁵ ngau deberik Ya kuasa untuk ngusir sitan. ¹⁶ Kedua belas urang yak: Simon te dejenang Petrus, ¹⁷ sedua menyadik Yakobus ngau Yohanes anak Zebedeus tedejenang Boanerges, te bereti anak-anak guruh, ¹⁸ udek Andreas, Filipus, Bartolomeus, Matius, Tomas, Yakobus anak Alfeus, Tadeus, Simon orang Zelot, ¹⁹ ngau Yudas Iskariot, te ngehianat Ya. ²⁰ Udah yak Yesus tamak ke sebuah rumah. Maka datai agik urang mayuh begerumung sampai ndai tau ngau makai. ²¹ Rama bala menyanak Ya ninga, sidak datai kak ngamik Ya, empadai jekuh sidak ya ndai antus agik. ²² Ahli-ahli Taurat te datai re Yerusalem banai: "Ia kesarung Beelzebul," ngau : "ngau pengulu sitan Ya ngusir sitan." ²³ Yesus ngumai sidak, lalu banai alam perempamaan: "Tipa Iblis ngusir Iblis? ²⁴ Antik kerajaan pecah belah, ndai sik taua tan, ²⁵ ngau rumah tangak te pecah belah sik ndai tau tan. ²⁶ Piak ugak antik Iblis beruntak ngelawan direk, ya tebagi-bagi, ndai sik tau tan, ancur semua. ²⁷ Tapi ndai sik urang tau tamak ke rumah urang te kuat untuk ngerampas reta bena ya, antik mensia te kuat yaak ndaai dekebat ya lau. Udah yak baruk ya tau ngerampuk. ²⁸ Aku madah kitak: "Semua dusa ngau hujat anak-anak mensia bakal dampun, semua hujat te sidak telah. ²⁹ Tapi apabila urang ngujat Roh Kudus, ya ndai dapat dampun selamaknya, melain ke salah empadai dah mulah dusa kekal." ³⁰ Ya madah piak empadai sidak madah Ya kesarung roh jaik. ³¹ Udek inai ngau menyadik Ya datai kiak. Ketengah sidak bediri deluar, sidak nyuruh urang ngumai Ya. ³² Urang mayuh duduk ngelingik Ya, sidak banai ngau Ya: "Pedak, inai ngau menyadik Mih deluar, kak betemu ngau Mih." ³³ Saut Yesus ngau sidak: "Sapa inaiKu? sapa menyadikKu?" ³⁴ Ya medak ke sidak te ngelingik Ya, lalu banai: "Yak inaiKU, ngau menyadikKu! ³⁵ Sapa te ngerja penekak Allah, ya yak mek menyadik bakas, menyadik inuk, yak mek InaiKu."